[ بـعـد عـدة دقـايـق وصـلـوا لـ مـدخـل الـديـره ،، جـلـس فـيـصـل بـتـعـب و هـو يـلـهـث ] : يووووه يالحر أبموت
ضـحـك عـبـد الـعـزيـز و هـو يـجـلـس جـنـبـه : أن جهنم أشد حرا !
دفـه فـيـصـل : جاي تزيدني أنت ولا وش ؟!
زاد ضـحـك عـبـد الـعـزيـز ،، نـطـق فـيـصـل : شكله جاك صكة شمس
وقـف عـبـد الـعـزيـز لـمّـا شـاف سـيـاره مـتـوجـهـه عـنـدهـم : قم قم بس
وقـف فـيـصـل بـسـرعـه و هـو يـرفـع يـديـنـه فـوق و يـحـركـهـا : النجده النجده تكفون أبموت
عـبـد الـعـزيـز بـفـشـلـه : نزل يدينك الله يفشلك !
فـيـصـل : ماني منزلها عندك مانع بعد ؟!
عـبـد الـعـزيـز : محد غيرك بيتفشل يالغبي !
فـيـصـل بـلا مـبـالاه : بالطقاق طز !
وقـفـت عـنـدهـم الـسـيـاره و نـزل مـنـهـا شـايـب : وش فيك أنت وياه موقفين هنيّا بذا الشموس ؟
فـيـصـل : يا عم سيارتنا أنا و خويي خلص بنزينها و نبي أحد يوصلنا لـ بيت أبـو شـجـاع
الـشـايـب : أنتم عيال شـجـاع ؟
أشـر فـيـصـل عـلـى عـبـد الـعـزيـز : هذا ورعه
الـشـايـب و هـو يـقـصـد عـبـد الـعـزيـز : أيّ واحد ؟
عـبـد الـعـزيـز : عـبـد الـعـزيـز
الـشـايـب : العقيد ؟
عـبـد الـعـزيـز : الله الله !
الـشـايـب : أووه الله يحيّيكم ،، أمشوا أركبوا السياره
عـبـد الـعـزيـز : الله يعطيك العافيه يا عم
الـشـايـب : و يعافيك « ركـبـوا الـسـيـاره و بـدؤوا يـسـولـفـون »
[ فـي مـكـان ثـانـي ،، أو بـالأحـرى دولـه ثـانـيـه كُـلـيًّـا ،، صـرخ بـغـضـب عـلـى الـقـابـع أمـامـه ] : متى بتفهم !؟ أنا ما عندي بنت ! بنتي ماتت مع أمها في الحادث !
نـطـق الـثـانـي و هـو يـقـرب الـولاعـه مـن زقـارتـه : تحسبني ما أعرف يا فهيدان ؟ البنت مع أمك و أبوك في بيتهم اللي فـ الديره « نـطـق أخـر جـمـلـتـه و هـو يـحـط الـزقـاره بـيـن شـفـايـفـه »
فـهـد : قلت لك مـلاك ميّته ميّته أفهم !
نـفـث الأخـر دخـانـه : أسمعني إذا ما عطيتني إياها بالطيب ترا بأخذها بالشر ! « وقـف و هـو يـاخـذ عـلـبـة زقـايـره و مـفـاتـيـحـه مـن فـوق الـطـاولـه و يـطـلـع »
[ تـنـهـد فـهـد و هـو يـسـمـع صـوت إحـتـكـاك عـجـلات سـيـارة الأخـر الـقـويـه الـلـي تـعـلـن ذهـابـه ،، طـلّـع جـوالـه بـسـرعـه و هـو يـحـجـز لـه أقـرب تـذكـره مـتـوجـهـه لـ الـسـعـوديـه ]
~ الـعـصـر ~
[ دخـلـت و هـي تـعـدي " تـجـري أو تـركـض " و تـوجـهـت لـ الـمـطـبـخ مـبـاشـره ،، نـطـقـت الـواقـفـه أمـامـهـا و هـي تـغـسـل الـمـواعـيـن " الأطـبـاق أو الـصـحـون " ] : و وش فـ فيتس ؟
ضـحـكـت و هـي تـنـزل بـرقـعـهـا : ما فيه شي بس منحاشه " هربت" من أمي و جيتس و أنا أعدي " أركض " عشان ما تلحق تشوفني و تخليني أعوّد " أرجع " للبيت
مـلاك و هـي مـبـتـسـمـه : لـ ليش خخـ خالتي بـبـ بتخليتس تعوّدين للبيت ؟ أكـ أكيد مسويه شـ شي غغغـ غلط !
أمـانـي : اليوم الدور على نـايـفـه فـ تغسيل المواعين و أمي تبيني أغسل المواعين بدالها ،، المهم حلفت أني ما أغسلها و أنحشت
مـلاك : دد دلوعه ذي الـنـايـفـه
أمـانـي جـلـسـت فـوق الـطـاولـه : المهم يا حلوتي سمعت أن عماتس و أعمامتس الخايسين هم و وراعينهم بيجون اليوم ،، وش رايتس تجين عندي فـ بيتنا ؟
مـلاك : ممـ ما أأ أظن يـمـه بـتـ بتخليني ،، وووو و بعـ بعدين فففـ فيه ريجيل بالمجلس ييـ يبون قققـ قهَوَه و شاهي
أمـانـي : ياليل و ذولا ما بغوا يجون ألا الحين !
مـلاك : أأ أنتي أجلسي عععـ عندي أ أكيد أأ اُمتس بتجي
أمـانـي بـفـرح : فكره زينه ،، بس المشكله بنات عماتس و عمانتس الكلبـ\ـات
مـلاك : نـ نرقا ففـ فوق فـ السطح ،، فـ أأأ المغرب يييـ يطلع أأأ الجججو ييـ يهبل
أمـانـي : شورتس و هداية اللله
مـلاك و هـي تـقـفـل الـبـزبـوز " الـصـنـبـور " حـق الـمـويـه : سسسـ سمعت مممـ من جدي أن أأأ اللي فـ المجلس وو واحد ممـ منهم وو ولد ععـ عمي ششـ شـجـاع
قـمـزت " قـفـزت " أمـانـي مـن فـوق الـطـاولـه : كككذذااببه !!
مـلاك : وو والله
أمـانـي : أكيد بيطلع مزيون مثل عمتس " عمك"
مـلاك بـأبـتـسـامـة و هـي حـاطـه يّـدهـا عـلـى خـصـرهـا : وو و وش عرفتس ففـ فـ عمي ؟
أمـانـي ضـحـكـت مـن عـرفـت مـقـصـدهـا : شفته له صوره فـ جوال أبوي قبل ما يموت !
مـلاك و هـي تـطـلـع فـوق : أأأ أمشي ببـ بس ننـ نسولف فففـ فوق فـ غرفتي أأ أزين
هـزت رأسـهـا أمـانـي و هـي تـتـبـع مـلاك : مجهزه لتس أخبار الديره كلها
« بـطـبـع مـلاك فـ هـي تـحـب الـسـوالـف و تـحـب تـسـولـف ،، بـس لـو أن مـا عـنـدهـا تـأتـأه لأنـهـا تـنـحـرج مـنـهـا ،، أو مـوضـوع أنـهـم داسـيـنـهـا " مـخـبـيـنـهـا " عـن الـنـاس كـانـت كـل يـوم رايـحـه بـيـت وحـده تـاخـذ عـلـومـهـا و تـعـوّد »
[ أوك الـبـارت طـويـل تـقـريـبًـا 🌚 ،، 628 كـلـمـه مـن غـيـر كـلامـي الـزايـد ذا ،، الـمـهـم كـيـف الـبـارت مـعـكـم ؟ ،، + أحـذفـوا مـعـلـومـة أن مـلاك تـدرس جـامـعـه ،، أسـتـودعـتـكـم الـلـه 💗🦦 ]
أنت تقرأ
عـشـقـي ،، و خـافـقـي هـام بـك!
Fanfic« أَلَـم يُـرهِـقُـكِ جَـمَـالُـكِ كَـمَـا أرهَـقَ رِمـش عَـيـنـي مُـتـأمِـلاً ؟ » - الـكـاتـبـه : لَـمَـى 🐆🇸🇦
