الكاتبه / /مروه
الهم صل على محمد وآل محمد
بسم الله الرحمان الرحيم
********
ادهم - شبيج
ليان اشوفه هداء شوي - ادهم مالي خلك لكلشي وانته دتكملهه عليه
ادهم - اسف ليان دايخه شي يوجعج
ليان - بس رجعني للبيت
ادهم - تمام ارتاحي هاي وصلنه
ليان
اشوفه خاف عليه بس صدك ما استحمل الي بيه كافيني شوي وصلنه للبيت راسا فتحت الباب ونزلت
طبيت جدي وعمامي طالعين كعده ما ادري والباقيين مطشرين بلبيت
حنان - شبي وجهج اصفر بنيتي
جوري - اي والله شو تعالي كعدي
ليان - مابيه شي بس اريد اصعد لغرفتي
نضال-شفتي صديقتج
ليان - اي
زهراء - تعشي وصعدي بنيتي
ليان - لا عمه ماريد
صعدت قبل لا احد يحجي رحت لغرفتي وسديت الباب وقفلتهه كعدت على جربايه ونزعت حجابي وصفنت على صور رحت اخذت صوره بيه بابا وامي واخواني واني اخذته ورجعت للجربايه
-مختنكه بابا يمه كرم اكرم مختنكه احس راح اموت بدونكم شكد احاول اصير زينه بس ما اكدر والله ما اكدر اليوم حاولت صح ضحكت شوي بس متحطمه داخلي متحطم بدونكم اريدكم مشتاقتلكم واريد اشوفك بويه يكولون كلش حنين انته اريد احضنكم والله ما شابعه والله مختنكه احس واحد قابض على صدري وميخليني اتنفس تعال كرم شوف اختك ماتريدني والله اريدكم اني اكرم سامحني بس والله ما اكدر ما اكدر دمعتي وحدهي تنزل اشتاقلكم مو بيدي
اندكت الباب مسحت دموعي ورجعت بست الصوره ورجعته ورحت فتحتهه
نضال - ليش قافلته
ليان - هيج تريد شي
نضال - لا ما اريد شي بس تعالي نزلي ضحكي احجي لا تتعودين تكعدين وحدج مو زين
ليان - مالي خلك احس بلعبان نفس ودوخه وكحه
نضال - اوديج دكتور شربتي دواج
ليان - لا ميحتاج ودواي خلص
نضال - صدك تحجين ليان
ليان - اي صدك
نضال - هههه لا صدك مطفيه انتي
ليان - راسي يوجعني
نضال - سلامت راسج اني رايح اجيبلج دوه مو تنامين شربي اول علمود تصبحين زينه
ليان - تمام
نضال - يلا حبيبتي روحي كعدي
ليان طبيت للغرفه وسديت الباب رحت للصوره وابجي اخذته ورحت للجربايه اتمددت ونتجيت على تاج الجربايه صافنه على صوره وبجي وافكر بمستقبلي الي راح اعيشه بدونهم ما ادري شوكت نمت واني ابجي
********
نزلت ورحت للصاله
نضال - عمتي يمه
