نورى 💗

💕part 7💕

part 7
سيف: بصى يا نور يا حبيبتى انا صدقينى مجاش فى دماغى الكلام ده غير لما عمى قال انه هيلبسك الدبلة بنفسه عشان مينفعش المس ايدك و كمان لما جبتى حمزة معاكى عشان حرام تخرجى لوحدك معايا بس انا يا نور والله بحبك اوى و نفسى نقعد مع بعض نتكلم زى اى اتنين ما بيتكلموا و نخرج براحتنا عشان ميكونش فى بينا اى قيود تمنع خروجنا فاهمانى يا نور

نور: ايوة فاهماك بس يا سيف انت لسة خاطبنى من حوالى شهر و شوية يعنى لسة متعودناش على بعض اوى

سيف: نور انا بحبك من زمان اوى و عارفك و حافظك كويس و اظن ان فى الشهر و شوية دول انتى حبيتينى و متقوليش لا عشان انتى حبيتينى فعلا و انا متأكد من كدة كفاية الفرحة اللى بتبقى فيها ما بتشوفينى ... يا نور انا بحبك و صدقينى هحافظ عليكى من اى حاجة تأذيكى حتى لو نفسى بس انا اوعدك انى عمرى ما هأذيكى او ازعلك فى يوم من الايام

نور: ايوة يا سيف انا مش هنكر انى اتعلقت بيك جدا بس انت متخيل ان ماما و بابا ممكن يوافقوا ... بص هو لو على بابا لو فضلت تلح عليه كتير ممكن يوافق انما ماما هتخاف عليا و هتقول ان لا قدر الله ممكن يحصل اى حاجة و تطلقنى و ابقى انا لسة شابة و بلقب مطلقة

سيف: نور انتى بتقولى اى انا عمرى ما اطلقك ... يا نور انتى حبيبتى فاهمة يعنى ايه حبيبتى يعنى انتى بالنسبة ليا كل حاجة و عمرى ما هأذيكى ابدا احنا بس نكتب الكتاب مش اكتر

نور: مش عارفة يا سيف والله

سيف: طب انتى موافقة اهم حاجة 

نور: انا موافقة بس اهلى

سيف: سيبيها على الله

نور: و نعم بالله

"تانى يوم "

كانت قاعدة فى اوضتها متوترة ... يا ترى سيف اللى قاعد برة ده دلوقتى هيعرف يقنع اهلها ولا لا

سمعت باباها بينده عليها ... قامت و هى فرحانة و خرجت

نور و هى باصة فى الارض: نعم يا بابا

والد نور: سيف عايز يكتب كتابه عليكى و الفرح يبقى بعد شهرين ايه رايك

نور بصدمة: ايه الفرح يبقى بعد شهرين ازاى هو انا لسة جهزت نفسى 😯

والدة نور: يا بنتى انا مجهزاكى من و انتى فى اعدادى اصلا يعنى انتى جاهزة من كل حاجة و سيف كمان قال انه جاهز

نور: مش عارفة يا بابا اللى تشوفوه

والد نور: يبقى على بركة الله كتب الكتاب بعد 3 ايام و الفرح بعد شهرين

سيف بص ل نور و ابتسم و هى كمان ابتسمتله ب حب

حمزة بهمس ل نور: نور خشى اوضتك بدل ما اقول ل ابوكى انه بيسبلك و ابوظلك الجوازة خالص 😠