ياوليف الرُوح ياحلو الوصايف

3

خالد :ابيك على سنه الله ورسوله
بلعت ريقها بتوتر تتمتم:وعقلها مشوش خالد وش قاعد
تقول انت ما نك بصاحي !
ابتسم ماني بصاحي عشاني أحبك وأبيك وانا جايك بـ الحلال وعلى سنه الله ورسوله ماجيتك بـ الحرام وجاي انفذ وعدي لك
لايكون نسيتيه ؟
ابحرت عيونها له تكلم بداخلها طبعا مانسيته وكيف انساه وهو ببالي
محفوظ رفع يده لوجهها يشر هيه معي الو ..
ارمشت بعيونها تتمتم:خالد لاتلعب معي دور لك غيري
عقد حجاجه بستغراب :انتي صاحيه اخسي ادور غيرك ماجيتك ونا ابي غيرك بجي ابوك بكره وبطلب يدك عضت شفتها تتجمع دموعهاا
خالد :وئام ادري انك تحبيني لا تنكرين ونا ماني مخليك تروحين مني
ابتسمت لهاذي الدرجه تبيني ؟
صغر عيونه وگيف مابي سندريلا الطفوله
خذت نفس تسأله اشتقت لي ؟
انا ماشتقت لك بس انا عشقتك يا سماي وارضي
نطقت تكمل كلامه :ويانجمي وشمسي
ضحك تتذكرين الكلام زين ضحكت وكيف ماتذكره وانت من الطفوله وبكل ليل تقوله لي انا قد كتبت اسمك لـ قلبي وقفلت عليه من سنين ،
اطال النضر لعيونها ينطق ياكثر حبك لـ قلبي والغرام اكثر
ابتسمت انتضرك عند ابوي تأخرت تركض تدخل البيت
زفر خالد :يبتسم من ابتسامتها ومشيتها الغريبه وطريقه دخولها البيت وهو مستلطف كل جزء منها ..

قصر عبدالعزيز ~
زفر عبد العزيز ياخذ نفس :كلها منك كيف عرف رعد بسعد كيف
ام رعد :ودموعها تسابق كلامها  خلاص ياعبدالعزيز رعد
درى واحسن خله ياخذ بحق سعد اللي أنت ماخذيته قلبي يحترق على ولدي سعد وعلى حزن رعد نار قلبي ماطفت يأعبدالعزيز ماطفت
ركضت سارا من صراخ ابوها على امها يبه شفيك على امي تصارخ !
خلاص عاد ملينا من عصبيتك الزايده كل شي الا امي
سعد مات مقتول ولا همك ولا قلت لنا حتى جوري اختي تعبانه نفسيتها يوم عرفت تدري بعلاقتها بـ سعد وانت خليت كل شي ولا خذيت حق سعد وش تبي اكثر حمدالله رعد موجود وهو اللي بياخذ بـحق سعد ونت تعرف مايوقفه شي
صرخ عبدالعزيزلـ بنته ولاول مره
اسكتي مابي اسمع كلامه منك اليوم بتحضرون فـ المزرعه حقت عبدالله
وقفت موضي :عبدالله قاتل سعد وتبينا نروح مزرعته !!
عبدالعزيز :اي عشاء كبير فيه رؤساء الشركات متعاونين مع عبدالله
وختارو مزرعته وبتروحون معي ولا ابي كلمه وحده المكان بيكون زي الايفنت و وسائل الاعلام والصحافه
ركضت سارا لـ غرفه جوري تفتح الباب جوري بنروح
جوري :وين ؟
سارا : مزرعت عبدالله اللي قتل سعد لا وبعد بيكون فيه زي الايفنت بجنب المزرعه وبيكون فيه صاحفه واعلامين
عقدت جوري نواضرها لا انتم انهبلتو !
سارا :والله ابوك صامل مافيه حيله وعشان شركه ابوي
متعاونه مع شركات التدشين اللي اختارو مزرعه عبدالله
بس معليك بنتكشخ ونتزين ونوقف في وجه زوجته وعياله
جوري :اذ ماخذيت بحقك ي سعد ماكون اختك
سارا:الا مالك دخل رعد بياخذ حق سعد لاتتهورين بعدين يفصل رعد عليك ماعنده هو ترى الله يعلم وش بيسوي بعد تعرفين اخوك مجنون
بيت المزرعه }
رن جواله يفتح الخط ايوه ؟
عبد العزيز : رعد تعال البيت اتفاهم انا ونت حق سعد مارح كذا تعال افهمك
نزل حجاجه يـرد بكل برود فهمت اللي فهمته الحين وش تبي ؟
عبد العزيز :دام ماتبي تسمع ولا تفهم مني براحتك المُهم تعال مزرعه عبدالله ب الناصر بكره او ذا امر مني ماهو طلب تابيك من جنبي فـي العشاء كل المقاولين بيكونون موجودين والصحافه
ابتسم بخبث :عند قاتل سعد اجل يشرفني اجي وسود يومه على خير انشالله
عند الهنوف}}
جالسه بـ المكتب تلتهي بقراءة كتاب
<مدينه حب لايسكنه الا العقلا > ترتشف قهوتها بهدواء
لفت انتبهها جزء بدايته،
أحببت قلبك اللذي يسكنه الامل وعيناك
اللتي يسكنها موج الوانه الزاهيه ~
طرق ابوها الباب الهنوف عيون ابوك ادخل ؟
نزلت كوب قهوتها تركض تفتح الباب تنغمر بين احضانه وحنانه عوض امها ودلوعته نطقت ؛ادخل ياغلى من روحي علي
ابتسم بكره عندي أيفنت كبير فيه شركات كبيره متعاونين معي ابيك تحضرين انتي ويارا وعمتك فاطمه وتجهزون بدري كل شي جاهز اشرفت عليه مزون النسوان الحال والرجال بـ الساحه الخارجيه للمزرعه
ابتسمت :تمام لـ عيونك اسوي كل شي ياكم انا فخوره فيك وبإنجازاتك
كل يوم تزيد شهرتك وجودت عملك رفع يده لشعرها يمسح عليه
ياعسى ربي لا يخليني يابوك الفخر والله شوفك قدامي
ضحكت بابًا بعزم وئام تجي
عبدالله:أعزمي اللي تبين قبلِت راسه بسعاده شكرا
س 4عصر
دخلت فاطمه اخت عبدالله بـ الفساتين والميكب
يلا قومو تجهزو اليوم الايفنت
تقدمت الهنوف عمه فطوم بتصل على وئام
فاطمه :يلا عشأن نتجهز قد جهزت ولدي بقى يارا بجهزها
اتصلت الهنوف الو وئام حبيبتي وينك ؟؟
وئام :ايوه ياعيوني في البيت
الهنوف : تعالي اليوم بابا عنده ايفنت كبير وبتحضرين معنى
ويمكن يكون خالد من المعزومين ضحكت وئام :صايده جوي جايتك
وصلت وئام سلام عليكم متحمسين زيي
ضحكت الهنوف :مره هذا الايفنت يخص بابا مره مبسوطه
وئام : يلبيه حتى انا متحمسه تعرفين اني اعشق المكياج والدلع
ومبدعه فيه
ونا اللي بستلمك انتي وخالتي فاطمه
الهنوف :وئام ماحٍب المكياج الثقيل بس بحط روج
وئام:تستهبلين هذا عشاء كبير بيجون كل الناس واهل الشركات خليك تغطين عليهم حبيبتي الف رجال يتمناك والف مره بتخطبك بعد هـ الايفنت
خذت وئام بلت المكياج بكل حبُ تستلم هنوف ‏ميكب ترسم الايلينر الاسود اللي بين لون عيونها الاخضر وبياض بشرتها ختمت مكياجها بـ روج احمر زادها فتنه على فتنتها صيحت تاخذ الفير تفير اطراف شعرها الاسود الحرير
هنوف وئاموه شبلاك تصيحين ؟ ماخلصتي ابي اشوف شكلي
ابتسمت وئام تصارخ واه يالله وش ذا يتبارك الرحمن تهبلين ارهن انك بتغطين على الحضور شوفي المرايه
وقفت الهنوف تناضر المرايه ولـ مكياجها اللي زاد جمالها جمال
تأمل عيونها تبتسم قسم بالله ماعرفت نفسي المكياج ولاغلطه .
ابتسمت وئام والله مو المكياج اللي ولا غلطه جمال وجهك هو اللي ولا غلطه
روحي البسي فستانك على بآل مازين خالتي فطوم دخلت فاطمه ها تجهزتو ؟
وئام :خلصت هنوف بقى انتي تعالي استلمك جلست فاطمه تزينها وئام
نطقت وئام :فطوم ارتحتي عقب الطلاق ؟
ضحكت :اي والله ابشرك عسى الله يحفض لي ‏مؤيد فكه ارتحت من زوجي التراب مشين حضي ابك اخذي اللي يحبك مو اللي تحبينه
وئام : حمدالله اللي الله فكك منه ابوه خلصنا مكياجك قسم بالله انتم عائله الزين الجمال عندكم متوارث
لبست فستانها الاحمر اللي كساها جمال وأناقه مفتوح الصدر
ماسك الخصر مبين نحاله خصرها وبياض جسمهاا
دخلت عليهم شريكم ؟
خلصت وئام مكياجها تفتح فمها تناضر الهنوف بفغاره وش ذا الاغراء وش ذا يالله احس اني بَشق جيبي من جمال الفستان
هنوفي اقري اذكرك
وسعت عمتها عيونها :استودعتك الله من العين والحسد تكفين والله
انه ينخاف عليك يتبارك الرحمن
ضحكت الهنوف :عمه فطوم وئام الله لايخليني منكم قسم بالله مكياجكم نار ياساتر ياوئام يابخت خالد والله
ضحكت فاطمه : ماعرف وش السالفه بس صدقت بنت خوي يابخته
عضت شفتهاا باحراج يوه ترى استحي عاد
هنوف :يازين اللي يستحون الا مافكرتي تصرين ارتست ؟
صحيت بتذمر : ليتني اخلص اختبارات ماني مستعده اكون ارتست
يلا انا بـ البس تقدمت تاخذ فستانها الاسود مفتوح الصدر وبـ اكمام طويله موصل بخيوط فـي الضهرماسك الخصر
بيت عبد العزيز }}
وصل رعد البيت يلبس ثوابه الاسود اللي كساه هيبه يعدل شماغه
يلبس ساعته دخلت الجوري بفستانها الزهري رعد شريك ؟
ابتسم يا وش من الزين والقبول ياروح اخوك وين سوير دخلت سارا موجوده حفل وأيفنت ويفوتني مستحيل ضحك رعد مايفوتك شي
يلا نمشي ؟
البنات :توكلنا على الله
طلعو يركبون السياره.
الجوري :رعد امي قد راحت مع ابوي بس بقولك شي عبدالله بـ الناصر كيف ناخذ حق سعد منه!!
رعد: خليه علي لاتدخلين امره عندي بس بتشوفين بنت عيونها خضر
اذ ميزتوها من بين الحضوراعرفو اسمها !!!!!
سارا لحضه : لتقول انها بنت عبدالله ؟
رعد :ابي اسمها وبس