' لا تنسون الڤوت ⭐ '
-
طلعت ملاك لأبوها و هي تنطق : سسـ سم ؟
كتف فهد يدينه : ليش منتي مع البنات تساعدينهن ؟
طلع الجد لافي من ورا ملاك و هو ينطق : أنا ناديتها عندي يا فهد !
نطق فهد و هو معقد حواجبه : بس يبه ...
قاطعه الجد لافي : لا تبسبس عندي ، رح عند أخوانك و أحتر " أنتظر " الفطور لين ما يجيك
زفر فهد و هو يعطي ملاك نظرات حاده قبل ما يمشي و يرجع لمجلس الرجال ، مسح الجد لافي على شعر ملاك لمّا شاف عيونها تلمع : معليتس يا ابوي أنتي ، إمشي أجلسي عندي و اليوم منتي متحركه ابد هن اللي بيشتغلن و يطبخن عاد ما قصرتي أنتي الله يخليتس لي
تنهدت ملاك و هي تبتسم لـ جدها و تقرب منه تسنده و يتوجهون للداخل .
-
« مجلس الرجال »
طلع يزيد بعد ما خلص من الفطور ينتظر ملاك فالسياره بعد ما قال لها تطلع ،، شاف ملاك تطلع من البيت و في يدها شنطتها الصغيره و تتوجه له : هـ ههاي !
نطق يزيد بابتسامه و هو يحرك : هايات ، يقولون البنات انك ما سويتي الفطور اليوم ؟
شدت ملاك على شنطتها اللي في حضنها : اا اييه ججدي خلاني ااجلسس مععه
يزيد : و انا اقول الأكل اليوم الله يديم لنا النعمه بس
ضربته ملاك بخفه على ذراعه : للا تكذبب ععادد
مسح يزيد ذراعه على مكان الضربه : و انا صادق
أبتسمت ملاك : تتصدق أأ أشتقت لـ مججودي ؟
أبتسم يزيد بإتساع : و انا اكثر منك ، تبين شي من البقاله
نطقت ملاك : اففكورسس اا ابي ، بررسلهها لك عـ الواتسس
" هز رأسه يزيد و هو ينزل و يأشر لها تقفل أبواب السياره ، دقايق بس و رجع يزيد و حركوا للرياض ، بعد ساعه بالضبط و دخلوا الرياض و توجه يزيد لأحد الكوفيهات و توجه للطلب عبر السياره و طلب كوكيز لهم الأثنين و v60 له و ل ملاك آيس موكا ، لأن بيت طليقته بعيد نوعًا ما و يستغرق منهم عشان يوصلون 30 دقيقه ، وصلوا لبيت طليقته و أرسل لها تخلي عبد المجيد ينزل له ، أبتسموا أثنينهم بعد ما شافوا عبد المجيد يركض لسيارتهم و نزل يزيد فورًا له و هو يشيله و يدخل السياره و يحرك ، تمشوا بأنحاء الرياض إلى أن غربت الشمس ، قوس عبد المجيد شفايفه و هو ينطق : بابا ؟
نطق يزيد و هو مركز بالطريق : عيون بابا ؟
نطق عبد المجيد ببراءه : عادي ما ترجعني عند ماما ؟ أبي أقعد معاك من زماان ما نمت في حضنك و لا شفت جدو و لا جده بس أشوفك أنت و ملو
سحبت ملاك أذن عبد المجيد بخفيف : طط طفشت ممني ؟
ألتفت عبد المجيد لها : لاا بالعكس أنا أحبك بس أشتقت ل جدو و جده
باست ملاك خده : وززينوو ييـ يا نناس
أبتسم عبد المجيد و بانت غمازاته ، و نطق يزيد : أبشر باللي تبيه يا أبوي بس بنزلك تجيب لك كم لبسه و نروح عند جدو
قرب عبد المجيد و باس خد يزيد بعدين باس خد ملاك من فوق النقاب
-
« البارت قصيير معليش بس عشان صار لي فتره ما نزلت و متأخره عليكم ،، أعذروونيي 🫣 و رأيكم ؟ 🩷🩷 »
أنت تقرأ
عـشـقـي ،، و خـافـقـي هـام بـك!
Fanfic« أَلَـم يُـرهِـقُـكِ جَـمَـالُـكِ كَـمَـا أرهَـقَ رِمـش عَـيـنـي مُـتـأمِـلاً ؟ » - الـكـاتـبـه : لَـمَـى 🐆🇸🇦
