ما بعد الخيانه

اعداد

٩:٣٠ مساءً-حائل -تحديدا استراحه الشباب

نواس معه العود ويعزف عليه وبفمه سيجارته وطلعها بين اصبعينه ونفث الدخان:ضاري لا تصير زق لو هالمره غني لنا

ضاري الي منسدح ع فخذ نواف كان يطالع النجوم:ماعرف اغني شف نواف صوته حلو

عبدالكريم طالع ضاري جنبه:ضاري تذكر هذيك القصيده الي غنيتها بمكتبك يوم انمسكنا لما استوعبت ان فيه احد غيرك بالمكتب سكتت ولا عدنا نسمع صوتك بالاغاني ؟

ضاري تذكر هذيك القصيده الي ابوه دايم يغنيها وهو يشتغل تحت سيارته بحكم ان هوايته هي بتفكيك السيارات وتذكر الموقف هذا زين كانه حاصل امس بس فضل الاستغباء كعادته:ما اذكر

عبدالرحمن تافف:خلاص ضاري لا تسوقها نبي نستانس لو اليوم

ضاري بلل شفايفه :طيب استأنسوا شدخلني فيكم؟

اوس بغير قصد حط يده ع صدر ضاري:يلا صدق لا تخربها نبي نسمع صوتك احسه حلو هو الوحيد الهادي بيننا عكس الباقين

ضاري طالع يد اوس الي ع صدره وخز اوس الي سحبها سريع

تعدل ضاري وجلس قدامهم وهو يشغل سيجارته:وش تبون اغني لكم؟ قصايد حبيّبه من الاخر مابي اغنيها

عبدالكريم طالع ضاري ورجع يكرر كلامه:القصيده حقه فرحان قيران لا تسوقها يا ضاري وتسوي نفسك ما تتذكر

ضاري تافف ونفث الدخان وطالع السماء الي واضحه جدا لانهم مطفين اضواء الاستراحه وبدا يغني "يا هند ليه الحظ دايم يجي سيئ ،دايم يجي خلفي وانا ارميه قدام"

عبدالكريم كمل بدال ضاري الي سكت :ياهند مت من العطش والعطش مي،ياهند شوفي حالتي جلد وعظام

رجع ضاري يكمل بشاعريه لانه تذكر ابوه:ياهند قلبي فيه كيً على كي ،النار تاكل به وانا شامخ الهام

اوس كان ملاحظ هزه صوت ضاري كان يعرف ان هالقصيده ضربته ع وتر حساس هذا ما كانه ضاري الي يعرفه قاطعه صوت ضاري الي بدات فيه الاغنيه وكانها حاصله له من كميه المشاعر فيها :لقيتني عايش وميت بالاوهام، بالله من يكسرك يا قيد رجليّ؟

كمل نواس مع ضاري وبمتزاج صوت ضاري الهادي الي تتخلله بحه وصوت نواس العميق الي فيه حده تكون صوت يجذب السامع له اكثر:ماعاد به صاحب ولا عاد به خي إلا صديقً شايلينه للأيام

نواس رفع حواجبه ع ضاري وكان ضاري صار مكشوف له بحكم انهم من طلعوا ع هالدنيا وهم اصدقاء:واحرقت لي صندوق مابه ولا شي إلا قصاصاتً بها بعض الأرقام