خيرة أيامي إنك فيها

P8

مرت ايام وصار على عيد الاضحى يوم وكانت علاقة نجلاء وعزّام متوتره ، عزّام يلي كان يحاول يصادفها وحبه يزيد يوم عن يوم من غير لا يحس ونجلاء يلي كانت تتجاهل وجوده تماماً وتحاول ما تصادفه

بسيارة فهد
كانوا رايحين البنات للسوق وجمب فهد غزل ووراها نجلاء وجمبها سمر وعهود وسلمى وميس يلي كانت جالسه بحضن عهود
غزل بحماس : فهودي شغل لنا اغنيه
فهد : طيب بس انتوا وش تبغون تسمعون ؟
عهود : نبغى راشد الماجد تكفى
ابتسم فهد لها : ابشري
وأشتغلت الاغنيه وكانوا يغنون معها معدا نجلاء يلي كانت بعالم الهواجيس وفهد كان معهم :
كيف يهنى لك منااامم
وإنت ظالم في الغرااام
   وإنت ظالم فيي الغرااااممم
بعت حبي يا حرااام
من بعد عشرة عمر
ممننن بعدد عشرة عممررر

وقفت الاغنيه
غزل : فهههدددد!!!
فهد : وش اكيد بطفيها! وصلنا يلا انزلوا وانا بكون وراكم إذا بغيتوا شي قولوا لي لا تستحون
نجلاء : مشكور فهد ما قصرت
فهد بإبتسامه : ولو يابنت العم هذا واجبنا
ابتسمت له نجلاء ونزلت مع البنات

بالسوق
اشرت ميس على فستان احمر مخصر: بنات شوفوا هالفستان كيف يجنن !!
عهود بإعجاب : اي والله يجنن
خذته ميس وراحت لنجلاء
ميس : نجلاء شوفي هالفستان حلو ؟
لفت نجلاء وابتسمت : يهبل اخذيه بيطلع عليك نار
هزت ميس راسها بالنفي : لا اخترته لك أنا عيد الفطر كنت لابسه احمر وابغى اغير
نجلاء : بس ا..
داهمتهم غزل : والله ما ترفضين يا نجلاء شوفي الفستان كيف يموت صدق بتكونين موتٍ حمر !!
سلمى بضحك وهي تنرفز نجلاء : خفت على عزّام من الحين ههههه
توقعوا البنات بإن نجلاء بتهاوش سلمى بس صدمتهم بإنها خذت الفستان من ميس وحطته عليها وتناظر المرايه
لفت نجلاء لها واستغربت من نظراتهم المصدومه لها : شفيكم ؟
سمر بسرعه : لا لا مافي شي
نجلاء وهي رايحه تحاسب : خلاص بمشي على رايكم واخذه
حاسبت نجلاء وقالت للبنات إنها بتروح تشتري كم غرض وترجع،
طلعت نجلاء وعقدت حواجبها بإستغراب من شافت عزّام واقف مع فهد
قربت لهم يلي اول ماشافوها سكتوا
نجلاء وهي تناظره : وش جابك
عزّام : وش يلي وش جابني تراه سوق جدي
قرصه فهد وهمس له : عزّام منجدك هذا أسلوب واحد يحبها!!
وكمل فهد كلامه بصوت تسمعه نجلاء : يابنت العم عزّام بيضل معكم جدي أرسله وانا رايح لصالح وجدي يبغوني بالبيت
هزت نجلاء بمعنى "زين"
وراح فهد
مشت نجلاء ولحقها عزّام بهدوء : وين بتروحين
نجلاء : وانت وش دخلك
وقف عزّام ومسكها من معصمها يلفها له : وش هالأسلوب اعدلي نفسك معي تراي مب نايف ولا نواف تكلميني كذا !
سحبت نجلاء يدها منه وقالت متجاهله القرب يلي صار بينهم : اعرف انك مب نايف ولا نواف ولأنك عزّام قاعده أكلمك بهالأسلوب وإن ما عجبك لا تجي معي خلك مع البنات
رفع حاجبه عزّام ورد : طيب أنا بكون هنا يابنت سعد
انصدمت نجلاء منه كانت متوقعه انه بيعاندها ويكمل معها
مشت عنه نجلاء ووقفت قريب منه عند محل عطور
ما درت عن عزّام يلي يراقبها ولا شال عينه عنها بس يلي استغربه وجود رجال جمبها
مشى عزّام بسرعه وهو يقرب لها وسمع الرجال يقول : وش اسمك يا مزه؟
لفت نجلاء : وانت وش دخلك بإسمي اقلب وجهك لا والله ا..
قاطعها عزّام يلي وقف بينها وبين الرجال ومعطيها ظهره
عزّام وهو كابح غيرته: وش تبغى !!
رجال : من انت
قرب عزّام من أذنه وهمس بحيث ما تسمعه نجلاء : رجلها
الرجال بسرعه : والله ما دريت ياخوي اسف و..
ما اهتم عزّام لكلامها ولف وجهه لنجلاء وسحبها من يدها وهو يعصر عليها
نجلاء وهي تمشي وراه : عزّام يدددييي
لف عزّام لها وهو مازال ماسكها : عرفتي الحين ليه ابيك تلبسين نقاب !!
اخذت نجلاء نفس وردت : عزّام اتركننييي مالك دخل !!
تركها عزّام اول ما سمع صوت غزل من وراه
غزل : وش صاير
قربت نجلاء منها : لا لا مافي شي انتوا خلصتوا؟
غزل : أنا خلصت والبنات قاعدين يحاسبون الحين يجون بس انتي يلي شكلك ما خلصتي
نجلاء بعدم فهم : هاه؟
غزل : وين الاكسسوارات يلي قلتي بتشتريهم
نجلاء : لا خلاص مب لازم عندي بالبيت