قصائد حسينية

على عيونج يزينب حلم مذبوح

على عيونج يزينب حلم مذبوح كل عينج دمع بس ما بجيتي

بجيتي جروح طهرتي المسافات كل خطوة يسر منبر بنيتي يا هيبة علي دخلت على يزيد خورزتي الزلم و اتسيديتي نظرات الزعل بعيونج سيوف ذو الفقار صوتج من حجيتي سفينة هم سريتي يبحر الدموع على ساحل مصايبهن رسيتي

اسمحيلي يزينب اسأل اليوم انتي هواي من اتحمليتي لأن مجبور اسألج عاليأذيج و ادري بيا مكان اتألميتي اسألج بالغريبة و جلجل الليل وحارس للحرم انتي البقيتي اشوفج چان بيدج معصب يلوح احلفج بالضلع المن نخيتي

نخيت الكافلج مقطوع الزنود معذورة لأن وحدج صفيتي مشيتي بغير طولج خاف ينشاف ضم روحه النهر لمن مشيتي كل جرة نفس وياها عباس لاجن من وصلتي له اشلكيتي غمضها السهم وحدة من العيون بس الثانية اتشوفج اجيتي

صفت انتي وكفيلج محد وياج مسموح العتب لو عاتبيتي شكلتي له يزينب قوم وياي وياه جلمة عتب بيها ابتديتي اشكلتيله  يزينب وين الوعود مو انت الكلت كومي بحميتي عمود البيت انت الشايل البيت تدري من يطيح يطيح بيتي

شفلتي له يزينب قوم وياي من شفتي الزنود اتعذريتي صحتي بشاربك أنه يعباس ما رف شاربه من حشميتي راويتي يزنب زرقة المتون لو لا بسهم عينه التهيتي لو مديتي ايدج تلزم الايد من شفتي الزنود العذريتي قلتيله الخدر يا ابا الفضل راح حرقوا خيمتي وطبوا ثنيتي كلتي له صحت وينك يعباس يضحك شامتج و اتسلبيتي كل هذا الحجي ما ينهض وياج كمتي بيا جرح من أيسيتي على طولج جرح لمن تكومين مثل حسين من كمتي انحنيتي

رجعتي المن رجعتي بس الايتام يسألونج يعمة شو بطيتي اعرفج بت على قد هاي الاحزان مثل عباس يا زينب وفيتي نعم فوق الهزل و الرووس وياج نعم عقب الخدر ذاك السبيتي بس الكل تشوفج اسد مجروح كلها اتميل عنج لو مشيتي اعذريني يزينب لا تزعلين و أنه بدمعتي اتبين هويتي