ضحايا بلادي "مجزرة العشاق" الجزء الثاني

النهاية

ضحايا بلادي
بقلم يحيى ادريس
الختام

بكيت وهل بكاء القلب يجدي
فراق احبتي وحنين وجدي
فما معنى الحياه اذا افترقنا
فهل يجدي النحيب فلست ادري
فلا تذكار يرحمني فأنسى
ولا الاشواق تتركني للنوم
وان عادت درنة فمن يعيد اهلها
من مات قد نجا ..
ومن نجا قد مات ..

كانت بتول تصرخ ع بوها بكل قهر ومرار وهو طايح
ف حضنها وقتها طارق ف سيارته وميز صوت عياطها من وقت كارثه وهو قدام حوشهم ويراقب
ف الحوش من بعيد نزل من سيارته وهو متمني
يخش يهديها وياخذها ف حضنه وموجوع عليها
بتول . اااااااه يابوييي
طلعت منى كانت عارفه انه بوها يودع خلاص
لانه بلا شهد مايقدر يعيش وخصوصا اخر فترة
ساكت ومقعمز ف الحاجر يرجى فيها اتكت براسها
ع الباب وتذرف ف دموع وقتها رحمه واخذه جوري
ف حضنها وصالحه تبكي وتقول مش قادره نصبي
وكلهم يتباكو
وبتول بدت تذكر

جمعه بنتي جيبولي بنتي
نزلت بتول تجري ب شعرها طارق شافها بتول
بتول طلعت وهي تعيط شافت بوها هي واقفه ف الحاجر او لجنان وهو ورا باب كبير الحديد يشوفلها قال بنتي هي نادت عليه بابًا كانت هتمشيله بس طارق مسكها ويخشش فيها وهي تعيط باباا
جمعه افتحوووو ولدي برئ مش هو اللي دارها مش هو واللهي واللهي
بتول حول يابابااااااا
جمعه . يخبط ع باب الحديد ويبكي ويقول بنتي
واحد من رجال الامن امشي من اهني احسن مانتصلو بالشرطه نحترمو فيك ع خاطر شيباني
جمعه شاف فوق شافها ف روشن حطت يدها ع قزاز روشن وهي تبكي وهو شافلها بحزن وقله حيله

جمعه . هي يابنتي زياد بريء وجينا ناخدوك
محمد . هي ياعيون خوكي افرحي بنروحو حوشنا عبقرينو وتردي لجامعتك كلهم يرجو فيك ..
بتول . مانبيش نروح نا ..
جمعه . كيف يعني ..
محمد.مهددها ياوسخ والله ندمك ونشرب من دمك
بتول . لا مهددني لا شي مسكت ف يد طارق راجلي
فارس . يشوفلها ومنصدم
بتول . مانبيش نطلق نحبه نا
جمعه . بنت هذ ديما تحب تبصر هي بلا سماطه
بتول . منبصرش عجبتني العيشه هنا بعيد عن مشاكلكم وقرفكم جو سمح قصر وعز وراجل مدللني شن نبي اكثر من هك ونسكن ف العاصمه
فارس . لو طلعنا من ه الباب تنسي ان عندك هل
بتول . رمشت وشافتلهم بتحدي
وطارق ابتسم ب استفزاز وضغط ع يدها
فارس خطم تفل ف وح بتول غمضت عيونها زين
وطلع جمعه وراه محمد رد بالك تنسي اليوم هذ
يابتول ردي بالك تنسيه انتي خلاص مقطوعه من شجرة رسمي توا وطلع ورا باته مجرد ماصكر الباب
بتول ركبت ف سيارة شافت طارق وهم يركبو
فيه قلبها وجعها ع الاخير سلام عليكم
جمعه مطبس راسه وساكت
اسلام . راجل خالتي طاح عليهم بنمشي مستشفى نشوفه معلش يعني نلحقوهم
جمعه . على راحتك ولدي
بتول . ساكته طول طريق
وصلو عند المستشفى ..
بتول . تنزل معاك عمي المهدي كيف بوي كان
اسلام . شاف لجمعه كان ساكت وم دار ردة فعل
قاللها هي ونزلت معاه خشو المستشفى ..
بتول . طلعت من دار وماشيه برا
جمعة . انتي يابنت وين طالعه هك
بتول . لشارع
جمعة . شارع شنو خشي جوا يافرخه
بتول . بنطلع انا
جمعة . كبرتي ع طلوع شوارع بالك تحسابي روحك ذكر
بتول . لا مش كبيرة انا صغيره وبنطلع هك ونا حره محد يجبرني على شي ..
جمعة . شن قلتي را نجي نخبطك كفين على وجهك
بتول . هيييه بتضرب من يابابا اسمع را نا عارفه عليك كل حاجه لكن نمشي بمزاجي لأني نحترم في عمرك الكبير منبيش نرقدك ف العنايه عرفتك دس فلوس عرم عند عمي
وجا جمعه يجري حط يده ع فمها اص اص
بتول . امممم
جمعة . انتي من وين عرفتي معلومات هذين
بتول . ضحكت بخبث كم تعطيني عشان منقولها
جمعة . كذب مافيش منه كلام هذ
بتول . خلاص نقولو ل امي وامي تسأل عمي وعمي حاج بيت الله مايقدرش يكذب ولا يقدر
جمعة . انتي عقرب عقرببب
بتول رقصت حواجبها بضحكه طلعتلك يجوجو
جمعة . طلع من جيبه جنيهات ويدها ترتعد بيمدلها جنيه
هيا خذت لجنيهات كلهن يلا باي وطلعت تجري
جمعة . والله داهيه ه البنت داهيه وبلوه يارب صبر
بتول . طلعت تجري لشارع وهيا فرحانه بالفلوس
بتول . تبكي وهي تذكر ف بوها زمان الفترة الاخيرة غير تحسن معاهم وقعد حنون واب فعلا ويمشي
بسرعه هذ تمنت يرد زي قبل ويبقى عايش ..
واستمر عياطها بكل قهر والم ..
بعد مرور 6 اشهر ..
نزلو فارس ورحمه ومعاهم صاكوات دبشهم
وهم ينزلو ف دبشهم شافو شجر كيف ذابل
ومنتهي وجو شتوي ب امتياز لان شهر 2
طلعت صالحه ب وجهها الاصفر الباهت مليان
حزن وهي تتذكر ف الحوش ياما ضحكو وياما
لعبو وغنو واحتفلو الكوجينه اللي ياما شهد وقفت
فيها صوت ضحكتها كانت شهد رغم كل همومها
ديما تضحك لمحت جمعه وشهد يقرو ف قرآن
دموعها نزلو خذتها منى ف حضنها طبطب عليها
طلعت بتول وصكرت باب دار ..
فارس خذيتي كل حاجه ..
بتول . هزت براسها
فارس . حبيبة خالو
جوري . شافتله
فارس . خذينا حوش كبير وسمح توا يعجبك
جوري . ساكته وخلاص
محمد . بعيونه مدمعات تذكر لقاءاته مع اسماء
بنهاية مسلسل احلام كبيرة قال عمر :
لما بطلع على حالي بلاقي حالي فاضي .!
صفر اليدين !
لا الامال تحققت
ولا الحياة مشيت متل ما كنا نحلم زمان
احلامنا كانت كتير كبيرة
"هذه اسوء مرحله يصل اليها الانسان"
مرحلة اللاشيء .. !
اللاشيء سوا حزن عميق على ذاته
..
طلعو من الحوش وصكر الباب ركبو شناطي في
سيارة وكلهم شافو للحوش هذا للمره الاخيرة
ركبو سيارة وتحركت بيهم وكان معلق ع الحوش
اعلان للبيع وجنبه رقم فارس ومحمد ..
ورحلتهم ه المرة كانت لطرابلس ..
فارس . يمي زياد اخر مره قالي بيشوفك
صالحه . من زياد
منى . شافت ل امها
صالحه . مش اغلى من اللي راحو هو اختار حياته يكمل فيها
محمد . بس يمي
صالحه . عقدت حواجبها وتشوف لطريق وهي ساكته ..
..
في المحكمة
محامية الدفاع عن ارويدا هذين تقارير يأكدن انه ضربها وفوق منها موكلتي تعرضت للخيانه ومعانا
اثبات لقينا تليفون المتهمه وهي مصورة كل شي
اخرى شاهده شهدت زور معانا اليوم وانهم رشوها
عشان تكذب اخر شي موكلتي تعرضت للاعتداء من قبل زوجها عفوا طليقها اللي طلقها بدون مايدفع
قرش موكلتي تعرضت جميع انواع العنف الجسدي
المعنوي النفسي موكلتي وصلت لحاله انها تتعالج
وليد . انا درت هذ كله عشان نحبها ضربتها عشان متسيبنيش ارويدا ارويدا قوليلهم عن حبي لك
ارويدا طبست راسها وهي تبكي حول عني متلمسنيش
وليد بحتي فيا اسمعيني نا وليد حبك ارويدا ارويدا
ارويدا انا اسف سامحيني رفعت يدها وهي تشوفله
وليد يبكي بقهر اسف اسف ارويدا اسف
حكمت المحكمة بالسجن 10 سنوات ..
بدت تبكي هند وتقول حرام عليكم حرام ولدي
ضيعتي شبابه الله لا تربحك الله لا يربحك
وكامله طبطب ع هند ..
..
لحيته كبيرة وشعره كبير ومقعمز ع البحر
هذ كنه ..
هذ فاقد مرته وولده وبنته ولعند توا يرجى فيهم
يطلعو ف البحر حتى جثمان ..
لا حول ولا قوة الا بالله العلي العظيم
اسلام . شيبتي راسي بعنادك امتى بتعاندي الموت وتجيني نحضنك دقيقه وتبقي ف حضني العمر كله
مانزعلك يالوز سينانو مايقدر يعيش بدونك يالوز
مش خاطره عليا غيبتك يافلانه رقدتي مني زعلانه
مش خاطر عليا غيابك وامي نتعوز فيك في عز شبابك امغير كان قعدتي بالمرض نرضابك
والعين رايفت وف عيونك دوانه ..
لمتيني وقلتي هم سبب صحابك كان في يوم
اطرطش غلانا واليوم دمعي سيل نا والعين
في غيابك كلانا وهالوقت نمشو ف سرابك
وف جنة ان شاء الله نكونو ملقانا مش خاطره
عليا غيبتك يافلانه رقدتي مني زعلانه نفضاته العبره
حط يديه ع وجهه ويبكي بكل قهر ومرار هنراجيك
عمري كله عمري كله مش خساره فيك يالوز
نا ولا شي بدونك ..
..
عيد الاضحى 2024