ضحايا بلادي "مجزرة العشاق" الجزء الثاني

6

ضحايا بلادي
بقلم يحيى ادريس
‏94 part
وقف تاكسي قدام ڤيلا كانت ساكنه فيها ف يوم
من الايام نزلت كرعيها ثقال مش شايليتها شافت
زينه الفرح معلقه ع الحوش وزحمه سيارات خشت
وسط الحوش كان في خدم شايلات اصفر شافت هند انصدمت وركزت وليد مقعمز ولابس بدله عربية وجنبه عروسته ع كراسي لابسه عربي شافتلهم وقالت خير جاية نهني ونبارك لطليقي اللي كان هيكون اب ولدي لو كان ولد نسموه ايڤران عيونها امتليو دموع وان كان بنت حتى اساميهم اخترناهم
تذكر ؟
لاني كنت حامل ولكن معش قعدت انت ماقعدتش
اب بس قعدت قاتل مجرم
امل . كذابه وليد قول حاجه تكذب كنك ماترد عليها
ارويدا . قالت هيا وابتسمت ماتكسرش عروستك رد عليها مش امس بعد جبتها ع الفندق رنيت عليا وترجيتني عشان نردلك ونسامحك ومستعد تردها
لهلها لو وافقت نردلك ..
امل . وليد قول حاجه يرحم بيك
وليد . اللي قالاته صح كانت حامل ونا مع اني نعرف انها حامل ضربتها بالكرسي اااه اااه في حد معرفش
درتها ارويدا مسحت دموعها وهي مبتسمه اشبعو ابعضكم توا ..
وطلعت وهي حاسه بالنصر بعد فضحتهم ..
...
بعد مرور اشهر يونيو 2021
حبيبي قصيت شعري حلو
ضحك اسلام وقال طالعه زي ماروكو
فنصت فيه خزي يابارد
اسلام . نحكيلك الحقيقة طويل احلى عليك
شهد . خشت وسيباته
جوري مامااا
اسلام . زعلت ماما يابابا شن نديرولها قعد يلعب ف بنته
شهد . تحكي ب تليفون نحس فيه متغير معايا مش زي قبل يامنى
منى . شهد حتى انتي شعرك كان مايهون عليك كيف درتيها
شهد . مليت من الطويل حبيت تغيير
منى . ايوا يتغيير انت العموم كل شي حلو عليك شهودي
شهد . تعقدت منه بدال مايغازلني قعد يقول ماروكو
ضحكت منى هيهي ووووه ماروكو
شهد . تهزي انتي الاخرى خزي
منى . آسفه والله يابنيه تعالي
شهد . ع اللي تحكيلك
خش اسلام يضحك
شهد . اطلع برا خطاني
اسلام . نحبك نحبك ماركو
ضحكت وهي تشوفله
اسلام . عمري مانتغير ع حبي
منى وهي تسمع فيهم من تليفون ضحكت وصكرت تليفونها
اسلام . حبي شن مايدير يطلع سمح عليه ياماروكو
ضرباته ع صدره بارددد
اسلام . عندي معاك كلمتين نتفاهمو ع انفراد
شهد . مش كنت ماروكو ومش عاجبتك
اسلام . توا نغمض عيوني
شهد . اسلام
اسلام . ياقلبه
...
طلعت من جامعة مستعجله بيش اطق ف مكان
شغلها مزال 5 دقايق ويبدا دوامها تجري تجري
لعند شافت سيارة قريب من العيادة اه روشنها
سمح طلعت روج بدت ادير فيه ومصمصت فمها
جميلة يابنت يابتول الدكتور هيسيب المرضى ويكبد
فيك احتمال يعتزل طب من ورايا ههه نياه وخشت
للعيادة سلام عليكم ياقوم ..
شافت المرضى مقعمزين اوووه مساكين لاباس
عليكم مش بس ع المرض هناخذو منكم فلوس
واجد ..
. ماشاء الله من اول يوم تأخير لك
بتول . وانت من ان شاء الله
انا مديرك ..
بتول . مدير بس نا حكيت مع وحده
هذك نائبه عليا بس انا المدير هنا وياريت بدال
ماتمكيجي وطيحي دكاتره عند سيارتي كنت خشيتي
وقعدتي ف مكان شغلك اللي بادي له دقيقتين
بتول . فنصت انا اسفه مش قصدي كنت نبصر مع روحي معقوله نطيح دكاتره ..
لؤي . شن نماذج هذي وركب لمكتبه
بتول . عدي ملح وخشت ورا مكتبها وقعمزت اوف عليك تعب حطت راسها بين يديها ع طاوله من تعب
...
خشت منى لصالة رياضية تدرب ف نفس الوقت
كانت معاها رحمه تشرب ف اميه هلا شجو ..
رحمه . اهلين
منى . شن اديري هنا
رحمه . متعرفيش نشتغل هنا
منى . ماشاء الله مدربه
رحمه . يب
منى . حلو
رحمه . شخبار العويل
منى . حطيتهم ف منتدى صيفي منها يحفظو قرآن ومنها يزيدو ذكاء ومعلومات وعندهم نشاطات زي الكاراتي والاء تلعب ف جمباز ..
رحمه . نجك ليا ربي يحفظهم لك وتفرحي بيهم
منى . امين يارب عقبال نشوفهم عندك
رحمه . فارس حلف ماهو داير فرح لعند يموتو كلهم
منى . فارس عنده عقده بعد موت حني
رحمه . يستر الله مايفوتني وتجي العقده ع راسي
منى . وهي تلعب ف الحديد متخافيش انتي كبيدته
رحمه . زعمك
منى . زعمتين
...
جوري . ماما
اسلام . خرففف
شهد . اسلام كنك
جوري ، ننني ماكم
اسلام . حط يده ع وجهه
شهد . ضحكت وخذت جوري خلتها ترقد وسطهم
اسلام . شاف لشهد
وجوري تبحت ف بوها
اسلام فنص فيها والبنت ضحكت
شهد . بنتي سمحه بناكلك نا بناكلك ودغدغ فيها
وجوري تضحك
اسلام . شاف لشهد ب امتعاض
ثاني يوم وعيو ..
اسلام . شن هذ
شهد . حي حي كنك ما وعيتيني وقلتي نبي الحمام
جوري . اوبس نسيت
شهد ، مش مشكله توا ندوشلك هي
اسلام . شن اللي مش مشكله شن قرف هذ
عندي عمل ومستعجل بعدين كبيرة كنها ماترقد
ف دار بروحها
شهد . اسلام
اسلام . شن اسلام عيالك كبرو مفروض من زمان معلمتيهم الحمام معقول هك قرف ومرقدين
جوري عيونها دمعو بابًا ثين
اسلام . شن قلتي وجا مسكها من وذنها
شهد .دفاته وفنصت فيه كنك مش طبيعي صغيرة را وبنتك
اسلام . طلع معصب
جوري . تبكي
شهد باستها وحضنتها معلش يامامي معلش يا روحي
..
اسماء تحكي مع محمد مكالمه فيديو
اسماء . صباح الخير
محمد . النور والورد ع زهرتي الصفراء
اسماء . امتى بتروح
محمد . قريب ننهي شوي امور ونروح
اسماء . انحبك واجد ..
محمد . وانا نحبك واجد ..
زرقت ماجده راسها من عند الباب وصكرت خشمها
حتى نا نحبك واجد
ضحكت اسماء وضحكت معاها ماجده
اسماء . صباح الخير
ماجده . صباح النور شخبار الحب معاك
اسماء . قعمزت جنبها ينهي شغل وبيروح
ماجده . مزلتو ماقررتو امتى موعد الفرح
اسماء . غير نتخرج قبل
ماجده . سنة اخر سنة لك
اسماء . ياربي نصفي ونتريح
ماجده . امين ياربي هي تعالي نديرو فطور
..
صالحه . من هذك اليوم زعلت هن من اول ماطلع من الحبس يتبلن ع ولدي كل مره حاجه ..
جمعه . شهد ماعندهاش ف لتبلي وماتحمل شي ف خوتها
صالحه . عاد انت محامي دفاع لها
جمعه . استغفر الله العظيم واتوب اليه
صالحه . الا زياد هذ حوشه مش عاجبهن يقعدن ف حواشينهن ..
جمعه . ربي يهديك ياوليه
صالحه . شايفني نتش ف شعري ولا كيف
جمعه . ناض وسيبها
صالحه . تلم ف تباسي مش عاجبهن الهوانم وهو مش راضي ف بناته ..
...
منى . معش فاضيه زي قبل ف صبح جامعة خلاص هانت قريب وناخذ الماجستير وسنة جاية نبقى
استاذة وف العشية مكتب خاص بالهندسة والليل عندي نادي حتى عيالي نشوف فيهم غير يوم جمعة وف اخر الليل يعني معش فضيت بكلل ..
اسماء . مهما كان هلك يامنى وقفو معاك زمان
منى . وجعتني روحي يااسماء زياد طردني عيني عينك
ولما جيت طالعه محد قال نمشي نقعد معاها لا عزمو عزومه مجامله اني نقعد معاهم لكن نا مانبيش اصلا المفروض حد منهم يقول نقعد معاها نونسها بس هذي مافيش
اسماء . مش جو ودارو شوايات عندك
منى . مجاملات ومظاهر بس النيه يعلمها ربي
اسماء . حاقده ع هلك
منى . بديت نسحب روحي منهم زياد يلبز واجد وصراحه خايفه على عيالي ..
اسماء . تخافي من خوك بعدين مشية عشية شن فيها
منى . اسماء والله نا اللي فيني كافيني
اسماء . حتى شهد نفس نظام قطعت عليهم
منى . شهد بعيده اول شي ثاني شي هي حذرت امي وامي قالتها بالفم مليان تفتنن وتتبلن ع زياد ..
اسماء . ربي يهدي الحال ان شاء الله
...
اسلام . بس شغل هذ جاني نا الاول
عماد . انت شتحساب روحك هذ شركة لبوي ونا يحقلي ناخذ شغل اللي نبيه ..
اسلام . بس نا تعبت عليه شغل هذ ومتفق مع راجل
عماد . ونا عجبني ونبيه
اسلام . كلامي مش معاك مع استاذ اشرف خش عليه
اشرف . حط تليفون ف وذنه رفع صبعه
اسلام . غمض عيونه بنفاذ صبر
وعماد . مبتسم بتهكم وقعمز ع كرسي
قعد حوالي اشرف 10 دقايق وهو يحكي بتليفون
بعدين شافلهم نعم شن في ..
اسلام . باش مهندس ف شغل جاني نا مشروع مول ونا الاول ونا اللي عطيت فكرة الاساسية لمشروع
نلقى عماد واخذها ويقول عشان هو ولدك يحقله
اشرف . عماد قال عيب
اسلام . كيف يعني
اشرف . مافيهاش حاجه اتزعل مره اخرى انت اسبق وخوذ شغل وهو مش هيتكلم
اسلام . بس
اشرف . مهندس اسلام شوف شغلك
للحديث ..
بقيه