الكاتبه/ / مروه
الهم صل على محمد وآل محمد
البارت الثامن عشر
بسم الله الرحمان الرحيم
تفاعلكم وتوقعاتكم وتعاليقكم وياي حورياتي
*************
ادهم-كتلي رقم مو خليني اشوف تكمش رقم بعد علمود تنطي
يسر
اشوف من بعيد ادهم ديضرب بواحد وليان تبجي يمه وصيح اشوف الولد كلهم ركضو لدهم من شافو وحنه البنات جمدنه من الخوف اباوع الزلم تريد توخر ادهم ماكو راحوله الولد وخرو يردون يفتهمو ميفهمهم من الصياح واصل النه اشوف ادهم تفل عليه وراح جر ليان من ايدهه واجه بتجاههنه والولد وراه
ليان - ادهم ايدي دتعورني
ادهم - شعندج واكفه هناك ليش مو ويه البنات
ليان - مادري فجه اختفن ونته رحت كمت اتمشه ادور عليكم هاذا طلعلي
ادهم - اتماده وياج
ليان - لا بس الي سمعته انته مكال شي
اركان-ليان كافي مسحي دموعج ويلا خلي نرجع وبالبيت صرنه فرجه للعالم
ليان
رجعنه للبيت نزلنه كلنه شلت كم شغله من مالاتي وادهم اجه ساعدني شال الباقيات والبنات كل وحده تشيل مالاتهه بس اني هواي طبينه لكيت عماتي كاعدات يشربن جاي بالمطبخ ويسولفن سلمت وصعدت لغرفتي نزعت شالي ردت اروح اغسل اندكت الباب رحت فتحته لكيت ادهم
ادهم - ذني ملابسج
ليان - تمام شكرا
اذتهن منه ودخلتهن وهوه يباوعلي
ليان - ادهم لا تباوعلي هيج مالي دخل يعني شسويله اذا هوه واحد سرسري اني شدخلني
ادهم - الج دخل
ليان - بشنو الي دخل
ادهم - ماتلبسين عبايه من طلعين ولا جبه هيج بناطير وفوكاهه اضحكين وسولفين بره شلون مينتبهون عليج
ليان - ادهم لا جيب حجج على لبسي ونته تعرف كلش زين لبسي مستور بس انته وبدك حته تلبسني بوشيه بس هاي بالحلام وهسه اريد اروح اسبح واصلي تريد شي
ادهم - احلام مو
ليان - اي احلام العصر هم يلا تريد شي
هز راسه عفته ودخلت وسديت الباب ولا جن خواته لابسات نفسي يا ربي صبرني على ادهم وعلى عصبيت ادهم
رحت طلعت تراك لونه اصفر ليمونه مادري عجبني رحت سبحت ومشطت وتوضيت وصليت ورتبت ملابسي وغراضي رحت رجعت ملابس نوره واخذت تلفوني ونزلت جوه لكيت عماتي على نفس الكعده سالت على عمامي وجدي كالو راحو وره صلاه المغرب ويتاخرون لحد ميجون كعدت يم عمتي جوري
جوري - شبيج بنيتي تعبانه
ليان - لا مابيه شي
جوري - اشتريتي ملابس حلوه
