ياوليف الرُوح ياحلو الوصايف

1

سقى الله درب المواصل يوم المواصل سمح
وسقى الله حنان جاء بعد فتره ...

وادعـيه "
وادعيه تهز ضلوع العاشق الولهان  وداع فيه من صدق الاحزان مالاً
ينسيني فمأن الله وعيون السهر في دعَت الرحمن فمان الله يـ أول 
من سكن بيني وبيني فمأن الله يا آخر جرح دامي وأول الخلان فمأن الله يأملح القصيد وباقي سنيني....

في ورد الأ حزان والفراق المئولم جابت وردتين وأجمل بنتين
يارا والهنوف بنات ،
رجل الأعمال: عبدالله بن ناصر المعروف باتجارته العالميه
وشهرته الواسعة في أوخر فصل الشتاء تاريخ ٣/١٦ وفاة ورد بنت محمد اثر حادث تاركه بناتها خلفها تحت رعيت زوجها عبدالله بعد وفات ورد  مارف لـ عبدالله جفن السعاده ضل يواسي ايأمه وسنواته مع بناته
بـ الأخص الهنوف اللي خذت لون عيون امها الاخضر البحري
تذكره في زوجته ورد يقضي وقته معهم يخاف عليهم اكثر من روحه ومايرضى زعلهم احتضنهم وأحتواهم إلى عم الهدواء والسلام ،
جالس بصاله بجنبه بنته يارا يـلاعبها ويمزح معها
ابتسمت له تسأل سؤال مفاجئ  غير عن العاده :بابا امي ماتت ونا صغيره؟؟
جمد وجهه يأخذ نفس :من سؤالها دلاله على اشتياقها
لامها المتوفاه وهو يتذكر كيف كانت وبغمضت عين توفت طالع لبنته بحنيه ينطق :اي ي بابا ماتت رفع يده لقلب بنته بس ماماتت هنا
ضحكت يار بتساع : يعني ماما في قلبي دايم اقدر اكلمها
بس يا بأبا ماترد علي ؟ اشتاق لها ..
تجمعت الدموع فعيون ابوهاا : انا  ارد بدالها ياحبيبتي تعالي اجلسي بحضني  ياعيون بابا ،
بينما الهنوف :سانده ضهرها للجدار تسمع كلام ابوها مع يارا وتحاول تمسك دموعها دخلت بدون تبين حزنها :هاي بابا
تركض يارا لها تحضنها :هنوف انا كثير احبك
قبلتهاالهنوف تبتسم :ونا مو احبك بس اعشقك ..
أبتسم يطالع لها كيفك اليوم ياعيون أبوك  ؟
أبتسمت له وكانّه اعضم انجازتها:لحمدالله بخير دام وجهك
السمح قبالي فأنا كل يوم بخير يأعساني مانحرم منك .

                                    قصر عبدالعزيز ~
بجتماع العائله الساطيه المعروفه بانجازتها وغناتها
وبمكانتها الخاصه..
تقدم  يدخل بمهابه واهله جالسين بصاله
طالع في امه يجلس سلام عليكم
موضي :وعليكم السلام ياحلالي ومالي
ابتسم : اي وش الجديد علوم اخبار ؟
نزل عبدالعزيز حجاجه :  وش صار على الشركه ؟
لاالقى فيها خطا ولا تقصير
زفر رعد: مافيه ولا خطا معليك لاتحسب اللي ماسك الشركه سلطان !سلطان عدو رعد بكل شي ويغار من انجازته بس مايقرب منه لانه عارف بعصبيته وحشيته ويخرب عليه من تحت لتحت
رعد اوهه :لو كان سعد اخوي حي كان معي وبشركته
الخاصه الله يرحمه
تجمعت الدموع بعين موضي تنزل دموعها بحراره لانها عارفه ان ولدها مات مقتول بس ماتبي تعلم رعد لانه بيضرب الارض
ومن فيها لاينتقم لخوه
صرخ عبدالعزيز بعلى صوت رعد لاتجيب طاري سعد
على السانك سعد مات وانتهى""
طالع رعد في ابوه وصراخه يصرخ عليه بنفس الحده :ليه ماتبي اسم سعد ها ؟؟وكل ماجيب طاريه  تعصب ليه ماتحبه وش جايك منه ؟؟
تراه ولدك ولدك غريب اشك انك ابوه !
انتبه عبدالعزيز لنفسه وحس انه بيعلم ان سعد مات مقتول
قال :عشانك بكيت امك هذا هو السبب اطلع برى
اطلع مابي اشوف وجهك ،
جن جنان رعد بعصبيته المجنونه اخذ الفازات يكسرها
اغمضت سارا من صوت انكسار الفازات
وقفت جوري :رعد يارب ماعد لي طاقه اتحمل التفت لأبوها
يبه لاتلومه سعد وخوه واغلى من روحه وروحي وراح
منا وش تبيه يسوي غير انه يجن جنانه
طلع من البيت متجه لشركه وهو في راسه الف سؤال
زفرت موضي : ليش تعصب عليه ليه تهاوشه هو وسارا
وجوري الي بقو لي من بعد سعد
عبد العزيز: ابيه يتعلم من صراخه وعصبيته وأنتي وسعي خاطرك معليك يجن جنانه ساعه ولا ساعتين هم يهجد
جوري :صافي تعالي سوي نضافه يارب يسرها تعبت يبه تعبت
وقفت سارا :يمه ياعصبيته ماهي طبيعيه يارب ارزقه
من يلين قلبه محد منا قادر يستحمل جنانه وعصبيته
الشركه ~
‏ ‏اتصل خالد لرعد:الوو وينك ؟
رعد: في الشركه
خالد :وش في صوتك ؟
رعد :ما في صوتي شي تعال لشركه ياخوك
خالد :يالله جايك الآن
‏وصل خالد يدخل شركه عبدالعزيز المعروفه بضخامتها وقوت انجازتهاا دخل بخطوته للمكتب :سلام عليكم
ابتسم رعد من شافه :أهلا وسهلا وعليكم السلام
وينك فيه معاد تنشاف
ضحك يجلس ،يا رجال ادور لي عروس
أبتسم رعد : وين العروس ووينك أنت
خالد: خلك من العروس وش في خاطرك ؟ ادري أن فيك شي
رعد :  ما فيني شي ‏بس متضايق شوي عشان سعد أخوي احس فكرت إنه صار عليه حادث ‏ما اقتنعت فيها
خالد :الله يرحمه ويغفر له سعد كان رجال صدقني ما راح يكذبون عليك ‏اهلك تعرف أبوك سلطته كبيرة وأن لو صار لسعد شي غير الحادث انه بيلف الأرض فوق تحت عشان يشوف وش صار لسعد
بيت وئام }}
اتصلت وئام هنوف وينك فيه '
الهنوف: فـالبيت مع بابا ويارا ليش؟
وئام الو: عمي كيفك
ضحكت :يا غبيه مايسمع اصبري افتح اسبيكر
وئام :عمي شلونك
ابتسم عبدالله :يمرحبا يابنتي طيب
وئام :عمي بطلب طلب
عقد حجاجه بستغراب : امري!
وئام: خل الهنوف تروح المول معي اليوم تكفى
صغرت هنوف عيونها تناضر ابوها:تكفى يبه
عبدالله ام :موافق بس انتبهو على انفسكم
وئام :شكرا ياعم
‏قامت يارا وأنا وأنا وأنا خذوني معكم ‏
عبدالله:لا يارابتروحين معي لعمتك تلعبين مع البنات ورح اشتري
لك اللي تبغين
انحنت تقبل خد ابوها :ياعسى مانحرم منك
عبدالله : ولا يحرمني منكم
الشركه ~
خالد :رعد في مول توه فاتح نروح له منا نتقهوى وتوسع صدرك امش
رعد :خالد مالي حيل وتعبان رح انت
تذمر خالد :يوه انت دايم منفس بكيفك هقعد هنا وخلك مكتئب
يالله اجل انا طالع لاتفكر وسع صدرك يأخوك ودعتك الله
ابتسم يأخذ نفس الله يحفضك
ساعه 8ليلا»
تقدمت تاخذ عبايتها من بين العبايات خذت شنطتها تناضر للمرايه
تتئمل نفسها ولون العبايه اللي عاكس لون عيونها فتنتها واناقتهاا خطت خطاويها تخرج لسياره مر خالد على خروجها من البيت  ينتبه لها من خرجت الى ان ركبت وسع عيونه
من لون عيونها الخضر وعبايتها اللي كستها فخامه
تممتمً:  يالله وش العيون ذي يا ساتر والله راحت عليك يارعد
وئام :وخيرا ركبتي واي واي وش ذا الجمال يابنت لو عندي اخو زوجتك اياه وش ذا العيون يتبارك الرحمن صدق 
ابتسمت يوه وش ذا لاعد تحرجيني ترى استحي
ضحكت وئام بتساع :والله صدق حمدالله انك صديقتي
هنوف :وحمد الله انك صديقتي وروحي وكوني ..
المول ~
انزلو المول يتفرجون ويتسوقون ابتسمت
هنوف وئام نروح لسوق ذاك وضح حلو
وئام :يأحبيبتي اقدمي بس دخلو المحل مدت ذرعهاا
تاخذ شنطه صفراء تضحك بعباطه هنوف شرايك هههه
رفعت هنوف حاجبينها بدهشه : اوه مولعه هذي لو تاخذينها قسم بالله اناس يغطون عيونهم من لونها هههه
وئام : ايه لونها مولع ،هنوف تكفين فيه عربيه
هناك شريك ادفك فيها ؟
الهنوف بضحكه  :انجنيتي والله ما اركب تخيلت شكلي ونتي تدفيني
وئام :تخيلي لا وبعد أفحط بك واصدم الناس لو نوفوه هنا كان فحطت بها ولاهتمت لناس حيل مشتاقه لهاا..
نزل خالد يدخل المول و فكره وش يجيب لرعد هديه
بحكم ان حالته ونفسيته ماهيب بـ الجوو
زفرت الهنوف :اي والله حيل اشتقنا لها ولجنانها خذهم الوقت يشترون ويتقطقون على بعض ضحكت وئام بشده تخيلي بوسط انتي ماتتسوقين رحت اجرب الارواج وحد ومسح وحط ومسح والكاشير صابر ومتحمل اخرتها قالي شريك تأخذينها كلها ونا بحاسبها بس اخلصي
ضحكت هنوف ببتهاج : مالومه لطعتيه هههه شريك نرجع البيت ؟
وئام:مسرع كلها ٤ساعات وحنى نتسوق
الهنوف بتعجب :تسلم رجلك الصرحه بس ٤ساعات
ضحكت :خلاص بنرجع عشان عمي مايزعل بعدين هو يخاف عليك اكثر من نفسه والاحض انه مايخليك تختلطين واجد
زفرت هنوف ام حتى انا اسأل نفس السؤال بس بابا ماجاوبني
بابًا يخاف من شي بس ماعرف وش بذات  علي انا ويارا
ونا من طبعي ترى ماحب الختلاط كثير
وئام:عسى الله يحفضكم له تكفين اوه نسيت
ميلت ثغرها :وش نسيتي ؟
وئام :بشتري ساعه اركبي مع حمزه برُوح اجيبها وما بطول
الهنوف :تمام بس لا تتأخرين
رحت هنوف تركب مع حمزه وبيدها كيس الهديه مدته لحمزه
ناضر حمزه ياخذ الكيس: شكرا والله شكرا
ابتسمت :تستاهل والله كثير توصلنا وتتعب معنى
دخلت المحل :سلام عليكم نسيت قاطعها الكاشير هاذي هي ؟
ابتسمت تبين غمازتها:ايوه شكرا
خذت الكيس وعيونها على الساعه تركض ضرب راسها بصدر
خالد طرحت الكيس :ماتشوف ؟
رفعت راسها تناضر له سرعان ما وسعت عيونها من شافته
بعد كل ها السنين قدامها تجمعت الدموع بمحاجر عيونها
مر شريط ذكريات الطفوله في بالها تتذكر وقت وعدها انه بيتزوجها
ناضر لعيونها ورتباكها ،
تمتم: وئام وئام بنت بنت حمد الصغيره المدلاله
خطيبتي ونا صغير وزوجتي المستقبليه
بلعت ريقها تاخذ ساعتها تتقدم تتجاهله مسك كتفها
وئام ماعرفتيني ؟
عضت شفتها بتوتر : مشبه مو اسمي وئام بعد يدك !
خالد:نسيتيني ؟
زفرت : ماعرفتك عشان انساك !
خالد: وئام أنسى كل شيء في الحياة ولا أنساك >>>
دفته وهربت تركض لين وصلت السياره فتحت الباب وركبت بسرعه
هنوف :بسم الله وش فيك
رفعت يدها لقلبها تلهث
هنوف بستغراب:بنت اكلمك
وئام : الهنوف خالد خالد يا الهنوف
الهنوف :وش خالد ؟
وئام :ولد جيرانا يوم كنا صغار عرفني بس سويت نفسي مااعرفه
هنوف :هههههه كيف سويتي نفسك ماتعرفينه غبيه انتي
وئام :وش فيك تضحكين ‏أقول لك خالد وإنتي قاعدة تضحكين
هنوف :شوفي عيونك ويدك على قلبك وش صاير؟لأيكون بنتنا تحب
ضربت كتفها بخفه :هنوففف!!
هنوف: وئام علميني الحين وش خالد وش قصته ؟؟
زفرت :خالد كان ولد جيرانا زمان وكان بينا حب طفوله
هنوف: يويلي ياربي هههه وش ذا الصدف الاقدار جمعتكم اليوم الله يعلم بكره وش بيصير بتكوتين زوجتـه ،
وئام :هنوف قلت حبُ طفوله بس خليني اكمل اذكر انه مسك يدي وعدني وقال مرح اخليك اذ كبرنا وحبني مع خدي وقال بتزوجك ياوئام وهو يصارخ بعدها نقلو وراحو من حينا ولادري وش صار
عليه بعدها اقابله في المول ماني مصدقه
هنوف :بعدك تحبينه ؟
بلعت ريقهامن دقات قلبها المتواصله من سؤال الهنوف
تعرفين حب طفوله
الهنوف :وئام اعرفك زين ادري تحبينه لا تكابرين بس هو يحبك؟
رفعت نضرتها بتوتر :هنوف ‏لهالدرجة واضحه ‏؟
هنوف :واضح في عيونك
زفرت تاخذ نفس: احبه هنوف احبه بس مادري
اذ يحبني ولا لا عقلي مشوش
مدت يديها تمسك كفوف وئام  :يحبك ونا ارهن دايم حبُ الطفوله
صادق عطاك الله وحد يحبك من الطفوله تمسكي فيه وبحبه
وصدقيني كل شي خيره ومكاتيب اذ الله اختار خالد لك بتاخذينه
نطق السواق حمزه :وئام الله يوفق انت انشالله »
ضحكت وئام: وياك حمزه وياك ، يحليل حمزه شال همي اكثر مني
ابتسمت هنوف : وصلنا بيتك انتبهي على نفسك
وئام :ابشري استودعتك الله
نزلت الهنوف البيت نزلت عبايتها وشنطتها
دخلت الحمام (وانتو بكرامه ) خذت شور
خرجت تجفف شعرها نثرته على كتوفها
تخطي خطويها للمطبخ تاخذ التاوه تسوي اندوامي ،
بحكم انها ماتعرف تطبخ زين اتجهت لغرفتها تنزل روب الاستحمام
تلبس بجامتها البيضاء الحرير وها الفتره مايكسوها غير الحرير خذت عطرها المفضل تتعطر،نزلته تجلس على السرير تهوجس في
خالد ووئام خذها الوقت بتفكير الى ان شمت ريح حريق الاندومي
شهقت بفزع:يمه الاندومي تركض تطفي الغاز تسعل من دخان الاحتراق اللي انبعثت بـ كل البيت تنفست
بعمق:حمد لله ان البيت ما احترق
يوه منك يا هنوف حتى انداومي عجزتي تطبخينه كتمها الدخان
نطقت تكلم نفسها :بروح البس كمام الوضع ما يخارج
                      
  < قصر عبد العزيز >>
رجع رعد من الشركه يدخل الا ويسمع همس وكلام بـ الغرفه 
موضي : تكلم اختها  تشكي لا اختهاسعد مات مقتول
سارة: كيف مقتول ومن قتله
موضي:عبد الله كان صديق عبدالعزيز وهو اللي قتل سعد ياساره
سارة: لا حول ولا قوة الا بالله وليه ما أخذتو بثأر سعد ؟
‏بكت موضي :بدموع حارة ‏عيى عبد العزيز‏‏ ‏سكر القضية ولا قال لأحد فيها حتى الشرطة "مقابل ‏10,000,000عشره مليون ‏وكان تربط عبدالله وعبد العزيز صداقة حميمة انتهت بعد موت سعد على يد عبدالله ‏بالناصر ال حزام جمد وجه رعد وكائن احد ضاربه بوجهه ودموعها تناثر كيف حق اخوي يروح بفلوس ؟
كيف وهو يصارخ بكل صوته يضرب يده في المرايه بكل قوه الى انشاع صوت القزاز قبض يده اللي يغطيها كثرت الدم تقدم يصرخ عبدالعزيز
قام ابوه من النوم مفجوع يناضر ليده :وش في يدك ؟
نزلت جوري واختها سارا يناضرون لكثرة الدم اللي غطى
يده تقدمت جوري رعد اشوف يدك صرخ يقاطعها:ارجعي وراك!!!
عبدالعزيز:رعد انهبلت انجنيت !؟؟
صرخ انت بذات ولا كلمه وش انت وش كيف تسكت عن حق سعد عشان فلوس والله لاخذ بثأرسّعد والله ،
اصلا سعد مايهمك من زمان بس منت برجال بعت سّعد عشان فلوس وين قلبك وين عقلك عندك شركات وخيرشتبي بـ العشره مليون وش ناقصك ! دام انك ماخذيت بثأرسّعد انا باخذه
عبد العزيز: اسمع
رفع يده يبه سمعت اللي سّمعته انتهى
ركضت موضي رعد اسمع مني انا امك
رعد : توقعتها من ابوي بس منك انتي يا يم لا
طلع رعد من البيت يتصل على رضوان الو رضوان
رضوان: امر
رعد : بعطيك اسم طلع مكان بيته ومنهو وماضيه وحاضره جب كل شي يتعلق فيه حتى لو كان تحت الارض **
رضوان :حاضر والان يجيك كل شي 
توجه المستشفى
عقم الدكتور ماجد يده يخيط كفه زفر يلفها بشاش
انتهينا تعال بعد يومين نغير عليها وقف رعد يخرج من المستشفى
بعد 10دقايق اتصل رضوان
رضوان:رعد اسمه الكامل عبدالله ‏بالناصر رجل أعمال
له مزارع كثيرة وشغله فـ التجاره بيته بعد 20كيلو بضبط عنده بنتين وزوجته متوفيه
أبتسم بسّخريه :عنده بنات أجل وش اسمائهم ؟
رضوان :وحده في الثانوي ماعرف اسمها والثانيه
يارا عمرها 9سنوات
رعد :ارسل موقع بيتها الحين
رضوان :يجيك الان
طلع رعد يركب السياره يمشي على الموقع لين وصل نزل يتلطم بشماغه
تقدم يفتح الباب يدخل راوده ريح الحريق خطى للمطبخ ينتبه للندوامي المحترق طلع يركب الدرج بكل هدواء يدور عبدالله بغرفه غرفه تقدم سرعان مانتبه ‏لـ قفاها وهي تفتح الشباك وقف يناضر لهاا فتحت الشباك تنزل من الكرسي التفت تشوفه يطالعهااا تقدم يدخل الغرفه يخطي خطوته صوبها ترجعت للخلف من تقدمه لهاا وفكها يرجف
رجف الخوف يعتلي جسدها تصرخ...

انستا لتشبيهات وتنزيل يوميا ً
Silm2x