လူတိုင်းချစ်နှစ်သက်ပြီးအားကျကြရသော အတွဲတစ်တွဲဖြစ်သော ကျွင်းရှောင်းအတွဲမင်္ဂလာပွဲတွင် ရှောင်းကျန့်ဘက်မှ တစ်ဖက်သတ် ဖျတ်သိမ်းသွားသည်ဆိုသော သတင်းသည် weiboအပေါ်တွင် တစ်ညအတွင်း hot searchအဖြစ် ဟိုးလေးတကျော်ကျော်နာမည်ကြီးသွားခဲ့သည် ။
ကျွင်းရှောင်းအတွဲကို အားပေးနေကျသောသက်ဆိုင်ရာ Fan Clubများမှာလည်း မှားယွင်းသော သတင်း တစ်ချို့နဲ့အတူ အမှန်တရား တစ်စွန်းတစ်စပါဝင်သော သတင်းတစ်ချို့တို့ကိုသာ ကြားသိကြရပြီး ကျွင်းဟော့လန်အပေါ်ကိုသနားစိတ်ဖြစ်ကာ ရှောင်းကျန့်ကိုမုန်းတီးနေကြသောသူများရှိကြသည် ။
ဒါ့အပြင် အနှစ်နှစ်အလလ အားပေးလာသော အတွဲလေးတစ်တွဲမှာမျှော်လင့်ထားသလိုဖြစ်မလာခဲ့လို့ ဝမ်းနည်း အသဲကွဲနေကြသူများလည်းရှိကြသည် ။
" ဒီကျွင်းဟော့လန်က တကယ့်အရှက်မရှိတဲ့ကောင်ပဲ မင်းကြည့် မသိရင် ငါတို့ကျန့်အာက အသည်းနှလုံးမရှိတဲ့ အသည်းကွဲသမားကြီးလိုလိုနဲ့ Weiboပေါ်မှာ အသေအလဲကိုခံစားပြနေတာ "
" ဟုတ်တယ် တကယ်မျက်နှာပြောင်တိုက်လွန်းတယ် "
ဦးလေးသုံးက ဦးလေးလေးပြသော ဖုန်းမျက်နှာပြင်ပေါ်က ကျွင်းဟော့လန်ရဲ့ အိုးမလုံအုံပွင့် တင်ထားတဲ့Feel Postကို ကြည့်ပြီး ခေါင်းတညိတ်ညိတ်နဲ့ ထောက်ခံပေးသည် ။
ရှောင်းကျန့်ကတော့ ဦးလေးတစ်ဘေးတွင် မနက်စာထိုင်စားရင်း မထိတထိလေးပြုံးလိုက်သည် ။
အဆုံးမရှိတဲ့အဆိုးဆုံးချောက်ထဲ မကျရောက်သွားတဲ့ သူ့ဘဝအကြောင်းကိုတွေးမိပြီး ကျေနပ်နေပြီမို့ သက်မဲ့အတင်းအဖျင်းတွေလောက်ကတော့ သူ့အတွက် သူအခုစားနေတဲ့မနက်စာလောက်တောင်အရေးမပါနေပေ ။
" အခု ဘယ်လိုဆက်လုပ်မယ်လို့တွေးထားလဲ "
ဦးလေးတစ်က မနက်စာစားရင်းမေးလာသည် ။
ဦးလေးငါးကတော့ သူဘာပြောမလဲကိုသာ တိတ်တဆိတ်နဲ့ နားစိုက်နေလေသည် ။
" လုပ်သင့်လုပ်ထိုက်တာကို အရင်ဆုံးလုပ်မယ် "
သူဘက်က ခံစားချက်လုံးလုံးမရှိတော့သည့် ပြတ်သားသောမျက်နှာပေးနဲ့ ပြောလိုက်သည် ။
