السَرد مبدأي ، ماراح يكون بالشي الفخم ، لكن الأحداث فَخمه ، تُليَق بالقارئ
.
بقَلمي : لُبا العلي
....
كعدت عتب وياك رايد.
بس كون اريدك حيل بايد.
حتى بعتبنه نروح زايد
يخلص حجينه على الكلايد.
اخ بلهاتي النار كبرت.
عفت بعشرتك خوش عثره.!!
جوه الضلع بسمار خضره
ذاك الحجي الماريد اطلعه
خليني ساكت من تسمعه
سم بلهاتك ماتجرعه
تخلص حياتك دمعه دمعه
حيره غدر بالعين شايف
ترجف شجاك شبيك خايف ؟
...
انور اللامي
....
الحياه تجي مره وحده لازم نستغلها..تجي بيها اوقات نحزن..والثانيه نفرح ، ماراح تكون كل الحياه حزن لازم يجي وراها الفرح واكيد العكس كذالك
كلنا متعوبين من الحياه حتى لو جان التعب صغير من شخص الي ثاني يبقى تعب والإنسان لازم يتعب
تفكيري المحدود الدائما يجي حول الحياه ، وشلون اني حظيت بناس ينحطون على الجرح يطيب ، يتأذون قبل مااتأذه اني ، يفرحون اكثر مني كأنوا الشي الحلو الصار الهم مو اليه
ابتسمت من قاطعني صوت زهراء وهي تصيح علينه
زهراء : شوكتتتتت تبدددددننننن؟؟؟؟؟
جاوبته بصياح هسهههه وهيه استرسلت برزالتنه لكن ماوكفنه عرك اني وفاطمه على غسل المواعين
موج: اني حغسل المواعين وأنتِ مسحي ورتبي الكاونتر
فاطمه: لا حُبي روحي تزحلكي اني اغسلهن
رفعلتها حاجبي ونزلت وجهي اباوعلها بطريقه مضحكه
موج : حياتو اني اغسل المواعين وانتِ بعدج بيبي تلزمين المواعين وتسويلهن سفره إلى الله فأتركي كلامج هذا ويلا بنتي
فاطمه بدون كلل أو ملل كعدت تدردم عليه جنها هي ام الراهي والله يالله هزيت ايدي وكملت اغسل بالمواعين
لحد مااجت زهراء دتغسل كاع المطبخ صحتت : اريد استراحهههههه بليززز
زهراء : خو أنتِ حتى من تكعدين من النوم تريدين استراحه
موج : چا غير تعبانه من الحلم بس يركضون وراي واني اركض جني بايكتلي بوكه بالحلم
فاطمه : اصلا تعبت وحيأذن امشن والله تعب
اني ماصدكت بس كالت فاطمه يلا رحت اركض واتعثر لان اكو ماي بالكاع ، وصلت الغرفه الهث والابتسامه شاگه حلكي اخذت استراحه
أجن هنه يمشن على كيفهن علمود ميتزحلكم ويسون سفره إلى الله
زهراء : هاي الغرفه كل ما اكعد بيها اتذكر الماضي ومصايبه
موج : ههههههه تلطم علينه وعلى وجاعنه هاي الغرفه
فاطمه : سمعت سوالف حريمه تطلع من بشر طبيعين والاكثر سمعت شهكاتنه المازالت موجوده
اجيت ارد عليها بس استوقفني بجي زهراء ، التفتنالها اني وفاطمه
بس شفنه زهراء بجت بجينه وياها وكبل طكيناها ضحكه ، كلما نتذكر نبجي وبجيتنه تليها ضحكه ، شكد حلو بعد ماتخلصنه من الماضي ولكينه سُبل نجاه النه!
أنت تقرأ
سَنابُل مَكسوره
Mystery / Thrillerرفعت راسي وباوعت عليه لكيته طايح بالگاع ودمه مغرگه ، حسيت بحرگه بكلبي وخوف جبير وعدم تصديق هاي هو بالگاع لو غيره ؟؟؟ حاولت اكوم اشوفه وأوكف النزيف بس رجلي جانت مكسورة ما أكدر اتحرك زحفت إله ورحت ادور متهستره على مكان الجرح اريد اوقف النزيف بس ماهو...
