အချစ်ဦး [ Z+U] // Completed

စာရေးသူ၏အမှာစာ (သို့) အချစ်ဦးဇာတ်အိမ်အကြောင်း

စာရေးသူ၏အမှာစာ ( သို့) အချစ်ဦးဇာတ်အိမ်အကြောင်း

မင်္ဂလာပါရှင်။ စာရေးသူ ကိုကိုပါ။
အစကတော့ ဒီစာလေးကိုရေးဖို့အစီအစဉ်မရှိပါဘူးရှင့်။ ဒါပေမဲ့ ရေးသင့်တယ်ထင်လို့ရေးလိုက်တာပါ။

ပထမဦးဆုံးပြောရရင် 'အချစ်ဦး' က ကိုကိုရဲ့အချစ်ဦးအကြောင်းကို ဇာတ်အိမ်ယူပြီးရေးထားတာပါ။ ပြောရရင် တကယ်ဖြစ်ပျက်ခဲ့တဲ့အခြေအနေကို ဇာတ်အိမ်ရဲ့အစအဖြစ်ယူထားတာပေါ့။ အစအဆုံးအကုန်လုံးတော့မဟုတ်ပါဘူး။ ဘာလို့ဆို ကိုကိုက  ကိုကို့အချစ်ဦးကို သူကျောင်းနားသွားပြီး နောက်တစ်နှစ်မှာ သူ့မျက်နှာကိုတစ်ခေါက်ပဲထပ်မြင်လိုက်ရပါတယ်။ ​ကိုကိုဆယ်တန်းနှစ် သူက ကိုးတန်းပြန်တက်ချိန်ပေါ့လေ။ အဲဒီအချိန်ကတည်းက သူ့ကို ကိုကိုပြန်မတွေ့တော့ပါဘူး။ အဲဒီနေ့က ကျောင်းဆင်းချိန်တန်းစီရင်းတွေ့လိုက်တာ နောက်ဆုံးပါပဲ။ ပြီးခဲ့တဲ့နှစ်တွေထဲ အိပ်မက်ထဲတော့ ရောက်ရောက်လာတတ်တဲ့သူပါ။ သူ့နာမည်ကလည်း နှစ်လုံးတည်းရယ်။ ဒီဝတ္ထုထဲမှာတော့ နာမည်ပြောင်းထားတာပေါ့လေ။

ကိုကို့အချစ်ဦးက  ကိုခန့်လိုပဲ အေးအေးငြိမ်ငြိမ်လေးပါ။ ကိုကိုကတော့ ကိုကို့ရဲ့အေးငြိမ်ရာလေးလို့အမြဲတမ်း​တင်စားပြောလေ့ရှိပါတယ် ><

ဆိုတော့ ဒီ fic က ကိုကို့အတွက်တော်တော်လေးအဓိပ္ပာယ်ရှိတဲ့အပုဒ်လေးပါ။ မပြည့်စုံပေမဲ့ စိတ်တော်တော်နှစ်ထားတဲ့အဖိုးတန်လေးလို့ပြောရင်လည်းမမှားဘူးပေါ့လေ။ ရေးရင်းနဲ့လည်း မျက်ရည်ဝဲတဲ့အထိပါ။

ကိုကိုနဲ့ ကိုကို့အချစ်ဦးက အပြင်မှာပြန်မတွေ့သလို ပြန်တွေ့စရာလည်းမရှိလောက်တဲ့အနေအထားလို့ပြောလို့ရပါတယ်။ ' အချစ်ဦး  ' ထဲက ထင်လင်းအိမ်လိုပဲ ကိုကိုကလုံးဝကိုတစ်ဖက်သတ်ဖြစ်ခဲ့တာမို့ တွေ့ရင်တောင်နှုတ်ဆက်ရမဲ့သူမဟုတ်ဘူး။ကိုကို့ကိုသိချင်မှတောင်သိတော့မှာပါ။ အရင်ကတည်းကမသိခဲ့တာလည်းဖြစ်နိုင်တယ်။

ထင်လင်းအိမ်ကို ကိုခန့်သိနေတယ်ဆိုတာကတော့ ယောက်ျားလေးချင်းဖြစ်သလို  လင်းအိမ်သူငယ်ချင်းသက်ပြည့်နဲ့ ကိုခန့်ကလည်း ရင်းနှီးနေတာမို့ လင်းအိမ်ကိုမျက်မှန်းတန်းမိတယ်ဆိုရုံလောက်ပေါ့။