دخلوا كلهم معدا الجد والجده يلي بمجلس الرياجيل مو قادرين يطلعون يواجهونهم بسبب تأنيب الضمير يلي يحسون فيه بعد ما فات الأوان وخسروا ولدهم
اول شي شافته نجلاء لما دخلت طفل يركض يبغى يحضن اخوه صالح ولاحظت انه وقف مستغرب منها ابتسمت له وراحت له : شنو اسمك يا مزيون ؟
غيث : اسمي غيث وانتي؟
نجلاء بإبتسامة : شحلات اسمك ،أنا نجلاء
غيث بإحراج : عادي اقولك شي ؟
نجلاء : اي عادي شنو ؟؟
غيث : كيف كذا انتي حلوه !
انحرجت نجلاء من كلامه يلي سمعه الكل وقبل لا ترد على غيث صرخ غيث لدخول عزّام بفرح : عزّااااااممممم
وراح يركض لعزّام يلي شاله
لفت نجلاء تناظرهم واول ما ناظرت لعزّام لقته يناظرها صدت بسرعه وقالت بنفسها : شفيه هذا ليش جذي يخزني يلي يشوفه يقول ماكله حلال ابوه !
غزل بصوت عالي وبمزاح: اايييي يا غيث طلعت ذويق حسبت اني الوحيده يلي خاقه
ترك عزّام غيث ولف لغزل بعصبيه وغيره : اقصري صوتك ومن ذا يلي خاقه عليه!!!
خافت غزل وردت بسرعه : محد محد
تدخل غيث : تقصد نجلاء
غزل بصدمه : غيث يا نقال العلوم!!
ناظرعزّام لنجلاء وهي مو قادره ترفع راسها من الإحراج
قاطعهم دخول ابو صالح وأبو فهد
ام فهد : وين كنتم ابطيتوا علينا !
ابو فهد : كان في شغله وخلصناها
تقدم ابو صالح لنجلاء وسمر وبنبره مهزوزه : سامحوني يا بنات الغالي
وحضنهم بادرته سمر الحضن اما نجلاء كانت محتاره وضلت واقفه
ميس : ماما عادي ناخذ البنات ونروح الغرفه
ام صالح : كانت على لساني .. يلا يا بنات روحوا مع ميس وتعرفوا على بعض
دخلوا البنات للغرفه
غزل : تبون الصراحه انا بأعلى مراحل روقاني لاننا بننام مع بعض
ضحكت نجلاء على عفوية غزل ردت : منو قال اننا بنقعد
سلمى داهمتها بالكلام : اققووللل انتي يا ام عرق كويتي غصب عنك بتقعدين معنا ترانا بنات عم لا تنسين!
سمر : كفو قلتي يلي بقلبي !!!
سلمى : كفوك الطيب
عهود : خلاص اجل نعطيكم من ملابسنا وبكرا من اصبح افلح صح يا بنات ولا لا
سلمى وغزل وميس : صصححح
_______________
عند ام صالح وأم فهد
ام صالح: وين البنات
ام فهد : راحوا ينامون
ام صالح : والله ما ضنتي بتلقينهن يصرعن البنات بأسئلتهن
ضحكت ام فهد : وانتي صادقه
ام صالح : اجل أنا رايحه انام
ام فهد : وأنا بعد
__________
عند البنات
نجلاء : بنات بقول شي بس مستحيه منكم
سلمى بمزح : وش دعوه يا ام عرق كويتي تستحين مننا ترانا صرنا خوات
نجلاء : تسلمين بس منو تدلني على المطبخ ابي اشرب ماي
ميس بإستغراب : وشو ذا ماي تقصدين مويه؟
نجلاء بضحك : اي اييي
سلمى : شوفي من خبرتي بهالخبول ولا وحده منهم بتقوم
سمر : وانتي بتقومين
سلمى : لا أنا خبله معهم
سمر:ههههههههههههههه
عهود : نجلاء امشي قدام بعدين لفي يسار وعلى اليمين المطبخ
نجلاء : مشكوره
قامت نجلاء وخذت حجابها وحطته على راسها بدون ما تلفه
نجلاء : يرببيييي منج يا نجلاء شلون انسى المطبخ يمين ولا يسار!!!!!بختار اليسار امري لله!
دخلت نجلاء وانصدمت انها غرفة غيث مو المطبخ
غيث بإبتسامه : جوووججوو
نجلاء بإستغراب : جوجو!؟
قاطعها مداهمه عزّام ولفت له وكانت لابسه قميص روز ميس يلي كان قصير على نجلاء
صد عزّام بسرعه : وش جابك هنا !
نجلاء بفهاوه : هاه ؟
عزّام : وش بلاك يا مره ما تسمعين؟؟!
نجلاء بإستنكار : ليش دايم تنادين مره !
عزّام وهو كاتم ضحكته: ليه تشوفين نفسك رجال ؟؟
نجلاء : اقصد لي اسم ناديني فيه
عزّام : اقولك يا ام عرق كويتي تراك ترطنين كثير
استغربت نجلاء من لهجته: نعم ما فهمت شنو ترطنين؟؟
تجاهلها عزّام وراح
نجلاء : امبيه شفيه هذا !!!!!
راحت نجلاء للمطبخ تشرب مويه ورجعت للبنات
____________
أنت تقرأ
خيرة أيامي إنك فيها
Romanceتبدأ احداث قصتنا بعد ما تزور نجلاء صديقة امها السعوديه ويلي تكون زوجة عمها بدون علمها وعند رجوعها تنصدم بوفاة امها مقهوره على وفاة ابوها تاركه لها وصيه تكتشف بعدها إن يلي زارتهم هم أهل ابوها..
