رَجِيتُكَ يَا رَبْ العِبَادْ تّعَوَضّنِيْ

B6

السلام عليكم
شلونكم ؟
ان شاء الله بخير

يلا نبدأ ؟

Let's go
.

.

.

.
 
_________________________________________

( وَأَسِرُّواْ قَوۡلَكُمۡ أَوِ ٱجۡهَرُواْ بِهِۦٓۖ إِنَّهُۥ عَلِيمُۢ بِذَاتِ ٱلصُّدُورِ ١٣ أَلَا يَعۡلَمُ مَنۡ خَلَقَ وَهُوَ ٱللَّطِيفُ ٱلۡخَبِيرُ ١٤ )

سورة الملك من اية رقم ١٣ الى الاية رقم ١٤

___________________________________________

لبنى ( جارتهم الفلسطينة ) : الله يعافيك ، خلاص خليها تحاكيني بس تجي

نبراس ( ابو سجى ) : يلا باي

لبنى ( جارتهم الفلسطينة ) : يلا باي

خلص من المكالمة و لف ويهه ( وجهه ) على الدري ( الدرج - السلم ) الي يودي على سطح السفينة چان ينصدم لما شاف ان سجى قاعدة تنزل منه

نبراس ( ابو سجى ) : يا بقرة ليش صاعدة فوق ؟

سجى : يبه انا مو بقرة صعدت اشوف الجو بس

نبراس ( ابو سجى ) : تستعبطين حظرتج ؟ يعني ما تسمعين صوت المطر و الرعد ؟ و لا الصورة غير عن الصوت ؟

سجى : بابا حبيبي و عمري و حياتي و قلبي و روحي شفيك ؟ ليش معصب ؟

نبراس ( ابو سجى ) : شرايج انتي ليش ممكن الابو يعصب من بنته المريضة و الي صاعدة فوق سطح السفينة عشان تشوف الجو الي ممكن تعرفه و هي قاعدة بمكانها من صوت المطر و الرعد

سجى : بابا حبيبي ترا انا مو مريضة لذيك الدرجة

حط نبراس ( ابو سجى ) ايده على جبهته و مسح ويهه ( وجهه ) و هو يستغفر و يذكر ربه و يصلي على النبي عشان تخف عصبيته ؛  الي حس انه افرط فيها شوي ؛ بس من خوفه عليها لما شافها نازلة له و هي مبللة من المطر و خشمها و عيونها لونهم صاير احمر من البرد ؛ و هي تقريباً ما عندها مناعة لو نفخ عليها تمرض ثلاث ايام ، و فوق هذا كله ما تحب اي نوع فواكه او خضراوات و كل ما يحاول يقنعها تاكل منهم بس عشان تتقوى مناعتها ما ترضى و لو رضت تاكل نص تفاحة و بعد ربع ساعة تطرشها ( ترجعها - تستفرغها = تستفرغ ) و كل ما مرضت و راحوا للمستشفى يعطونها مغذي و يستدعون الشرطة عشان يستجوبون نبراس ( ابو سجى ) ؛ لان عبالهم في قضية عنف اسري و ان نبراس ( ابو سجى ) حارمها من الاكل ، اخر شي قام يعطيها حبوب ڤيتامينات .