سبب هدايتي(مكتمله)

الحلقه الثانيه

" سبب هدايتي "
الحلقه التانيه
حور: مساء الخير يا جماعه.. بصوا ليها بصدمه واولهم كان حسن ومنال..
بصلها شعبان بتفحص وفهم اللي بتعمله وابتسم وقال: مساء الخير يا بنتي..
رفع مصعب نظره ليها وكان في شده الغضب والعصبيه متوقعش ان دي هتكون شريكة حياته فمهما كان هما صعايده ومش بيلبسوا كدا وعيلة الحسن متشددين نزلها في الارض بمجرد ما شافها.. وقال بحده؛ وعليكم السلام ورحمة الله وبركاته... نصيحه ليكي لما تدخلي مكان تقولي السلام عليكم ورحمة الله وبركاته احسن من مساء الخير والكلام ده...
لوت شفايفها بسخريه وبصت ليهم وقعدت جمب حسن اللي حس بالحرج منها مسكتها منال وقالت بهمس وحده؛ ايه القرف اللي انتي لبساه ده يا بت يا حور
حور بهمس؛ ماله يعني اعمله اي انا طلعتله بشخصيتي الحقيقيه مش الفيك اللي انتو عوزني اطلعله بيها وبعدين مش عاجبني..
منال: انتي بصيتي عليه اصلا
حور: بالاحساس يا ماما بالاحساس... قاطعهم صوت شعبان اللي قال:فكراني يا حور انا جدك شعبان
حور: اه يا جدو فكراك انت كنت بتاخدني على رجلك... ابتسم وقال: صح يا جلب جدك...تعالي جمبي..
قامت ومجرد ما مشيت كان صوت الخلخال اللي في رجلها غير مناسب للجو قبض مصعب على ايده بضيق وقال بصوت حاد: استغفر الله العظيم استغفر الله العظيم..
همست حور لشعبان بدلال: ماله ده يا جدو هو متعصب ليه
شعبان بهمس: عشان ميصحش اللي انتي عملاه ده يا بنتي
حور بحزن ودلع: تقصد اني وحشه يا جدو.. ابتسم فهو يحب البنات لانه مترزقش بخلفة البنات
ابتسم ليها وقال بحب: لاء يا جلب جدك ده انتي جمر.. جمر اي انتي عسل...اعرفك بجى دول بجى ولاد عمك مصعب ومحمد
بصت لمصعب لما شاور عليه شعبان هو بالفعل وسيم بل وسيم جدا من ملامحه وتدينه ونظراته الهاديه وعينه ديما اللي في الارض عضلاته البسيطه جلابيته الصعيدي وطريقته الصعيدي اللي اعجبت بيها
محمد؛ عامله اي يا حور
حور: كويسه
شعبان؛ اي رأيك يا مصعب يا ولدي تاخد حور وتجعدوا لوحديكم في البلكونه تتحدتوا شويه.. مالت حور عليه وقالت بهمس ونبرة سخريه: هو الشيخ هيوافق اننا نجعد لوحدنا ده باين انه مش طايجني
شعبان بهمس؛ عادي يا بنتي ده شرع ربنا الخاطب ليه حق انه يجعد مع خطيبته لوحديهم لو منتقبه تشيل النقاب ويشوفها ولو لابسه لبس واسع تخفهه شويه عشان يشوفها كويس ويلاقي القبول...
بصتله بعدم تصديق وحسن قال: جومي يا حور يا بنتي مع مصعب
قامت بضيق وكانت هتمشي قدامه لكنه سبقها لأنه مش عاوز يلمحها  فبصت لضهره بغيظ شديد..
قعدوا في البلكونه وهي قعدت قدامه وبصتله بحريه وجراءة اما هو فكان باصص في الارض وبيسبح ربنا
حور في نفسها: لاء بس انت قمر... رفع نظره ليها وتلاقت اعينهم محستش بحاجه غير انها سرحت في عنيه السودا اللي حست فيهم بالأمان مما خلى قلبها ينبض بعنف شديد وكان اول مره تحس الشعور ده برغم حبها لشخص تاني بصت في الارض بسرعه واحمر خدها وكانت اول مره يحصل معاها الموقف ده وتتكسف بالطريقه دي وكانت اول مره بالنسبه لحور حسن..
اما مصعب فضل يبصلها بصدمه وقال بعدم تصديق: معقول دي انتي
بصتله برفع حاجب وهو ابتسم لاول مره من اول ما قعد وضرب كفه في كف بيأس وعدم تصديق وقال: لا إله إلاّ الله...
رفعت حاجبها بغيظ وقالت؛ خير يا عم الشيخ مصعب
بصلها بسخريه وقال: لا ابدا يا انسه اصل كنت زمان لما كنتي صغيره كنت اعرفك وفي فرج شاسع بين ما كنتي طفلة جميله بريئه وخجوله وفرج بين دلوجتي
حور: تقصد اي بدلوقتي
بصلها من فوق لتحت من غير ما يدقق في نفاصيلها وقال: اظن انتي عارفه
سكتت بخجل من نظراته اللي احرجتها من نفسها
ابتسم وقال؛ واضح جدا انك مغصوبه على الجواز صح مش كدا
بصتله بغيظ وقالت في نفسها؛ هو بيقولها عادي كدا في وشي من غير ما يجامل حتى..
مصعب: فطبعا احنا عارفين نهاية القاعده دي اي فإسمحيلي اقولك نصيحه لوجه الله عشان انتي اللي هتتحسبي على كدا
بصتله بإهتمام وهو قال: لو ملك الموت وقف قدامك دلوقتي وقالك هقبض روحك دلوقتي هيكون ردك اي... اتقبض قلبها بخوف وبصت ليه وهو قال بحده؛ هاه؟ هتقوليله اي؟ هتقوليله سبني فرصه.. استنى شويه انا مش جاهزه اشوف وجهه الكريم.. احنا من رحمه ربنا بينا مش عارفين اجلنا هيكون امتى وازاي في ناس كتير بتموت فجأة ودي من علامات الساعه وناس شباب مش كبار ... هسألك سؤال تاني انتي بتصلي باللبس ده.. بصتله وهو كمل: اكيد لاء انتي بتصلي بتلبسي اسدال واسع وطويل يغطيكي ويسترك من اولك لأخرك وبدون ميكاب او برفان لأنك عارفه انك هتقابلي ربنا.. طب انتي دلوقتي ضامنه انك هتقبليه بمنظرك ده.. ودلوقتي انتي ضامنه انك مش هتقبليه وهتعيشي وتكملي عادي..
دمعت عنيها وقالت بغضب: انت بتقول اي انا لسه صغيره علفكره ومش بعمل ذنب عظيم يعني ده لبس عادي ايوة مش حجاب الصح بس مش لدرجه انك تجلد في مشاعري بالطريقه دي في ربنا عالم بالنوايا والقلوب...
مصعب: لو ربنا هيكتفي بالنوايا والقلوب مكنش فرض علينا صلاة وصوم وكان سبها بالنوايا لكن كل واحد بنيته طبعا في كتير جواهم احسن من براهم بس للأسف للازم اللي برا واللي جوه يكونوا شبه بعض فهماني يا حور مينفعش اصلح من حاجه واسيب حاجه تانيه لو تحبي اقولك حاجه تانيه عن اللبس معنديش مانع... بصتله بإهتمام وهو ابتسم وقال بحنان لما لاحظ خجلها وانها هتعيط؛ ليه ربنا طلب من المسلمه ستر نفسها.. اولا مش كل الرجاله طقيه وكلهم بيغضوا بصرهم وحتي اللي بيغضب في شيطان بيوسوس وفي ناس ايمانها ضعيف.. لما واحد يشوف بنت زيك كدا بنت جميله مهتميه بنفسها واعذريني في اللفظ يعني مزه ومدلعه نفسها هيقارن مراته بيكي مراته اللي شقيانه طول النهار مع عيالها وطفحانه الدم معاهم هو هيجي يروح هيلاقي شكلها متبهدل ومشغوله مع العيال فهيقلل منها ويستحقرها وانتي او البنات اللي زيك هيجي في بالهم وهيتخيلك في سنيروهات وحشه معاه عشان كدا ربنا امرنا بغض البصر لان الشيطان هيزينله اد ايه البنت دي جميله وهو زي ما قولتلك كدا وهقولك حاجه كمان البنات في سن المراهقه بتبدأ تتعلم الحجاب وتلبس واسع وكدا لما تشوفك هتعجب بيكي وممكن تاخدك قدوة مثلا وتنسى حجابها وتعمل زيك... وزي ما قالت امرأة حكيمه قبل كدا ربنا جميل وبيحب الجمال فالحجاب بيخفي الجمال وربنا امرنا بإخفاء جمالنا لحلالنا وبس الايام دي هتلاقي الطرحه وموضاتها تلاقي البنت لابسه الطرحه مش حجاب في فرق بينهم ولفت الطرحه تكون مبينه نص شعرها ورقبتها وهدوم استغفر الله العظيم يعني
حور: طب اي الفرق ببن الحجاب والطرحه... ابتسم ليها وقال: الحجاب هو انك تلبسي لبس محتشم واسع وتتشبهي بزوجات الرسول صل الله عليه وسلم الطرحه هو انك تلبسي اي حاجه وخلاص... ولو مش مصدقاني تقدري تسمعي شيوخ بلاش شيوخ اسمعي واحده ست زيك الدكتورة هاله سمير جميله جدا ونصايحها حلوة انصحك بيها ... انتي ممكن تستري نفسك برا البيت بس لما تبقي في بيتك مع اهلك او لوحدك تقدري تزيني نفسك وتبقي جميله في عين نفسك وكدا هتاخدي ثواب اكبر... وربنا امرنا بكدا هو ورسوله الكريم انتي عاوزه تعصيهم
حور: لاء طبعا
مصعب: يبقى اعملي بسنة الرسول واتبعي اوامر ربنا...
سكتوا للحظات وهو قال؛ البرفان
بصتله وهو قال؛ البرفان اللي انتي حطاه ده الرسول صل الله عليه وسلم قال المرأة التي تخرج لصلاتها في المسجد وحاطه عطر لا يقبل لها صلاة إلا اذا عادت واغتسلت وربنا اللي بلغ الرسول يا حور انا بكلمك ببساطه وبراحه عشان تفهميني عارف اني متشدد بس ده عاجبني وبسعى اكتر عشان ازيد من حسناتي... تعرفي انتي لما بتعدي كدا من جمب راجل وانتي حاجه برفان متعرفيش اي اللي بيدور في باله وقتها وكدا انتي تعتبري زنيتي.. بصتله بصدمه وهو قال؛ اه
حور؛ بس الجو حر وو قاطعها وقال: في حجات مبتظهرش الريحه وفي نفس الوقت مبتطلعش ريحة للجسم ومادام الست مينفعش تصلي وهي حاطه برفان كدا حلال ولا حرام
حور: حرام
ابتسم وقال؛ اتمنى تسمعي نصيحتي واستفدتي مني وكانت فرصه سعيده يا انسه حور... عشان تعرفي انا مش بتحكم فيكي انا بنصحك
حور بهدوء: عارفه... كان هيقوم قالت؛ طب والخلخال
ابتسم وقال: اظن عارفه الاجابه وابحثي على جوجل او الدكتورة هاله
ابتسمت وهو قال؛ عن اذنك يا بنت الناس... راح عندهم وقال: يلا يا جماعه...
بص ليه الجد وفهم من تعابير وشه انه مش موافق عليها وقال: طيب يا جماعه نستأذن احنا
حسن: لسه بدري يا بوي
مصعب: لاء يا عمي ورايا شغل الصبح وصلاة العشاء لازم اروح اقيمها ما انت عارف انا شيخ الجامع... بصتله منال بإعجاب وقالت في نفسها: يا خسارة والله يا حور ضيعتيه حرام عليكي...
مشيوا وفضلت حور قاعده سرحانه وقالت؛ معقوله هتحاسب على كل ده... بصت لأوضتها وقامت تجري عندها وفتحت النت وقعدت تسمع للشيوخ بإستمتاع شديد وعن الاغاني واللي سمعته من مصعب ابتسمت ومسكت تليفونها ومسحت اغاني كتير عنها وحطت قران وسمعت اكتر من شيخ وكلهم خطفوا قلبها من ارتياح وهدوء اصواتهم..
وفجأة وهي قاعده سرحانه سمعت اذان العشا بيأذن عرفت الصوت فهو صوت مصعب طلعت وبصت لحسن اللي بيسمع للصوت بإستمتاع..
حور: بابا... قاطعها واشار ليها انها تسكت...
سكتت واستنت لحد ما الاذان يخلص...
حسن: اي يا بنتي...
حور: هو مين اللي بيأذن ده يا بابا
حسن: ده مصعب يا بنتي ساكن في الشارع اللي ورانا علطول وعرفت انه هو اللي بيقيم بالمصلين هنا..
حور: طيب يا بابا شكرا... قامت بهدوء واتعدلت في المشي وده اللي فرح حسن...
قعدت في بلكونه اوضتها وسمعت صوته وهو بيقيم بالمصلين وبعد ما انهى الفاتحه قرأ سورة وقال آيه واحده ولم يستطع ان يزيد عنها حرف واحد بدأ مصعب في تلاوتها وقال بهدوء: يا أيها الذين آمنوا لا تخونوا الله والرسول وتخونوا امانتكم وانتم تعلمون... وكانت صدمتها لما سمعت مصعب وهو بيعيط ومعاه المصلين صوتهم كان باين اوي عيطت هي كمان فكل واحد عارف هو خان ربه ورسوله في اي
قامت اتوضت وصلت وفي كل ركعه كانت دموعها نازله بحرقه على كل الايام اللي ضيعتها وصحبتها الفاسده اللي كانو بيشجعوها باللي هي كانت بتعمله وبعد ما خلصت مسكت المصحف وبدأت تقرأ فيه بهدوء وسكينه واضحه كان في احساس بالراحه جواها هدوء وراحه لا مثيل ليهم...
بعد وقت..
قفلت المصحف وحست انها ملكت الدنيا وما فيها... وقفت قدام الدولاب وبصت لهدومها وطلعتهم وحطتهم في شنطه وقالت؛ انا هتبرع بالحجات دي واخد ثواب انا مبلبسش كل ده... ولازم افصل هدوم حلوة بقى وفساتين جديده وواسعه ... وبصت لهدومها الواسعه وقالت؛ انا هنسق كل حاجه مع بعض وطرحتي هتتعدل وهتغطي ضهري ولحد صدري...
فضلت قاعده تنسق في حجتها وبرفانتها حطتهم في شنطه لوحدهم وكل اكسسوارتها وقالت: من انهارده هلبسكم في البيت وهنسمع كلام الشيخ مصعب يا حبايبي... ضحكت بمرح وحطت الحجات اللي مبتطلعش ريحه للجسم على التسريحه وفضلت قاعده لحد ما اذن الفجر..
بصت للساعه وقالت؛ ياااه كل الوقت ده عدى والله ماحسيت بيه...
قامت اتوضت وصلت وخصوصا لما سمعت مصعب وهو بيأذن
خلصت وراحت نامت وقالت؛ هيتفجأوا بحور جديده بكره...
تاني يوم..
كانت واقفه وهي لابسه فستان ابيض وطرحه باللون البني وحجابها مغطيها واعجبت بشكلها وكانت فرحانه بنفسها وان منظرها بيليق كأنها فتاة مسلمه... دخلت منال وقالت: بت يا حور يلا وراكي شغل... مكملتش كلامها وبصتلها بصدمه وقالت؛ بسم الله ما شاء الله اي الجمر ده يا بت التزمتي وغطيتي شعرك كل ده حصل في يوم وليله
حور: بجد حلوة يا ماما
منال: قمر يا حبيبتي... حسن يا حسن.. جه ابوها وقال؛ اي يا منال بتنادي ليه.. سكت وبص لحور وقال: مين دي
ضحكت وقالت؛ اي رأيك يا بابا..
حضنها بحب وقال: انتي حور اي التغير ده
حور: عادي حسيت كدا اني لازم اتغير
حسن: ربنا يهديكي يا بنتي... اخدت شنطتها ونزلت بعد ما ودعتهم..
في مكان تاني..
كان واقف مصعب وهو بيستغفر ربنا وبيحاول يصلح عربيته
محمد بغضب؛ عجبك اللي عملته فينا عربيتك ده ادينا هنتأخر على الشغل وهنتشحطط في المواصلات
مصعب: لعله خير يا محمد... كويس انها معطلتش بينا على الطريق..
محمد: طب يلا عشان نلحق مواصله ولا مش هنلاقيها دي كمان... ضحك وقال؛ طب استغفر ربنا بدل ما انت بتتشاءم كدا
محمد؛ حاضر يا عم الشيخ...
ضحك واتحركوا عند مركب للمواصلات..
ركبوا مواصله واتحركت العربيه وعدت دقايق ووقفت العربيه وطلعت حور وملقتش مكان تقعد فيه فضلت وقفه وقال شخص:...
وكانت صدمتهم ببعض..
#سبب هدايتي
گ/سـلمـى نشـآت (Millliiicia)