نورى 💗

💕part 3💕

part 3
تانى يوم بعد العِشا كانت نور عمالة تمسح فى الارض و تنضف و ماماتها فى المطبخ بتعمل حلويات هى و ملك 

نور: ااااااه حرااااام كدة كتير اوى المفروض الراجل هييجى كمان شوية و انا المفروض اقوم اجهز و انتى يا ماما جهزتى الا انا و مش عايزانى اتحرك من مكانى والله العظيم خلااااص الشقة بقت انضف منى انا شخصيا 😩

مامتها من المطبخ: طيب يا اختى خلاص قومى مش هتفضلى تندبى كدة كتير 😂

نور بفرحة: اخيييييرا يااه 😍 اه يا ضهرى يانى 😩

ملك خرجت من المطبخ و هى بتضحك و قالت: طب يلا يا نور بسرعة قومى الناس قربت تيجى 😂

نور: يلا يا اختى 😩

والد نور كان قاعد على الكنبة و جمبه حمزة و والد نور قام وقف و قال: انا هروح اصلى العِشا فى الجامع اللى على اول الشارع و جاى على طول

حمزة: هاجى معاك يا بابا

والد نور: تعالى

والدة نور: طب حاول متتأخرش عشان الناس اللى جايين

والد نور: ان شاء الله

خرج هو و حمزة ... و نور و ملك دخلوا اوضة نور عشان تختار فستان تلبسه

نور: اختاريلى يلا يا ستى 😐

ملك: طب ادخلى خدى شاور بسرعة عقبال ما انقيلك واحد و عليه كمان حجاب يليق عليه

نور: ماشى يا قلبى

دخلت الحمام و ملك كانت بتنقى ليها فستان و الحجاب

نور خرجت بعد ما خلصت و راحت اوضتها و بعد كدة سمعت الباب بيخبط

نور: اى ده هو بابا لحق ييجى و كمان المفروض معاه المفتاح

ملك: مش عارفة والله بس عادى يمكن نسيه و طنط هتفتحله

نور سمعت ماماتها بتنده عليها و بتقول: افتحى الباب يا نور ايدى مش فاضية

نور: انا هروح افتح يا ملك

نور خرجت و متناسية تماما انها ب بيجامة البيت

حطت الخمار بتاع مامتها على راسها و خرجت تفتح على اساس انه باباها ... لكن اتصدمت بعد ما فتحت لما لقت انه مش باباها و ان سيف و اهله هما اللى بيخبطوا

نور من صدمتها مكانتش عارفة تتكلم ولا حتى تتحرك فاقت لنفسها و مرة واحدة قفلت الباب فى وشهم و طلعت تجرى على اوضتها

سيف: اى ده هو فى ايه 😑

والد سيف: انا عارف يا ابنى مش ممكن تكون جايبنا عنوان غلط ولا حاجة

سيف: لا انا متأكد ان ده العنوان

والدة سيف: امال مين اللى قفلت فى وشنا الباب ده؟