الكاتبه / /مروا
الهم صلي على محمد وآل محمد
البارت السابع والثلاثون
بسم الله الرحمن الرحيم
تفاعلكم وتعاليقكم بين الاحدات ورايكم حورياتي
* * * * * * * * *
الدكتور - اسف انطيت للممرضه الغرفه الخطاء الاسامي متشابهه اعتذر
ليان
ضحكت بستهزاء يعني خله جدي يموت وتنزل دمعته ولد عمي وعمامي وعماتي وهاذا يكلي مشتبه زمخ بيه اركان سكتت بس انصدمت من ردت فعل ادهم احنه كاعدين على تخم وكراسي وهوه وره الميز ادهم كام وجره من ياخته وسحبه نيمه عله الميز وضربه بوكس على وجهه صيحت
ادهم - **** خليتنه منعرف دربنه ورعبتنه عليهه ومخليتني لا انام اليل لا اني ولا همه من حزنهم عليهه ونته تجي تكلي اعتذر مادري تخربط هااااي بيه خربطه **** *********
ليان بدموع - ادهم حباب عوفه شوف وجهه ادهم انتو عليمن امجتفين وصافنين متوخرو
اركان - يستاهل
محمد - علمود ليخربط بعد
نضال - لعد يخوفنه عليج
علي - ومانحاسبه
ليان - يااا ولكم راح يموووت الرجال اااادهم ادهم حباب عوفه علمودي ادهم داكلك علمودي عوفه
اشوفه تفل عليه
ادهم - هاي عفتك علمودهه ماراح اكلك لتعيده مره ثانيه لان ماراح تشتغل بعد اني اخليك تكعد بهاذا الكرسي بعد اني مو ادهم
ليان
راد يحجي الدكتور ادهم مخلا
ادهم - ماسمعلك ولا كلمه امشو انتي هم امشي كبالي
ليان
طلعنه كلنه وهمه وراي وعلي يخبلون الله لا يحرمني منهم كلهم رحت ركبت بالسياره ومشه ادهم
ليان - ادهمي
اركان - لواكه دير بالك
ليان - ياا بدال مصير وياي وعلي مو صوجك المهم ادهم
ادهم - ليان سكتي
ليان - يا خليني احجي
ادهم - اعرف شنو راح تكولين من هسه مراح اقبل اتراجع عن كلامي الي كلته وراح ابطله من الشغل يعني ابطله
ليان - يا شلون عرفت هههه
ادهم - حافضج
ليان - لعد عوف الرجال خطيه
ادهم - احنه الخطيه لعد هيج يسوي بينه لا خلانه نعرف ليل من الصبح والله شنو تخربط برقم الغرفه والاسم متشابه بلا هاذا عذر
ليان - اي بلكي منتبه
ادهم - لياااان لسودنيني
علي - ليان سكتي
محمد - اي ومحمد كون هسه ضربه على راسهه سكته لحد منوصل لان راح ضل تلغي بالموضوع لحد ما ادهم يجزع ويقبل
