سَنابُل مَكسوره

.البارت الثالث🕊️.

سَنابُل مَكسوره بقلمي : لُبا العلي

صوتولي بنجمه وشاركوا بين الفقرات حبايبي الحلوين 🎀😃.

خَاف اتَرز بَيْك
حَد گَطع النَفس
وازهك واضرَك
خَاف تطشَر ولَك
وشَلون المك؟

عريان خلف...

...

زهراء :
جنت اشوف ابويه متأذي كلش رُغم صغيره بعدني بس حرفياً جنت اضوج لان مابيدي أي شي أجو بيت عمو راهب وعمو ايهم وعمه وهباء أخذوا بابا واخويه الجبير راح وياهم حرفياً من 2 الضهر لل1 بالليل احنا ننتضر بنفس اليوم الراح بيه "كال لمن بيتجن للنسوان تضل تضحك عليجن" وفعلا جنه متوقعين كلشي لان حالته جانت كلش صعبه لمينه البيت غيرنه الفراشات وكلشي كدرنه نسويه سويناه

انتضرنه وأنتضرنه وأنتضرنه
لحدما خابرناهم وكالوا هم ببيت عمه وهباء وهسه شوي ويجون
أنتضرنه هماتين وهو جان عنده أبره لازم ياخذها
وجانوا الدكاتره يكولوله لازم تسوي عمليه ونسبه نجاحها 1% بس مسوه العمليه وبقى
لما راح لحد الليل راد يرجعلنه فَضل يشوفنه جان يعرف بنفسه حيموت

طول الطريق وهو يوصي بيهم علينه
لحدما وصلوا للباب وعمه وهباء نزلت الغراض وسمعت بجي سيف وصرخته
عمه وهباء كامت تعيط طلعنه نشوف شصاير عمو راهب ماقبل كال حناخذه للأنعاش

مجانوا يكولولنه أن هو مات بعد هاهيه
جان جسمي كله يرجف من هَول الصدمه اللي اني بيها ومنزلت دمعه مني ماكدرت أستوعب انُ أحساسي مُمكن يصير
جنت أحسه حيروح ويعوفنه بس اكول لا حيرجع شوي ويرجعونه

بس قَدر الله وما شاءَ فَعل رب العالمين مرادنه نشوفه يموت كدامنه ... أجانه وهوَ بالتابوت!
مكدرت ابجي شكد ماحاولت جنت اكول لا هو حيرجع
جنت أحسه مسافر وحيرجع

مُستحيل أنسه من راحوا للنجف يدفنوه جنت گاعده بالمطبخ متأمله يجون ويجيبونه وياهم
اهههخخخخ من شفت الكل دخل واني عيوني ادور بالوجوه ، اريد بس المح وجهه وطوله الحلو واكف كبالنه يأست من دخلوا كلهم وملمحته انتظرته شكد بس مااجه..ليش؟

أدركت بعد انتظاري معنى الفقدان ، طفله صغيره بعمر 14 بعدني صغيره مو كلشي واضح عندي ، فهمت الفقدان شنو بس مااستوعبته ، موضوع صعب تفتهمه بس ماتستوعبه كد ماجبير ميدخل العقل ...

موج : مرت ايام واجت ايام وصار يوم الاربعين مال عمي صفاء ... رحنالهم الصبح حتى نتجهز كلنا وننطلق بالليل ...مر النهار واحنا بين الشغل والسوالف العاديه والحوت عامنه كلنا شخص نقي مثل عمي ياخذه الموت هضيمه والله هضيمه بس هو الموت يأخذ بس الزين والمو زينين ذولاك عايشين حياتهم مااكول كلهم نفس الشي بس يبقون مو زينين ... حل الليل علينه واحنا اتجهزنه ، لبست بنطرون اسود و تيشرت اسود عادي وفوكاهن وسويت شعري ذيل حصان لان قصير ولازم المه ومترهمله غير هالتسريحه