سَنابُل مَكسوره

.البارت الرابع🕊️.

سَنابُل مَكسوره بقلمي : لُبا العلي 🦋🎀.

صوتوا وعلقوا بين الفقرات حبايبي الحلوين

...
كف بأول جرح لا تلجم مرتين

عاها يضل اذا مرتين يتخيط

ابتره اليوجعك من الجذر وارتاح

عليمن باقي عثره ووضعك متخربط

يستفحل اذا ما قررت ينهيك

اكطع دابره من اتعرفه يتسلط

مايحمي الظهر لا بالملاكه يفيد

ما بي نفع زايد وين ماينحط

..

الاشعارات من محادثه معروفه وانما رقم فتحته
جايتني الاتصالات مدري شكم ساعه صارلها تتصل
والرسائل عباره عن "ديري بالج تبقين ويه حسين"

عگدت حواجبي منو هذا الهيج يحجي ، كتبت

🗯️ : منو انت؟
تجاهل سؤال بس عرفتها بنيه من كالتلي

🗯️: أنتِ دتكونين عائق بين شخصين يحبون بعض

ركعت رديت سئلتها
🗯️ : منو أنتِ

🗯️ : حبيبته...

ظليت مصدومه على الي كالته رجعت كتبلي الي خلاني أنصدم أكثر وأعرف منو هاي حبيبته الي تدخل بيتي وتصير سوالف واني ثوله كلشي مااعرف
حسين مستغبيني ؟؟؟؟؟

🗯️ : حبيبته شنو حُبي اني زوجته أنتِ شنو؟

شافتها وگبل دكت عليه ، ترددت ارد شكيت بالموضوع بالبدايه
اخذت نفس اهدي نفسي وسميت بالله وعلى اخر لحظه رديت

هُيام : الوو منو ؟
اجاني صوت انثوي تحجي بطريقه مُقرفه!

-ياهلا اخيرا كدرنه نسمعلج صوت

هُيام : منو أنتِ شدتخربطين

- شخربط أنتِ الي مخربطه ، حسين حبيبي اليه وبس أنتِ اجيتي صرتي طرف ثالث بيناتنا هو يحبني إليه ميحبج

هُيام : هو اصلا منو أنتِ واذا حبيبته محد يعترف بيج ، اني زوجته بالشرع وبالقانون

- بنت عمه اني.. غصباً على الكل يعترف بيه وكدامج

هُيام : يافارغه منهن أنتِ

-غدير تاج على راسج

هُيام : هههههههههههه مااعرف الناس شبيها تخلي نفسها بموقف بايخههه ، باعي حياتو حبيبته ماحبيبته اخذيه الله ومحمد وعلي وياكم واكسر وراكم ماعون دانطيج بقاياي أخذي تونسي بيه بعلاقتج هايه بوجهج لجهنم يعقدلج ابو لهب وتهلهلج ام لهب...

مانتظرت ترد كبل سديته بوجهه ورحت حضرتها من كل مكان ماريد اسمعها بعد لعبت نفسي
مره يجي شارب مره زاني مره متعاطي هسه علاقه شيهدي هذا ويرجعه للطريق الصح بي ماكو شي مستحيل على رب العالمين