نورى 💗

💕part 14💕

part 14

نور بصدمة: سوليتير 😳

سيف بحب: ايوة سوليتير 🥰

نور: طب ازاى مش فاهمة السوليتير ده غالى اوى انت ازاى جبته فهمنى

سيف: هفهمك كل حاجة بس مش دلوقتى اهم حاجة بس موافقة تتجوزينى يا نورى و تشاركينى كل تفاصيل حياتى يا اغلى حاجة فى حياتى 💗

نور بحب: ايوة طبعا موافقة 💗

سيف لبسها الخاتم و مسك ايديها و راح للمأذون و الشهود كانوا صاحب الكافيه اللى يعتبر اصلا صاحب سيف من زمان و واحد تانى بردوا من اللى شغالين فى الكافيه و اللى بردوا يعتبر صاحب سيف و سيف و نور كتبوا كتابهم و سيف قرب من نور و شالها و فضل يلف بيها و قال: اوعدك يا عمرى انى مش هكسرك ابدا و هفضل احبك ل آخر العمر يا مجنونتى يا اغلى حاجة فى حياتى 💗

الناس اللى فى الكافيه و اللى كان اغلبهم اجانب فضلوا يسقفوا ليهم و ملك كانت بتزغرط

مازن حط ايده على بقها و قال: يلا عشان دورك جاى

ملك شالت ايده و قالت و هى بتغنى: مين اللى جاى استنى دوره جاى اهلا باللى عايش سيبوه انا عايزه حى 💃🏻(الموسيقى حرام يا ملك 🙂)

مازن بضحك: يلا يا مجنونة 😂

مازن شد ايديها بسرعة و راحوا للمأذون

نور بصتلهم بصدمة و قالت: هو انتوا هتتجوزوا النهاردة

ملك: ايوة 😂

نور: هو مش انتى قلتيلى انك لسة هتتجوزوا كمان شوية و ان لسة الشقة متشطبة من كام شهر و انتى لسة موديتيش العفش ايه اللى حصل انا مش فاهمة حاجة

ملك بضحك: كنت بضحك عليكى يا نور احنا هنعمل زيكوا هنتجوز دلوقتى و الفرح بعدين 😂

نور: بقى كدة بتكدبى عليا مااااشى 😌

ملك و مازن كتبوا الكتاب و مازن فضل يلف بيها و هى حاضناه و عمالين يصرخوا بفرحة

نور: دول مجانين و ربنا 😂

مازن نزلها و قال: بحبك يا مجنونة و بعشق كل تفصيلة فيكى 💗

ملك: و انا كمان بحبك اوى 💗

مازن طلع من جيبه هو كمان علبة فيها خاتم سوليتير و لبسه ل ملك لكن ملك مكانتش مستغربة لانها عارفة السر بتاعهم لكن نور هى اللى كانت مش فاهمة حاجة و ازاى كمان مازن جايب سوليتير

اشتغلت اغنية slow و بدأو يرقصوا مع بعض بحب

"عند سيف و نور "

نور: ممكن بقى يا سيف تفهمنى

سيف: يا حبيبتى صدقينى هفهمك على كل حاجة لكن مش دلوقتى انا عايزك تنسى كل حاجة و عقلك يفضل معايا انا و بس زى ما انا كمان عقلى مش مشغول غير بيكى 💗