قصائد حسينية

يقارورة

باسم الكربلائي

يقارورة دمه الغالي ... عله أحبابي انشغل بالي أراقب و أني حذره .... الرسايل كلها خطره

أول مراسيل الحزن نسمه هوه جابيته لي... مخنوق إجه بصدري النفس شميته بيه

ريحة هلي

من والدي جايب عطر مو ذاك عطره الأولى ... بيه ريحة فاقد ولد يمكن مشه الأكبر علي

يقاروه و أخاف أني ... تجرحيني بخير ثاني و اموتن قطره قطره .... الرسايل كلها خطره

ثاني رساله امن السفر مكتوبه لي بقطرة دمه ... كالت لي عطشان الورد مات النده و يشرب ضمه

عبد الله مو ذاك الطفل جن والدج شایل سمه... أترف قرابين العشق راد الحبيبه ايقدمة

رسمتي لي يقاروره .... مهد خالي بحضن صوره

و اثر دم اعله صدره... الرسايل كلها خطره

ثالث مكاتيب البعد هذا أصعب وأكثر خطر... يحجي لي سالوفة سمه مثلومه و يطيح القمر

من يحضن بروحه الجرف يشبه نهر حاضن نهر ... مو ظهر أبويه المحني ظهر الزمن كله انكسر

لكاه كاتب عله اجروحه ... غلاة اخته مثل روحه

و طلب زينب تعذره ... الرسايل كلها خطره

أما الرسالة الرابعة لونج يقاروره اختلف ... لون الدمه اتحول إلى حنة عريس ابلايه جف

والدته ينزف رادته زفوه عله اجروحه و نزف ... صورة بدر ينزف ضوه صورة الإحساس ورجف و أنا و روحي و حناجرها ... مثل رمله و مشاعرها

الحجر بالنوح أفطره ... الرسايل كلها خطره

لحظه ووصل من الهجر أصعب مراسيل الألم... شكلج يقاروره اختلف صار أسود وكلبي انصدم

مستغربه و فكري انذهل حزنج عله ارموشي الرسم ... ليل الله بأحضانج نزل لو هذا دخان الخيم جمر غربه و حرق خيمه ... و أنا بعيني الدمع غيمه

مطر و اخدودي صحره ... الرسايل كلها خطره

آخر رساله من النحر كلبت موازين الزمن ... قارورة الدم امثلت و اتبدت و فاض الوطن صدرك عليه حافر فرس والخد بالرمال اندفن ... وصفولي بجروحك شمس و اجروحي

ما يتوصفن

عله اجروحك قمر غا في ... وأنا بروحي النجم طافي و طفه العالم بأسره.... الرسايل كلها خطره

خلصت رسايلكم هلي و ما خلصت بروحي الحرب... و اتخيلت رحلة سبي مخطوره و ابعيد الدرب زينب تصد اعله الرمح تلكه الرمح شايل قلب... و أنا أسمع بروحي صده صوت المتن

من ينضرب

سكينه أختي جرح بيها ... و رقيه ابلا تراجيها ويجن وحده اعله الآخره ... الرسايل كلها خطره