سبب هدايتي(مكتمله)

الحلقه الرابعه والاخيره

الحلقه الرابعه
" سبب هدايتي "
حور: عشان انا... انا.. انا بحب واحد وهتخطبله علفكره
معاذ: بجد الف مبروك
بصتله بصدمه وهو قال: امتى بقى متنسيش تعزميني
ابتسمت وقالت؛ ان شاء الله... مشي وهي قالت؛ كويس الحمد لله طلعت من الموضوع من غير اي حاجه...
عدت الايام ومتبقاش غير ساعات على عيد الاضحى..
كانت قاعده حور وبتبص للساعه بضيق مستنيه الوقت يعدي عشان يجي من الشغل لاحظها شعبان وقال بمشاكسه: مالك يا حور مركزه مع الساعه كدا ليه متخافيش هيجي
احمر وشها وبصت للأرض بخجل وقالت؛ ليه بتقول كدا يا جدي ومين ده اللي مخفش وهو هيجي
شعبان بمشاكسه؛ مصعب يا جلب جدك...
حور بإنفعال وتوتر؛ على فكره بقى الموضوع مش كده انا مستنيه الوقت يعدي عشان اقوم اجيب الميه من التلاجه
محمد بضحك؛ الكدب حرام يا استاذه حور...
شعبان؛ انا متوقع منك كدا انك تستني مصعب بالطريقه دي انتي كنتي كدا زمان...
بصتله بصدمه وقالت؛ امتى ده
ضحك شعبان وقال: اه ده انتي كنتي بتنامي في حضنه وبتقعدي لازقه فيه ده احنا مره وانتي عندك تلت سنين ومصعب عنده ست سنين لقيناكي بتعملي مصيبه..
بصتله بصدمه وبلعت ريقها بتوتر وقالت؛ حصل اي
ضحكت منال وبصت لشعبان انه يضحك وقال: هحكيلك
فلاش باك..
كانوا في الصعيد والجو ضلمه كانت واقفه بنت صغيره وعماله تخبط على اوضة مصعب..
اتفتح الباب وكان بيمسح عينه بنوم
مصعب بنوم؛ اي يا حور يا حبيبتي في اي...
حور بخوف؛ انت ممكن تنيمني معاك انا خايفه ومرعوبه الدنيا ضلمه وفي صوت ضرب نار
مصعب: طب ادخلي يا حور ادخلي...
دخلت تجري ونامت جمبه وهو حضنها
حور: مصعب
مصعب بنوم؛ اي يا حور
حور: اانت هتنام صح
مصعب: اه يا حبيبتي...
حور: طيب... غمض عينه بنوم وهي مسحت على وشه وقالت؛ انا بحبك اوي يا مصعب... ومالت وباست خده وفجأة اتفتح الباب وكانت منال اللي قالت؛ مصعب مشوفتش حور... سكت وبصتلها بصدمه..
ضحك شعبان وقال: عيال عيال هتشيها يا بنتي..
باك...
كان وشها احمر من الخجل وحمدت ربنا ان مصعب مش موجود. قامت تجري وطلعت تجري وكانت هتقع لكن كان في حد لحقها بصتله وكان مصعب اللي قال: في اي يا حور
حور بخجل: سبني يا مصعب بالله عليك
مصعب؛ طب في اي...
ساب ايده وقال: فيه اي انتي كويسه.. دخلت الشقه وهو دخل وراها..
شعبان بضحك: اسكت يا مصعب دي البت حور طلعت مش فكراك دي اول ما افتكرتك جلبت على طماطم... ابتسم وقال: ليه كدا يا جدي انت متعرفش كان شكلها عامل ازاي لما طلعت
ضحك محمد قلل: ده من تمبارح عمال يتكلم عليها... بص ليه بحده
وشعبان ضحك وقال بصوت عالي: حور تعالي يا بت...طلعت ووشها احمر من الخجل ابتسم مصعب وشعبان قال: ها يا حور مصعب طالب يدك تاني هاه رأيك ايه.. بصت لحسن وقالت: اللي تشوفوه...
ضحك مصعب وقال: طب على بركه الله...
محمد بهمس: فرحان جوي هاه
ابتسم وبصلها وقال: صليت استخارة وحسيت براحه كبيره اوي ومن ساعت ما جدي فكرني بيها ومن ساعت ما عرفت انها حور حبيبتي اللي كنت بحبها من وانا صغير وانا فرحان ونظرتي ليها اتغيرت بعظ ما اتغيرت وسمعت كلامي وعرفت انه من السهل التعامل معاها
محمد بضحك: ها ها حيلك اي يا عم الشيخ اي الرومانسيه دي وكمان البت مش حلالك يا كبير عشان توصف فيها كدا اصبر شويه
ضحك بإحراج وقال: كتر خيرك يا خوي
تاني يوم...
كانوا واقفين في الشارع بعد صلاة العيد قرب عليها وقال: ازيك
حور: اسمها السلام عليكم فاكر
ضحك وقال: متخليش جلب اسود اومال
حور: نعم
مصعب: انتي موافقه ولا عشان اهلك بس بصراحه
حور: انا عاوزه امشي
مصعب: ردي عليا بس
حور بخجل؛ بحبك... وطلعت تجري وهو مبتسم
" تمت بحمد الله "❤🖋