ياوليف الرُوح ياحلو الوصايف

15

                           -لاتشَفي اجِروُح انِت سَببهًا -
                                          
ياحاوط  يدينه تحت ضهرها يسحبها لصدره يرفع يده الاخرى لخدهايصحيها الهنوف الهنوف ينتبه لـملامح وجههاالمتعبه وخدودها الي يسطوها الاحمرر هدب رموشها المتسخ من الدخان
يعض شفته دخل عبدالعزيز يصرخ رعد قلت بتئدبها
بس ماقلت انك بتذبحها !
رفعها له يشيلها بين احضانه ارتخى وجها لصدره بهدواء
ينطق :سارا افتحي باب السياره فتحت سارا الباب دخلت البيت تلبس عبايتها نزل الهنوف في المرتبه الخلفيه يحاوط وجها بكفوفه يعدل
راسها يقفل الباب يركـب يشغل السياره
فتحت سارا الباب الخلفي تغطي الهنوف بعبايتها تركب
رعد :انزلي !
سارا :مرح انزل تسمح مايهمني شتسوي لي بروح معها
طالعها رعد ماعندي وقت اجادلك مشى يتجه للمستشفى
شهقت تبكي بحراره ماتوقعت انك قليل رحمه لذى الدرجه كنت
حنون ورحيم لها الدرجه قلبك امتلى غل وحقد ؟
وش اللي غيرك ؟
رعد عيون البحر كذبت عشان ماتهاوشني مادفتني ولا تعورت رجلي كله عشان ماتزيد هواش علي بالله عليك تستاهل الي صار لها
وجهها تعبان واضح انها بااااكيه
اغمض عيونه بقهر، وتائنيب الضمير ياكله اكل يضرب الطبلون
بغضب خلاصصص سارا ولا حرف اسكتي !!
وصلو المستشفى نزل يفتح الباب يحملها بين يديه
يأشر لسارا روحي لجوري
ركضت سارا تدخل المستشفى تصتدم بـ عمار بقوه
عمار :اه اه بطني عمار اطلق عليه سلطان برجله وببطنه
طالعت له تشوف رجله كلها شاش وسعت عيونها اسفه
اسفه ماشفتك تكمل ركض
عمار :اسفه ؟؟ آسفه مهيب مشفيه جرحي لاكن الضاهر ان زينها خفف الالم شوي يبتسم بعباطه ينادي الممرضه
وتين :وش فيك صاير شي ؟
وقفت سارا تلتقط انفاسها جوري جوري الدكتوره جوري عبدالعزيز
وتين :اهدي اهدي اخذي نفس وش اسمك
سارا :بصياح فاضيه اعطيك اسمي ناديها بسرعه
انتبهت جوري لـ ختها سارا عند وتين تنادي سارا ؟
ركضت سارا لها عيون البحر
جوري بخوف بسم الله اخذي نفس طيب وشفيها بعد ؟
دخل رعد المستشفى تشوفه جوري والهنوف بين يديه 
رعد :جوري انكتمت ياجوري
جوري بصراخ  نزلها  على السرير
نزلها رعد بهدواء وخفه اقتربت تحط السماعه على صدرها
طالعت لرعد وش كاتمها ؟؟
رعد بتوتر :طاحت في اكياس الفحم ودخانه كتمها
قبضت سارا كفوفها بتوتر:جوري تكفين لاتموت ياجوري
عيون البحر كذبت عشاني
جوري :سارا ابكي برى بس توتريني وتين جهزو ابره
الشعب الهوئيه بسرعه
خذت جوري الاكسجين تحطها عليها اقترب رعد يلتمس كف يدها
المجروح يطالع لها بندم وخوف يعرف انه اخطى ولا هو من طبعه
يأذي بنت لها الدرجه بس انتقامه وحسرته وقهره لسعد اخوه اجبره يسوي كذا التفت يمسك معصم جوري ينطق :
جوري لاتخلينها تموت !!
جوري كف يدها مجروح حالتها بتستقر؟
جوري بتعالجينها افضل علاج ؟
زفرت جوري ترفع يدها لـ يده تقاطعه
رعد حالتها بتكون طيبه لاتخاف بهتم فيها المريضه اليوم زوجت اخوي لها معامله خاصه ارتح الحين وخل الباقي علي أنت متوتر ومانك على بعضك ريح افكارك شوي أمورها زينه وحالها مستقره
وتين :دكتوره الابره خذتها جوري تدخلها بيد الهنوف
جلس رعد بجنب زوجته ماقدر يروح ويخليها غير انه
اطال انضاره لـ ملامح وجهها الهاديه والبريئة رغم تعبها
إلا ان فتنتها وجمالها يزيد ،
انتبهت جوري لنضراته وسرحانه في بحر ملامح وجه الهنوف
وكائنه غارق فيها بشَده
دخل الدكتور زياد :السلام عليكم
جوري :وعليكم السلام
الدكتور زياد :سمعت انك باشرتي حالت مريضي بدون اذني ؟
جوري :ابد حقك علي ثاني مره اخليها تموت لين تجي متأخر وبعدك تحاسبني!
عقد رعد حاجبيه بحده : وقف جوري استلمي الحاله انتي
وانت استلم حاله جوري
ابتسم زياد بتعجب :اي حضرتك من تكون عشان تلقي الاومرهنااا ؟
رعد :وش يهمك !عليك تنفذ بس جوري روحي عند زوجتي
التفت زياد للهنوف وماينكر انها جذبته ناضر لرعد
اعذرني المره ذي خاب ضنك جوري مارح تستلم حالتي رح استلمها انا لانها موقعه ماتستلم اي حاله دكتور الا بأذنه ونا ماذنت لها
صح دكتوره جوري ؟
خذت جوري نفس تأشر بالايجاب بمعنى انه صادق ماقدر
تنحنحت وتين بعد ماحست انها بتولع : جوري المريض المطعون
صحى ويطلبونك حاليا ..
اقتربت جوري لإخوها :رعود لاتتضايق كل شي بيعدي وحالتها بتستقرر ودكتور زياد شاطر متأكده ماهو مقصر
رعد:تمام روحي وأنتبهي لجوالك
خرجت جوري لـغـرفه جلاد
ام رعد:عبدالعزيز خلنا نروح المستشفى
واتصل على ابو الهنوف قله عن بنته
عبدالعزيز بانزعاج :صاحيه اتصل عليه ؟؟ماني فاضي لعبدالله
موضي :كيف ؟اما اتصل عليه ولا اتصلت انا هذي بنته ويحق له يعرف عنها انت بنفسك ماترضى على وحده من بناتك
انا ماحب الضلم ونت تعرفني
عبدالعزيز:اجل شورك وهدايت الله قدلي سنين
وسنين ماتصلت عليه خللينا نشوف
اتصل عبدالعزيز :الووو
عبدالله:هلا من ؟
عبدالعزيز:معك عبدالعزيز بن سعود
أخذ عبدالله نفس :يطرى عليه صداقته مع عبدالعزيز
والعيش والملح الي بينهم وبعد ها السنين يتصل نعم وشتبي ؟
عبدالعزيز:بنتك في المستشفى رح لها
وسع عيونه يحترق قلبه بعد كل ذا السنين يتصل ويقول بنتك في المستشفى كذا !
صرخ بعلو صوت وقهررر وش فيها وش سويتو بها ؟!!
والله المتعالي في سماه إني لادري انك سبب تعبها اني لاذبحك
وذبح من جاء منك تسمع يقفل الخط يشغل سيارته يتجه للمستشفى بسرعه طلع جواله يتصل على ووئام
وئام :نوف عمي عبدالله ابو الهنوف يتصل
نوف :ياهو في ذا الوقت ؟
وئام :اي والله غريبه بس خليني ارد الووو
عبدالله:وئام كيف الهنوف وش فيها هااا ؟؟
وئام :بصراخ ياعم ليه وش فيها ؟
نوف :وش حطي سبكرر
عبدالله:حتى انتو ماتدرون يلا يلا
وئام بضيق وخوف :ياعم قل لنا وينها على الاقل
عبدالله:في المستشفى يقفل الخط
وئام :عم قفل الخط خلينا نروح ينوف تكفين
نوف :حسبي الله عليك يارعد اكيد هووو مافي غيره ذا المختل
شهقت وئام تبكي المستشفى مره وحده الله لايوفقك يارعد
نوف اركبي شغلت نوف شاصها واتجهت للمستشفى
وصل عبدالعزيز وزوجته للمستشفى يدخلون
  
                                       غرفه جلاد ~
عوض وعمار ونادر عند جلاد
عوض :هااا يا ساطي بشر كيفك الحين ؟
نادر :اعلمك ترى عوض الي مايبكي بكى هههه وعمار تحول سلحفاة يزحف يحسب عوض جاه شي ومايدري انك في العمليات
ابتسم جلاد بتعب اخ لاتخافون ماني ميت قبل اذبح سلطان الحين طلعوني من ذا المستشفى
عوض:ويش ؟اقول تقعد لين يكتبون لك خروج توك طالع من عمليه جاك الموت فيها وتقول طلعوني ؟
عمار : انا كتبو لي خروج اليوم لاكن ماني بطالع الا معك
جلس جلاد يشد نفسه يعتدل 
تقدم عوض  يمسكه ولد !
رفع يده لـ سلاك الغذايه يفصلها
عمار بنفعال : انهبلت شايف حالك خلك من العناد صحتك أولى
جلاد :اه اخ عمار لاتصارخ
دخلت جوري ويديها بجيوب الـ بكوت طالعت لجلاد يحاول يقوم 
خذت نفس : وش العناد ذا ؟
مسوي انك بطل  وبتقدر تتحمل !
رفع انضاره لها يشوف جاذبيتها واناقتها والوضح عليه انها بتتعبه
دكتوره روحي عني احسن لك مالي في عوار الرأس
زفرت بهدواء :مع الأسف ان رأسك بيعورك اكثر دام إني مستلمه حالتك ،وحدك مريضي بتنفذ اومري الزم سريرك
ولا تحرك منه توك طالع من العمليه حاول تضبط نفسك
عض ثغره :يوقف على رجليه بصعوبه ويده متركزه لـ جنبه يغمض عيونه بـ الم طالع  لعوض يشر له بمعنى تصرف فيها وطلعها قبل اذيها
مايتحمل بنت تجاريه أو توقف ضد كلامه تقدم عوض لها
التفت لعوض بثقه :عوض انذري الاول لك اذ بتتقدم خطوه
قدام رح تعفنون في السجن !!،
وقف عوض يطالع لجلاد مايقدر يخاطر وبنفس الوقت فكره ان جلاد يخرج وحاله كذا ماجازت له
جلاد بتنرفز : الضاهر ان دكتورتنا ماتفهم بعدي عن وجهي
يتقدم للباب بتعب ورهاق يكابر انه بخير وهو يموت من وجعه وتعبه ...
عمار : جلاد اسمع كلام الدكتوره خلك من العناد شوي
عوض :جلاد صحتك اهم من كل شي خل سلطان
لين تتحسن وبنقتله بيدينا
جلاد بصرااخ ماحب اعيد كلامي!!!
تقدمت  جوري  توقف بوجهه
دخله برود لصدره من قربها له وجرائتها ارتكزت عينه
لـ عدسه عينها المايله للون البُني ونضرات الإصرار تلتمس قلبه
خذت الابره تدخلها بكتفه تضغطها ابتسمت تنطق بثقه :
ماحزرت عندي رح تعيد كلامك مره ومرتين وثلاث المجنون
وسع عيونه يطالع للابره الي دخلت فيه وبدا مفعولها ينومه
ينطق بتعب :بخليك تندمين يادكتوره تندمين سرعان ماطاح راسه على كتوفها رفعت يدها له تثبته دق قلبها تبلع ريقها ماتعرف
وش ها الشعور اللي راودها ،انتبهت لعوض والعيال
رفعت صوتها : شتحرون؟ تعالو شيلوه ثقيل
ابتسم عمار بتساع :يبدو ان جلاد سيقع في الحب
عوض :عمار سد حلقك  اقترب ياخذ جلاد يرجعه لسرير
نادر بعصبيه :انتي مجنونه وش عطيتيه ؟
جوري :مسكن بينام مفعوله ٣ساعات
عوض :طيب الى متى بيقعد في المستشفى ؟؟
جوري :من يومين الى ثلاثه الزموه على الاقل اليوم وبكره طالعت لعمار
وانت كيفك الحين ؟
عمار برتباك :احم احسن من اول
جوري : زين انتبه لتنفتح خيوطك
~عند الهنوف~
وصل عبدالله للمستشفى يدخل
وصلت نوف وئام وهم  يلحقون عبدالله  
التفت عبدالله  يلمح عبدالعزيز جن جنانه  يصااارخ عبدالعزيز !
يتقدم له وقف عبدالعزيز
وسع عبدالله عيونه يخنقه وش سويتو ببنتي ياكلاب  وش !!
رفع عبدالعزيز يديه يحاول يبعد عبدالله  ينطق بصعوبه وتمتمه
ع ع عبدالله بتذبحني اا 
عبدالله بنهيار لدرجه انه معاد هو حاس بحاله
بذات اذ الموضوع يخص بنته،
صرخت موضي تتقدم تمسك يدين عبدالله لالا بتذبحه ياعبدالله لايغرك الشيطان مثل ماذبحت سعد طالع لها يبتعد
وئام  بصراخ :ابوه الهنوف يارسي خانق ابو رعد عبدالعزيز
نوف بحماس :اوه شكلها بتولع بس احسن انشالله
يذبحه بعد يلا ياعمي اضربه وياك وياه مايخافون الله ،
ضربت وئام كتف نوف بخفه :انهبلتي يالله ان الامور تهدى يارب ونتي تزيدين النار حطب اهجدي
خرج رعد من سمع صراخ عبدالله وهو ينادي ابوه
التفت لـعبدالله وابوه وامه الي تبكي على الكرسي وسارا منهاره بكى تقدم ينطق لسكرتير فكه بعد عنه وش عندك ؟
وش بتسوي وش وش ؟
بتعيدها وبتقتل ابوي مثل ماقتلت سعد !
عج صوت الصرااخ بـ المستشفى ركضت جوري
من سمعت صوت رعد طلع وراها عمار وعوض ونادر يشوفون الصرااخ
عمار بدهشه :اوهه عبدالله مولع نار اليوم اقبعت بينهم
عوض :شف عبدالعزيز يالله ياخذ النفس شكلٍ عبدالله خنقه
نادر بحذر :عيال تخفوو ولا نسيتو انكم قطاع طرق ؟
ومكسرين شركه عبدالعزيز والشرطه تتدور عنا !
عوض ؛ايوالله خلونا على الاقل لين يتحسن جلاد تعالو ورى الجدار
عمار : عيال طلعت بنت عبدالعزيز شفها جالسه من جنب مرته
نادر :ايه طيب ؟
عمار :ولا شي جت تركض وصدمت فيني بس والله زينه
ضرب عوض عمار على راسه خللك ثقيل ياورع ههههه
انتبهت جوري لعبدالله تفقد أعصابها ماتتحمل تشوف قاتل اخوها
يروح ويجي على كيفه بدون عقاب اقتربت تصرخ
وش تبي يارب تموت !!
الله ياخذك ماكفاك قتل سعد ماكفاكككك الله ينتقم منك
ركض رعد يثبتها جوري جوري طالعي فيني
ناضرته جوري ودموعها تسابق كلامها رعد بعد عني
رعد :بصراخ جوري قاعد اكلمك عضت شفتها بقهر وغبنه
زفر رعد :اهدي خلاص اهدي اخذي نفس قلت لك حسابي معه
التفت سارا اخذيها هي وامي من هنا بسرعه !!
عبدالله :بصراخخ  ولعنه لكم كلكم بنتي وينها وينها وأنت
ياعبدالعزيز بتندم على تفكيرك بأخذ بنتي على يد ولدك
فتحت الهنوف عيونها تطالع لدكتور زياد الي سرحان فيها تكح 
انتبه زياد لنفسه احم  صحيتي ؟
حمدالله على السلامه طالعت ليديها تشوفها ملفوفه بشاش
الدكتور زياد بهدواء :خيطت يدك وتبتين وأمورك زينه انشالله
كل ماحاول يمسك نفسه مايناضر لعيونها يلقى نفسه يأعود يناضرها
رعد بصراخخخ :تخسي تخسي ياعبدالله بن ناصررر وتعقب
من أنت عشان تهدد من ؟؟!
فزت هنوف من سمعت أسم أبوها تفصل أسلاك الغذايه تبعد الأكسجين عن وجهها وقفت بصعوبه تمشي متحمله الم ساقها  تطالع تشوف ابوها تنطق بعبره وشتياق والم ومشاعر باباااباااااا طالع لها عبدالله 
يركض يحتضنها لصدره ويلوم نفسه على كل أيامه اللي
ضايعها من غيرها
يعض أصابعه اندم انه ماجاها ولا سألها عن احولها
ولا على الاقل كيفها ولا عن شعورها وراحتها،
شدت بحضنه تبكي وتتنهت حست بعد فتره ضياع وخوف
بـ الأمان بحضنه والحنان والحنيه بعد انقطاع لصدره
انحنى يقبل راسها ويديها يمسح على شعرها يسئلها وقلبه يطقطع عليها الهنوف قلب ابوك وروحه:يوجعك شي ؟
وش سوو فيك ياعيون بابا ؟
مني سوى لك كذا من ضرك منهو عشان اقتله من ؟؟
وئام بضيق :الهنوف تشاهق بكى ماتحمل ياجعله بروحي 
تنهتت نوف تبكي عيون البحر ماتستاهل هي الضحيه
ياجعله برعد ولا فيك تكفين يا الهنوف ،
دخل رضوان وخالد المستشفى
خالد :رعدددد فيك شي ؟
رفعت سارا يدها لفمها تنهار بكى من موقف الهنوف وحضنها لابوها
موضي وكفها على كف عبدالعزيز تبكي بتعب ورهاق
وش سوينا بـ ها البنيه ياعبدالعزيز مالها ذنب ياوجودي وجداه
بلعت جوري ريقها:بوجع وقلبها يحترق زياده كنت بحضن سعد زيها ونركب الخيال سوى كان بياخذ صرافتي ويحاسب منها وهاوشه
كان بيحتضني ويواسيني هزت راسها بنفي مااسامحك ياعبدالله ،
ارتكزت نضرات رعد لها ولأبوها ولاول مره يأثر فيه موقف ماقدر انه يقاطع عبدالله وياخذ بنته وقف يطالع لها ولثـوب أبوها
كيف امتلى دموع من بكاها وشد كفوفها لثوبه بقوه
عبدالله بتساؤل:انا اكلمك جاوبي  على الاقل من ؟
طالعت لبوها تهز راسها بنفي  محد سوى لي شي أنا بخير وقدامك المهم أنت كيف صحتك كيف يارا ؟
جاه شعور اشبه بـ  رصاصه قاعد اسألك
مني سوى فيك كذا ؟
  وأنتي تسئلين  عن حالي وصحتي أي أبو أنا !
ينحني يقبل يدها انا بخير واختك بخير باخذك معي للبيت ترتاحين فيه
بنرجع سوى
صرخ عبدالعزبز سكرتير طلع ذا الرجال برى  مابي اشوفه
نوف :طفح الكيل من الدب ذا تتقدم  تصيح بنته ياملاعين بنته كيف
وش قلوبكم انتم  ماعندكم احساس !!
تقدمت وئام  تسحب نوف ترفه يدها لثغر نوف
تسكتها امشي الله يفضحك
مسحت سارا دموعها تشهق شعور ان هنوف دافعت عنها اثر فيها لدرجه كبيره ،تقدم السكرتير يسحب عبدالله عن بنته
تقدم رعد للهنوف يمسك يديها لفت له بدموع بابا
عبدالله :بجيك لاتخافين بجيك
عضت شفتها بالم وحزن اعتلى عروق قلبها وهز وجدانها
صار الحدث على انضار الدكتور زياد :التفت وتين وفجر
روحو اخذو المريضيه رجعوها لغرفتها حالته تسوء اكثر!
ركضت وتين اشرت لرعد بعد يديه عن يدهاوخذتها وتين وفجر
خالد :لالالا مستحيل هذي البنت طلعت بنت عبدالله ام عيون الي شفتها تركب السياره طلعت زوجت رعد هالمره ذي مارحت عليك يارعد
رضوان :الله الله المستشفى في حاله فوضى والكل يطالع
ونت ام عيون ام عيون
جلست الهنوف على السرير وتين هنوف استلقي
فجر :حالتك تمام الحمدالله بس يبي لك راحه شوي
لفت الهنوف وجهه  للجهه الاخرى تكبت دموعها طالعت وتين لفجر واشرت لها خليها امشي نطلع  عنها ترتاح