اتصلت غزل على عزّام وقبل لا يرد استغربت نجلاء : غزل شفيج ترا كلها خطوتين يبعد اخوج ليش تتصلين ؟!
غزل : حبيبتي انتي ما تعرفين اخوي عادي يذبحني من غيرته
قاطعهم صوت عزّام من التلفون : غزل وش بغيتي
غزل : عزّام تكفى وصلنا لبيت نجلاء نبغى نجيب اغراض هناك
عزّام : وانا وش دخلني قولي لفهد!
غزل : عزّام تكفى فهد امي موصيته يجيب اغراض من البقاله
عزّام : يلا بنتظركم خمس دقايق غيرها بخليكم وامشي
غزل بسرعه : يلا يلا جايين
راحوا نجلاء وغزل بسرعه لعزّام وركبت غزل جنب عزّام ونجلاء ورا
____________
بيت نجلاء
غزل : يلا نجلاء وصلنا انزلي
نجلاء : يلا جايه
عزّام وهو يناظر نجلاء من المرايه : بنتظركم بالسياره لا تتأخرون
نزلوا البنات وجمعوا الاغراض ورجعوا لعزّام
نجلاء : امبيه غزل اخوج نايم حرام خليناه ينام بالشمس
غزل وهي تغمز لها : حرام اجل
استوعبت نجلاء مقصد غزل وضربتها من كتفها : عيب عليج !! والحين شلون نقعده ؟؟!
غزل : ما عليك اخوي نومه خفيف مب زيك ادخلي السياره وبيسمع ويقوم
دخلوا السياره وعزّام سمع صوت الباب ينفتح وقام
لفت غزل لنجلاء بإبتسامه : قلت لك !
وبنص الطريق
لفت غزل لنجلاء بهمس : نجلاء طلبتك قولي تم
استغربت نجلاء : تم
غزل : تكفين قولي لعزّام نروح البقاله
نجلاء : غزل وجع !! أنا شدخلني !!
غزل : انتي قلتي تم !
نجلاء : زين زين
لفت نجلاء لعزّام ترددت بالبدايه كيف بتفتح الموضوع
نجلاء : عزّام
عدّل عزّام جلسته يلي كل ما يسمع اسمه منها تضيع علومه : سمي
نجلاء : سم الله عدوك ..عادي تدوينا البقاله ؟
عزّام وهو يمسح طرف شواربه : غزل قالت لك صح !؟
تورطت نجلاء وماعرفت ترد
تدخلت غزل بتمثيل: أنا شدخلني !!!
وقف عزّام السياره عند البقاله : انزلوا معي
نزلوا البنات وعزّام ، وغزل يلي ما تركت شي إلا وخذته
لفت غزل لنجلاء : نجللووهه ليه ما تاخذين
ردت نجلاء بسرعه : لا لا أنا مابي شي
مدت غزل لنجلاء عصير : اخذي هذا علشان لا يشك عزّام
نجلاء : تراه كاشفنه يا حماره
غزل : ادري ادري اخذي خلصيني
خذت نجلاء العصير وطول الوقت واقفه تناظر غزل وهي تستشيرها بالاغراض يلي بتشتريها للبنات ومو منتبهه للرجال الغريب واقف وراها ويقرب منها
عزّام : صديق كم السيجاره عندك ؟
محمد (راعي البقاله): عزّام هذا حرمه حق انتا ؟؟؟!!!
لف عزّام بيشوف على من يأشر محمد ولقى رجال غريب يتأمل بنجلاء السرحانه ، اشتعلت نار الغيره عند عزّام وهو مو عاجبه كيف انها تطلع بدون نقاب وهالرجال زاد الطين بله
راح عزّام بسرعه للرجال ومسكه من رقبته وهو يرص على اسنانه : من انت
خاف الغريب : إن أنا أن أنا ...
ما تحمل عزّام ورد عليه بصراخ عصبي : انططققق!!!!!
انصدمت نجلاء من عزّام وليه ماسك الرجال كذا وهي مو فاهمه شي
لف عزّام لنجلاء : اخذي اختي وتحركي للسياره
نجلاء: بس ا..
عزّام بنفاذ صبر وعصبيه : بسررععهه!!
خذت نجلاء غزل يلي تتحلطم لانها ما قدرت تحاسب على الاغراض وتركتهم
________________
بالسياره
غزل وهي تتحلطم ومو فاهمه شي : أنا بس ابي أفهم شنو الشي يلي عصبه !!
لفت على نجلاء يلي كانت ساكته وتناظر تحت
استغربت غزل : نجلاء وش فيك!؟
ناظرتها نجلاء وهي تفكر بتصرف عزّام وصراخه عليها : ولا شي
لفت غزل لمكانها وكملت تحلطمها
جا عزّام وسكر باب السياره بقوه وسكتت غزل عن تحلطمها ولف لنجلاء : موضوع النقاب بنتكلم فيه بالبيت
ما فهمت نجلاء مقصده ووش دخل النقاب بالموضوع : هاه ؟
ما رد عليها عزّام وحرك السياره ..
تنرفزت نجلاء من حركته كان ودها ترد بس خافت ترد وينفجر فيها
________________
مجلس الحريم
ام صالح : يا بناااتت ما خلص الغدا ؟
عهود بصوت عالي من المطبخ : لا يمه للحين
ام فهد : لا تبطون اكثر من كذا ولا بيعصب جدكم
جت ميس : عمه وين بنحط الغدا هنا ولا بمجلس الرياجيل؟
ام فهد : لا اكيد هنا
ام صالح : مب كأنه غزل ونجلاء تأخروا !؟
ميس بحسره لأنها ما راحت معهم : أنا اعرف حركات غزل اكيد مرت البقاله !
ام فهد : لا ما اتوقع عزّام ما يحب هالسوالف ودايم يرفض
قاطعهم دخول نجلاء وغزل يلي قعدوا معهم وهم ساكتين
ام فهد مستغربه : وش بلاكم !
غزل بتحلطم : شوفي ولدك وش مسوي !!
الجده بعصبيه : عيب يا بنت وش ذا الكلام !!
ام صالح لنجلاء : وش مسوي عزّام يا بنتي ؟!
نجلاء بهدوء تام : مدري أنا بروح للغرفه اعذروني
راحت نجلاء وتركتهم يهجمون على غزل بالأسئله يلي كانت ترد عليهم وهي مقهوره من عزّام
______________
مجلس الرياجيل
دخل عزّام وهو معصب ولف على جده : يا جدي ما ودك تنقب عيال ولدك !
ابو فهد بعصبيه : وش بلاك يا عزّام مداهمنا كذا بدون سلام !!!
لف عزّام لنايف ونواف : انتم ما تحسون دمكم يثور يوم تشوفون بنات عمكم بدون نقاب ؟!!!!
نواف : تقصد بنات عمي سعد ؟
نايف بإستغراب : عن نفسي مالي كلمه بعد جدي إن كان راضي أجل أنا راضي
عزّام : صدق انك بدون فايده !
الجد : يا عزّام اركد وقول لنا وش قصتك يلي مو مخليتك حتى تقعد !
قعد عزّام وأخذ نفس وقال : يا جدي مو عاجبني إن بنات عمي يطلعون بدون نقاب هذي مو من عاداتنا وتقاليدنا !!
الجد : هم ما يعرفون عن عاداتنا وتقاليدنا وبكلمهم إن شاء الله بس انت وش يلي مب مهجدك كذا !؟
قام وعزّام ولف لجده : ولاشي أنا رايح انام مصدع
ابو صالح : وين رايح تنام بدون غدا جدك اليوم قايل غذاء الحريم مع الرياجيل
عزّام : والله تعبان يا عمي
ولف لجده يكمل كلامه: اعذرني يا جدي بروح انام
الجد برضا : روح يا ولدي الله يرضى عليك
_______________
دخل عزّام للبيت بعد ما خذت له غزل طريق وهو رايح لغرفته سمع صوت نجلاء بغرفتها وهي تبكي وتردد : ماما بابا تكفووونن ارجعووااا
تجاهل عزّام وكمل طريقه لغرفته________________
غزل بصراخ : نجلااااءءء يلا تعالي اكلي
جت نجلاء : جيت جيت ماله داعي الصراخ
ام فهد : ياليتك يا نجلاء بنيتي صار لي قرن وانا اقول لها اقصري صوتك عزّام نايم
غزل : ماما وش دعوه ترا صوتي مو عالي بس هو نومه خفيف وش ذنبي أنا !!
ام فهد : هذا يلي فالحه فيه انك تردين علي !
سلمى : نجلاء تراني متضايقه منك
لفت نجلاء سلمى : ليه وش سويت لك !
صفقت غزل : الله عليك يا نجلاء صرتي تعرفين تتكلمين سعودي ههه
جت سمر : ههههههه شدعوه عليج غزل لا يكون نسيتي اننا سعوديات مثلكم !
عهود : نجلاء ترا سلمى زعلانه عليك لانك ما سويتي الحلا يلي قلتي عنه
ضحكت نجلاء وقالت : افا بس سلمى لو تبي عيوني عطيتها وتبشر بعد ما اتغدا بسوي لكم
سلمى : تسلمين انتي وعيونك يا ام عرق كويتي
ضحكت نجلاء : ههههههههه يعني خلاص هذا لقبي صرتوا كلكم تنادوني فيه !!!
استغربت عهود : كلنا ؟!! يلي اعرفه بس سلمى تناديك كذا
غزل وهي تحاول تتذكر: منو يلي يناديك بهالاسم غير سلمى !؟؟
انحرجت نجلاء وهي تو تستوعب كلامها يلي كان يقصد عزّام يوم ناداها بأم عرق كويتي بغرفة غيث : لا لا كان تعبير مجازي بس
شكرت نجلاء ربها إن غيث نقال العلوم مب موجود ولا كان فضحها
قعدوا البنات والجد والعيال ياكلون معدا عزّام
الجد : يا بنات سعد
نجلاء وسمر : سم
الجد : سم الله عدوكم بعد الغدا والقهوه أنا وجدتكم بنكلمكم
سمر نجلاء : إن شاء الله
فهد : اقول يا بنات سعد ورا ما عرفتونا عليكم
بدت سمر بالكلام وعرفت عن نفسها ونفس الشي نجلاء
نجلاء : ...وهوايتي الرسم
شهقوا نايف ونواف وضحكت نجلاء عليهم
سلمى : نجلاء ارسميني وبرضى عليك من دون ما تسوين حلا والله !
ميس : وانا بعد لا تنسينييي
نجلاء : هوب هوب هجمتوا علي اصلاً أنا صارلي سنه ما ارسم
نواف ونايف بفضول : ليه !
نزلت نجلاء راسها وهي ماسكه البكيه بعد ما تذكرت امها وأبوها
نجلاء بنبره مهزوزه : كنت اهتم بأبوي ونسيت نفسي
كلهم سكتوا بعد يلي سمعوه وما حبوا يكملون بالموضوع ..
أنت تقرأ
خيرة أيامي إنك فيها
Romanceتبدأ احداث قصتنا بعد ما تزور نجلاء صديقة امها السعوديه ويلي تكون زوجة عمها بدون علمها وعند رجوعها تنصدم بوفاة امها مقهوره على وفاة ابوها تاركه لها وصيه تكتشف بعدها إن يلي زارتهم هم أهل ابوها..