ماسكات ووصفات للبشرة والجسم، وصفات طبخ سريعة

خطوات مهمة قبل سلق لحمة العيد

قبل مانسلق اللحمه ف العيد❌ خلوا بالكو من الخطوات دي 👇👇👇👇
_ اللحمه ماتتنقعش ف ميه عشان نغسلها هي يادوب شطفه ع السريع جدا عشان فايده اللحمه ماتروحش منها
_ لما نيجي نسلق اللحمه بلاش الميه السخنه وننزل باللحمه مش بتكون احسن حاجه 👇
الافضل والاحلي معلقه زيت او سمنه او معلقه زيت علي معلقه سمنه صغيره ويسخنوا وننزل ببصلايه مقطعه مع ورق لورا وفصين توم واي توابل حصي زي الفلفل الاسمر الحصي والحبهان والقرنفل
او ل مانشم روايح التوابل مع الثوم والبصل من غير مالونهم يغمق ننزل باللحمه ونشوحها من كل ناحيه تاخد صدمه ولون خفيف وبعدها ننزل بالماء الساخن
_ بلاش نزود اللحمه ميه بارده طعمها مش هيكون حلو ابدا وفيه زفاره
لما نزود اللحمه ميه ضيفو جزرايه صغيره وربع كوب عصير طماطم بيدي لون فاتح للشوربه حلو اوي وطعم كمان
_ بلاش نضيف توابل للحمه زي الفلفل الاسمر كدا ف الاول نضيفه بعد مانشيل الريم اللي اتكون ع الوش وتبدا تغلي
_ ضيفوا الملح بعد اللحمه ماتكون استوت بنسبه تلات ارباع سوا عشان تكون طعمها حلو
_ نيجي بقا لتحمير اللحمه لو مش هنكتفي بتقديمها ف الشوربه يبقي نصفيها كويس وف طاسه بمعلقه سمنه ع زيت ونشوحها من كل ناحيه علي نار متوسطه هتاخد لون الشوي _ نكون مجهزين طبق التقديم وعليه ورق البقدونس المفروم ونرص اللحمه هتكون زي المشويه ع الفحم_ او نرص اللحمه ع طبق الفته بتكون شكلها يفتح النفس
وكل سنه وانتم طيبين ❤️❤️❤️
صحتين وهنا❤️