الرادود مسلم الوائلي
كلمات الشاعر علي اكبر الغرابي
يسألوني وعليك عيوني تندار
وهيه الشمعة سالوفتها بالنار
ابنار اشواكي اكتبك . مدري شكد احبك
يسألوني يسألوني
~~~~~~~~~~
طبيعية اليحب معذور . لو بانت عليه خله
ومدري شبيه لو ذكروك . الجدم يتعثر بضله
العشك مابي كرامة وياك . حلوه ابابك الذله
عشك هاي الخلك جذاب . بس بيك العشك يحله
يبعد اليوجعني منين ما جان
انه اول محترك من غير دخان
كلشي انطاني كلبك . مدري شكد احبك
يسألوني سألوني
~~~~~~~~~~
يسألوني وعليك عيوني تندار
وهيه الشمعة سالوفتها بالنار
ابنار اشواكي اكتبك . مدري شكد احبك
يسألوني يسألوني
~~~~~~~~~~
اخذني العالمك مابين . كل اهلي واحس غربه
ومثل لون النوارس صار . لون العاشك وكلبه
قريت سوالف العشاك . ولكيت اهل العشك جذبه
ولكيت الما يحب طاريك . محد يفتهم حبه
الكلت وجهه وتعابيره التجاعيد
يوج وينطفي ابنار المواعيد
واضيع ابغير دربك . مدري شكد احبك
يسألوني سألوني
~~~~~~~~~~
يسألوني وعليك عيوني تندار
وهيه الشمعة سالوفتها بالنار
ابنار اشواكي اكتبك . مدري شكد احبك
يسألوني يسألوني
~~~~~~~~~~
مر نسمة هوه ابمحنوك . من الدنية وايامه
مر بيه اليحب يرتاح . لو مر خله باحلامه
مر بيه الدمع مرخوص . للينتجي اعله اوهامه
اي والما غفن بجفاك . ليل الهجر ما نامه
اخذني وسولف اعله اجروحك وياي
و اسولفلك جروحي و نطلع براي
ولو جرحك يعذبك . مدري شكد احبك
يسألوني سألوني
~~~~~~~~~~
يسألوني وعليك عيوني تندار
وهيه الشمعة سالوفتها بالنار
ابنار اشواكي اكتبك . مدري شكد احبك
يسألوني يسألوني
~~~~~~~~~~
اصوغ من الدمع مكتوب . كلما غازل عيوني
واسولفلك عليه شلون . كلما تسأل شلوني
لون العافيه ابلياك . ما يعرف شكو بلوني
ويلوموني الخلك وارتاح . جي بأسمك يلوموني
يلوموني ولا مهتم للنكال
غار اجروحهه من طبع الجبال
المهم خليني كربك . مدري شكد احبك
يسألوني يسألوني
~~~~~~~~~~
يسألوني وعليك عيوني تندار
وهيه الشمعة سالوفتها بالنار
ابنار اشواكي اكتبك . مدري شكد احبك
يسألوني يسألوني
~~~~~~~~~~
هاك عيوني يالمحبوب . كلما تعطش ارويهه
وهيه عيوني ما تسواش . لوما تنترس بيهه
ما ترتاح حكهه اعليك . يا لذت بواجيهه
لون بيدي بعد يحسين . حتى اسنيني ابديهه
اعله بابك عمري من يطشر ارتاح
واكولن عمري فدوه لخاطرك راح
المهم يقبلني ربك . مدري شكد احبك
يسألوني يسألوني
~~~~~~~~~~
يسألوني وعليك عيوني تندار
وهيه الشمعة سالوفتها بالنار
ابنار اشواكي اكتبك . مدري شكد احبك
يسألوني يسألوني
~~~~~~~~~~
طبيعية اليحب معذور . لو بانت عليه خله
ومدري شبيه لو ذكروك . الجدم يتعثر بضله
العشك مابي كرامة وياك . حلوه ابابك الذله
عشك هاي الخلك جذاب . بس بيك العشك يحله
يبعد اليوجعني منين ما جان
انه اول محترك من غير دخان
كلشي انطاني كلبك . مدري شكد احبك
يسألوني سألوني
~~~~~~~~~~
يسألوني وعليك عيوني تندار
وهيه الشمعة سالوفتها بالنار
ابنار اشواكي اكتبك . مدري شكد احبك
يسألوني يسألوني
أنت تقرأ
قصائد حسينية
Ficción Generalلَا شَيء يبثُ فِي الرَوُح طمأنينة سوى أننا مُحاطِين بِعنايه أَهلَ البَيْت
