အိမ်ကို ဆိုင်ကယ်အမြန်မောင်းလာပြီး ခြံတံခါးလည်း ကိုယ့်ဘာသာ ဖွင့် ခြံရှေ့မှာရပ်ပြီး တစ်အိမ်လုံးတော့ မီးဖွင့်ထားပြီး လက်မှာ ပတ်ထားတဲ့ လက်ပတ်နာရီအမဲလေးကို တစ်ချက်ငှဲ့ကြည့်လိုက်တော့ ညခုနှစ်နာရီထိုးခါနီးနေပြီ။ "စိတ်တိုလိုက်တာကွာ " Offroad စိတ်တိုတာ ရှားပေမယ့် Daou နှင့်ပက်သက်လာရင်တော့ အလိုလိုနေရင်းကို တိုနေသည်။ သူတို့အိမ်က တိုက်ကတစ်ပိုင်း ပျဉ်ကတစ်ပိုင်းဖြစ်သည်။ အပေါ်ကသစ်တွေနဲ့ဆောက်ထားပြီး အောက်ထပ်က ဘိလပ်တွေနဲ့လုပ်ထားသည့် အိမ်ထမင်းဆိုင်လေးဖြစ်သည်။
Road " အိမ်ထဲကို ဆိုင်ကယ်ယူသွင်းပြီး ရေခဲသေတ္တာထဲက ရေခဲရေတစ်ဗူးကို ယူထုတ်ပြီး ထမင်းစား စားပွဲအနားက ထိုင်ခုံမှာ ထိုင်ပြီး ရေကို ဟောဟဲ...ဟောဟဲ...သောက်နေသည်။
"ဘာမှမလုပ်ပဲကို မောနေရောပဲကွာ .."
အသံကို မြှင့်မြှင့်လေးပြောပြီး အင်္ကျီလက်ကို ခေါက်တင်လိုက်ပြီး အပန်းဖြေနေသည်။
"သား ပြန်လာပြီလား စောလိုက်တာ.."
ဒေါ်မေကြည်က အိမ်ပေါ်ကနေ ဘုရားရှိခိုးပြီး ဆင်းလာတာမို့လို့ မျက်နှာသုတ်ပုဝါတစ်ထည် ပုခုံးပေါ်တင်ပြီး လှေကားကနေ အောက်ထပ်ကို ဆင်းလာသည်။
" ဘယ်လိုဖြစ်တာလဲ သားကို ကြည့်ရတာ ချွေးတွေစိုရွှဲနေတာပဲ။"
" ဘာဖြစ်ရမှာလဲ အမေရယ်... အခုစာသင်ဖို့ သွားတဲ့ ကျောင်းသားက ဘယ်သူမှတ်လဲ "
" အင်း... ဘယ်သူတုန်း သားအသိလား.."
" အသိဆိုရင် တော်သေးတယ် အမေရယ်။ တစ်ကျောင်းလုံးမှာ အဆိုးဆုံး။ "
မမေမြတ် က ပြောပါတယ် သူ့သားက နည်းနည်း ဆိုးပါတယ်လို့လေ .."
" နည်းနည်းဆိုးတာမဟုတ်ဘူး အမေရေ ။ အများကြီး ။ ဆိုးလို့ လိုက်လို့ကိုမမှီတာ။"
စိတ်ပါလက်ပါနဲ့ သူ့အမေကိုရှင်းပြနေပြီး သူ့အမေကတော့ ခေါင်းတစ်ငြိမ့်ငြိမ့်နှင့် ။
" အဲဒါကြောင့် ပြန်လာတာပေါ့ သားက။"
" ပြန်မလာရင် အိမ်ပေါ်က နှင်ချမဲ့ရုပ်ဖြစ်လို့ အမေရေ ပြန်လာမှရမှာ။"
" စိတ်လျှော့ပါ သားရယ်။ ညနေက သားသွားတုန်းကတောင် သူ့အမေအိမ်ဘက်ခဏလာပြီး လစာဆိုပြီး ပိုက်ဆံလာပေးသွားတာ။ "
" ဟင် ... လာပေးသွားတာလား.."
" ဟုတ်တယ် သား... အကယ်၍ သား မသင်ချင်ရင် မနက်ဖြန် ပြန်သွားပေးလိုက်ပါ အမေကတော့ မတိုက်တွန်းပါဘူး။"
