فندق 109

البارت الثامن بقلمي الكاتبة

🦋ديـلار🦋

ــــــــــــــــــــــــــــــــــــــــــــــــــــــــــــــــــ

راح ابقـى احـبك

لوتـضل ساعه بعُمري

واصبُر واشُك حَلگ الصبُر

واغلِب ايوب بصَبري

عيونَك اهم مِن العُمر

تِدري انتَ لوماتدري.
ــــــــــــــــــــــــــــــــــــــــــــــــــــــ

الدكتور: عيني استاذ نديم حالة البنية كلش خطرة واني ردت اخذ اشعة بس علمود نشوف حالة جسمها بس البنية متكسرة تكسر

نديم: شنو ها؟ شنو يعني رح تموت مثلاً؟ انته مو احسن دكتور بكل اربيل؟ انتو هنااا دكاترةة غصباً ماعليكم تخلوها تعييش فهمتوا؟ نيران اذا يصيرلهة شي اگلب الدنيا مو بس المستشفى

الدكتور: عفوا استاذ نديم اول شي لتصيح لأن انته بمكان محترم مو بالبيت ثاني شي الاعمار بيد الله واحنا نسوي العلينة واني ماگلتلك انو راح اعوفها شنو غصباً ماعليكم تخلوها تعيش؟

عُزام: دكتور رجاءاً اتفهم الوضع الي احنة بي اسفين اذا بذر شي غلط من يمنة بس اعذرنة رجاءاً

الدكتور: مصار شي يابة...  اما عن حالة البنية مبين بالأشعة انو عدها كسرين بالعصعوص
وايدها الي عاليمين مكسورة ورجلها اليمنة هم مكسورة ... ف هسه رح ياخذوها يسوولها "رنين" لأن راسهة دينزف وبالگوة يالله الدكاترة وگفوو النزيف .... والله اني اهواي عندي عمليات ومواعيد بس كلهم لغيتهم علمودكم

عُزام: ممنونين منك دكتور

الدكتور: لا يابة ولو

راح الدكتور ونديم گعد بالگاع وگال

نديم: ياربي دخيلك ساعدني ... يالكاضم مو انته الماترد محتاج؟ لا ترد حاجتي وشافيلي نيران

اول مرة اشوف نديم بهالوضع ... نديم يبچي؟؟ و نديم يدعي هم؟؟

(طبعاً نديم ونيران ابد ماينخون اهل البيت يعني صح يصلون ويصومون وحتى يصلون ركعتين الأهل البيت بس من چنة نريد انروح للزيارة مثلاً الكربلاء او للنجف او للأمام الكاظم ..... ابد ما جانت تحب تجي ويمكن مرة او مرتين هيه زايرة)

(بس من تريد تحلف كله والحسين والكاظم والحمزة والعباس(عليهم السلام) حتى نديم بكل حياتة مازاير مع العلم همة يصلون ركعتين او اكثر للأئمة نيران دائما تصلي ركعتين للسيدة زينب (عليها السلام) والأم البنين (عليها السلام) وحتى للأمام العباس والكل الأئمة بس من نريد انروح نزور ماتجي)

ف كلش استغربت من نديم لما نخه اهل البيت كلهم

عُزام: نديم روح انته للبيت ودزلي واحد من الولد