ضحايا بلادي "مجزرة العشاق" الجزء الثاني

10

ضحايا بلادي "عن قصة حقيقية"
بقلم يحيى ادريس
‏98part

الحاج اعمر تعب ف الفترة الاخيرة ورقد ف المستشفى وكان زوار واجدين جت منى وجو
هلها كلهم بدون استثناء ف ديسمبر 2022
طلع فرح اسماء وصالحه مقدرتش تحضر
من زعلها ع محمد نفس شي خواته ولا وحده حضرت
اسماء طلعت ملكه ف فرحها وجا عريسها خذاها
وهو طالع بيها كان محمد ف سيارته يشوفلها عيونه
دمعو عض يده بقهر ويشوف ف حبيبة قلبه ركبت
وانزفت لغيره اصوات كلاكسات وزفة محمد يخبط
ف يده ع دومان ..
..
سالمين . نعم
لؤي . انا بنتزوج
سالمين . ابتسمت واخيرا نشف ريقي بنت من
لؤي . هي سمحه ونحبها وتحبني
سالمين ، باهي عارفتها سمحه ه بتاخذ شينه لكن بنت من
لؤي . بنت جمعه عبد الرحمن **
سالمين . ماعرفتهمش شن يشتغل بوها
لؤي . سكت
سالمين . هي شن تشتغل ولا تقرا
لؤي . تقرا طب اسنان
سالمين . ماشاء الله كيف تعرفت عليها تدرب عندكم
لؤي . تشتغل ف الاستقبال ف عيادتنا
سالمين . وجهها انصفر وسكتت
لؤي . بناخذك تطلبيها لي
سالمين . يصير خير يصير خير
لؤي . امي
سالمين . قتلك يصير خير
..
بتول تشوف لروحها ف لمرايا بتول كيف انتي سمحه هك منقدرش نبحت ف روحي جاني صداع من جمالي شافت لمرايا انتي تهبلي تجيبي جلطة بجمالك حطت يدها ع قلبها اه جتني جلطة من جمالي وسماحتي وووه وضحكت خذت طرف
كت كات وبدت تاكل وتشقلب ف عيونها بضحكة
فوق من جمالي حانطه كيف شوال سكر وتضحك..
..
فارس . نا بناخذ شقة فوق هلي
محمد . اصلا نا اللي ف عقلي تبينا بعيد عن هنا
فارس . في عقلك وحده
محمد . ضحك وطبس راسه
فارس . وتوا غير تكلمت
محمد . فرحي وفرحك خليهم مع بعض خير
فارس . مافيش مشكله ويرن تليفونه او هذ رحمه
وناض
محمد . ابتسم وطلع يدخن قدام الباب
عماد . محمد شجو
محمد . او عمده شلخبار خش
عماد . اصلي والله جايك ف موضوع
محمد . ان شاء الله خير
عماد . زياد
محمد .
..
رحمه . حبي
فارس . عيونك حبك
رحمه . تنهدت امتى الفرح طولت را قريب نمشط شيب
فارس . متخافيش مش هيبقى فيه شيب لمًا ناخدك تبقى صلعه
رحمه . فارس
فارس . ضحك
رحمه . مليت را طولت بكل سمطت
فارس . حاضر عيوني انتي ياحبي
رحمه . ابتسمت امتى
فارس . بعد يموتو جميع ناس عشان ندير فرح محد يخطرله يموت
رحمه . هنموت انا
فارس . بعيد سو عليك
...
اشرف انت شتحسب روحك عقاب موظف هنا
اسلام . انا واخذ الاول ع دفعتي
اشرف . كان شهادة نقعها واشرب ميتها اسمع يااسلام شركة هذ نا فاتحها عشان تشتغلو لكن
الاولويه لولدي مش عاجبك اطلع انت قدم استقالتك مستحيل تلقى راتب كويس كيف
اللي تاخذ فيه هنا ولا دلع دايرلك قدر ومكتب
بروحك وسيارة
اسلام . يشوف ف روحه كيف قاعد ينهان قدام موظفين مش قادر يستقيل لانه عارف مافيش
مزايا شغل ف مكان اخرى ومن صعب يلقى شغل هك ومصاريف الحياة اللي تعود عليها ولعيال والاعياد جايات وطفل جاي ف طريق ..
خش لمكتب راقيله ..
انفتح باب المكتب
برم شاف شهد انتي كيف تخشي عليا هك ..
انتي تحسبي روحك ف الحوش هي امشي
انتي لازم تحترمي خصوصيتي ف شغلي
شهد قربت منه كملت هزب .. هزب اخرى
انا نبيك اطلع كل اللي ف قلبك وحضناته
بس لازم تعرف انا مش هنقدر نسيبك عشان
نا ماعنديش غيرك انت اول حب في حياتي
انا اول مره حد يحبني ويتعب عشاني هو انت
بس هو مبادلهاش الحضن وخرت عنه عيونها
مليانات دموع عرفتك مضغوط من شغل والحياة
ومن لعيال ومن الحياة وعشان خوك الله يرحمه
فترة وتمر كله يمر ونردو احسن من قبل اسلام
مشيت لعيادة طلع معاي تؤام اخرى ضحكت شكلنا بنبقو عائلة كبيرة ه المره انت سميهم الاسامي اللي
خاطرك فيهم
اسلام . يشوفلها وساكت
..
محمد . شاف زياد يبيع ف مخدرات ف وحده من شوارع مسكه وكان بيضربه
زياد دف محمد مدخلكش بيا ومشا وسيبه
محمد روح للحوش امي امي طلعت صالحه
صالحه . كنك تصرخ
محمد . قعمزي
صالحه . شن في
محمد . ولدك زياد
صالحه . كنه
محمد . شفته يبيع ف ***
صالحه . شن تقول انت زياد مايديرهاش كذب
محمد . اللي يجيني يقولها لي لعند اليوم شفته ف *
صالحه . ابدا اتبلو عليه اتبلو على خوكم الا زياد
محمد . امي مش وقت عواطفك توا
صالحه . زياد مايديرهاش ابتسمت ب هزوه شهد غبت ف راسك صح اكيد هي مليون ف الميه يعني
من غيرها ..
محمد . نقولك شفته وهو يبيع
صالحه . لو شفته بعيوني تكذب عيوني
محمد . ماعندي ماندير ولدك صبي يبيع ف ال***
صالحه . كذب كذب
..
عادل ومراته وعياله طالعين من مدينة بنغازي
للبيضاء وهم جايين للبيضاء تنقلب بيهم السيارة
في المستشفى كلهم ملتمين ..
درنا اللي علينا انا لله وانا اليه راجعون
وعيطت كامله ومعاها هند ع عادل وع مراته
ولعيال مافيهم شي نجو من الحادث ب أعجوبه
..
اعمر . فتح عيونه وشاف اسماعيل وقال عادل وين
اسماعيل . ف بنغازي
اعمر . كلب زينه مايقول شي ننشد ع بوي مريض ماقدر يجي
اسماعيل . كلم ب تليفون
اعمر . غمض عيونه ورقد
ومر ع عزاء عادل وزوجته اسبوع ..
كان اعمر ف المستشفى يحكي مع كامله واسماعيل
الله الله ف منى وعويلتها عينكم منها ودمعه نزلت
من عينه وهم يبو يفكو خيمه عزاء عادل ركبو خيمه بوهم ..
...
سالمين . انتي بتول
بتول  . ابتسمت تفضلي
سالمين . يزيد فضلك اسمعي انا ام لؤي
بتول . اااه اهلين خليني نقوله توا يفرح بلكل
سالمين . جاية عشانك انتي
بتول . ابتسمت جاية عشاني نا
سالمين . ابعدي عن ولدي هذ ماناقص ناخذ وحده مطلقه وفوق منها لا اصل لا مفصل شوفي سمعتكم
خوتك وخواتك وباتك عائلة شلتتت كلكم كيف تبحتي ف حاجه مش من مستواك لا ماديا ولا اخلاقيا نحنا عائلة راقيه مش بالفلوس را بس لكن حتى ف اخلاقنا وعادتنا انتو ماشاء الله محد شكركم
كل ناس تقرض فيكم لذلك حتى لو كنتي احسن وحده ف العالم مش هناخذك تعرفي عليش مش
هنخلي ولدي ياخذ وحده مطلقة
بتول . عيونها دمعو
وسالمين لبست نظارتها وطلعت من العيادة
بتول . دموعها نزلو خشت لمكتب شافت لؤي
لؤي . حبيبتي كنك
بتول . انا بنسيب شغل
لؤي . شن في حد ضايقك حد
بتول . وياريت حتى نا تنساني بالمره
لؤي . عليش كنك
بتول . مش قلت ان آمك موافقه وبتجي تخطب
لؤي . بلع ريقه
بتول . امك تعرف اني مطلقه
لؤي . بس نا ماقلتلهاش
بتول . امك سئلت ع تاريخ عيلتنا وبالحرف قالتلي نطلع من حياتك
لؤي . ماتعدليش عليها المهم نا
بتول . والاهم كرامتي وجت بتطلع
لؤي . بتول لو طلعتي انسيني
بتول . انت لو تبيني تعال عند هلي وجيب امك تعتذر مني غير هك اسفه كرامتي غاليه عندي
وطلعت وصكرت باب وراها
لؤي . اوف امي اوف

للحديث بقيه ..