الكاتبه / /مروه
الهم صل على محمد وآل محمد
البارت الخامس عشر
بسم الله الرحمان الرحيم
تفاعلكم وتعاليقكم وياي حورياتي
*************
جوري - يمه ادهم شبيهه ليان
ناز - شبيهن اديهه
راجي - شنو شصاير احجي ادهم
عيسى - صاير شي
ادهم - شحجي اني الوياها ماعرف شبيهه
محمد - زين شبيهه اديهه
ادهم - اليوم الصبح كعدت جنت بلديوان تريكت وكملت سالت عليهه كالو نايمه شوي واسمع الصياح وكسر جام رحنه نشوف شنو لكيت ايهم ديكسر باب الحمام كسرناهه وطبينه شفت ليان مشرحه ايدهه وديناهه للمستشفه
زهراء - يمه شصار وياهه
ادهم - ما ادري بس من كعدت تكول اريد ارجع اريد كرم واكرم وبس
عيسى - ستغفرالله كلما نكول صارت احسن ترجع
*********
ليان
مر كم يوم اني بس انزل اكل واصعد ومن يجي احد يحجي وياي اسوي نفسي نايمه والاكثر الي سواني هيج يخابروني كليوميه لو رنا لو ريم لو اريج امهن لو اسلام يحطمن نفسيتي ويذكرني باخوتي وامي ويحملني كلام يخلني مانام من كثر البجي واذا مرديت يدزون رسائل واني اقراهن مو بيدي بلنسبه لسوها ماكتلهه على مخابرات ورسائل اكللهه زينه وبس الساعه هسه بلوحده بليل كلت خليني انزل بلحديقه صلي كم يوم بلغرفه نزلت ماكو احد الكل بغرفته رحت طلعت بره ملكيت احد رحت على مرجوحه كعدت عليهه وكمت اتمرجح ودموعي تنزل سمعت الباب الشارع انفتحت مسحت عيوني ودرت وجهي اشوف منو شفت ادهم عكد حاجبه واجه يمي
ادهم - شعندج كاعده لهسه
ليان - ماجاني نوم كلت اطلع بره بلحديقه شوي انته شعندك طالع
ادهم - جان عندي شغل مادام كعتي خلينه نحجي لان كلما اسال عنج يكولون نايمه
ليان - تعال اكعد
ادهم - باعيلي ليان اريد منج شي
ليان - شنو هوه
ادهم - ليان اريد تحجيلي منو وياج شنوو بعقلج شنو الي بكلبج ارتاحي شوي احجي كانو ماكو احد يمج علمود ترتاحين وترجعين ليان الي نعرفهه الي متغيب ضحكته من وجهه ليان الشاطره الي كل سنه تطلع الاوله على مدرسه ليان الي تشاقه ليان المحبوبه ام عيون حلوه مو حرام هاي العيون تبجي يلا كافي مسحي دموعج واحجي شصار وياج هناك
ليان
بكلبي لو اكلك جان تروح تكتل اسلام وتجي
ادهم - ماتحجين
ليان - اريد احجي اري ارتاح بس سؤال
ادهم - سئلي
ليان - صدك اني حمل عليكم
