قطتي الشقية

بارت 18

بارت 18

قطتي الشقية

هشام : ممكن افهم ايه التصرفات الغبية دي ؟ ايه الي عملتيه ده ؟ بسببك مليكة  زعلت جدا و اول مرة تزعل مني و من اسد .. و فوق كل ده خسرنا صفقة مهمة اوي
رضوى : انا اسفة يا هشام بس بجد انا ادايقت عليها 
هشام بغضب : و انتي مالك ؟؟ ليه تحشري نفسك في حياتها ؟ امبارح اتخانقو و زعلت منه جدا ... و كانت عايزة تروح لاهلها
رضوى : و انا ايش عرفني انه هيحصل كدة ؟ انا كل همي مليكة تاخد بالها من اسد
هشام بجنون : انتي كل الي عملتيه فتنة بينهم ... نوران جات مكتب اسد و اتكلمت عادي ... ليه تعملي كدة
رضوى بغضب : لا ما اتكلمتش عادي و انا لو قلت لمليكة هية قالت ايه بالزبط كانت هتعمل اكتر من كدة
هشام باستغراب : هو حصل ايه ؟؟
رضوى بضيق : البنت قربت من اسد و قالتله انها لسا بتحبه و فكرته  بالماضي و ايامهم مع بعض  .. بس اسد صدها و طلب منها تتكلم بالشغل بس ... عشان كدة انا اتجننت و خوفت اوي البنت دي تعمل حاجة لاسد و تلف عليه
هشام بصدمة : مستحيل ! معقولة نوران وقحة كدة ؟
رضوى : اه و انا اتدايقت جدا فسخنت مليكة عليهم عشان تربيها ... نوران مش همها الشغل هي عايزة ترجع علاقتها باسد و انا كلمت دنيا و سألتها و قالت انها فعلا كانت من زمان بتحب اسد و لما تطلقت لقتها فرصة ترجعله ... انا راجعت اوراق الصفقة مع الاستاذ امير و فهمنا ان ارباحهم هتكون اكبر بكتير و شروطهم معقدة و اكيد هتستعملها عشان تضغط على اسد ... و استاذ امير شجع على الغاء الصفقة و لو تحب اسأله

هشام بصدمة : لا حول و لا قوة الا بالله .. يعني مليكة كان عندها حق بتصرفاتها ... انا كلمتها بطريقة وحشة و زعلتها جامد عشان تعتذر لنوران ... الحمدلله اصرت على موقفها
رضوى بضيق : ازاي عايزها تعتذر حتى لو غلطت بحقها .. هي مين نوران اصلا .. دي مرات ابنك يعني ليها احترام و مكانة و انت  و ابنك الي لازم ترفعو مكانتها قدام الناس  ... و الي عملته مليكة هيفيد شركتك جدا

هشام بضيق : انا صالحتها .. بس حاسس اني مذنب جدا بحقها و مش عارف اعمل ايه ... و نوران مش هعمل اي صفقات معاها .. اكيد ربنا مخبيلنا الاحسن ... بس انا فعلا مدايق على مليكة
رضوى : ما تقلقش اسد اكيد هينسيها كل الزعل ده و مليكة مش من النوع الي بيحقد ... بس ما تكررش التصوفات دي معاها حتى لو بتعتبرها بنتك
هشام : مش عارف هحط عيني بعين مهران ازاي .. دلوقتي هيقول كان معاه حق لما قال عايزها تروح معاه
رضوى : ما اعتقدش مليكة تقوله ... المهم دلوقتي الصفقة الي جاية مع شركة مديرها عمر الدسوقي ... الاجتماع بكرا الساعة 3 الاستاذ امير قالي اكد عليك انت و اسد
هشام : تمام .. عمر ده صاحبي من زمان و شركاته سمعتها زي الطلوقة .. بس عارفة ايه الغريب
رضوى : ايه
هشام : ان امير يبقى ابنه و مع كدة امير ما اشتغلش معاه و فضل يشتغل معانا
رضوى بصدمة : غريبة ليه يعني
هشام : انا زيك بالزبط لغاية الان معرفش .. و حتى لما بيتقابلو بيتكلمو على انهم اغراب
خبط الباب و دخل امير
امير : اسف قاطعتكو بس كنت عايز اتكلم شوية عن بنود العقد ده
هشام : تعال يا امير  اصلا رضوى هتمشي
رضوى : عن اذنكم