فجأه لقا بنت جميله اوى جايه نحيته، قال في نفسه:- اووباا ده شكلنا هنلعب،،
مسك:- هو انت بقا ابن عمي صح؟
فارس في نفسه:- دي طلعت كمان بنت عمي، انا ازاي هقعد مع الصاروخ دي اسبوع بحاله، كده مش هستحمل.
مسك"بغضب:- مترد يا اخينا بقالي ساعه بكلمك
رد عليها:- تعالي يا قمر العربيه من هنا
هي مش هتنكر ان دقات قلبها زادت لما قالها يا قمر،،
وهي رايحه على العربيه كان ماشي وراها زي الاهبل،، بصت وراها لقتو جاي معاها قالتلو:- هتجيب الشنط يا عم انت؟
فارس:- هوصلك العربيه الاول
مسك:- ماشي، بس بسرعه
****************
وصلها العربيه، وراح جاب الشنط، و جاب بدر و سلوي، بدر ركب قدام، سلوى جنب مسك ورا، وفارس بيسوق،،،،،
وصلو القصر، واول ما دخلو استقبلهم رأفت استقبال حار،
رأفت:- نورتونا والله، وانتي يا مسك بقيتي عروسه ماشاءالله،، هخلي الشغاله دلوقتي توريكو اوضكو عشان ترتاحو،،
وفعلا، كل واحد راح اوضتو ونامو،،
وفي صباح يوم جديد، صحيت مسك علي صوت خبط علي الباب،، مسك"بكسل وضيق:- ميييييين بقااا سيبوني انااام،،
فارس بغضب:- وانا كان مال امي بيكي اصلا، ابويا هو اللي قالي اصحيكي اكيد مش جاي عشان سواد عيونك يعني،، بابا بيقولك قومي عشان تفطري.
مسك بخنقه:- طيب.
قامت اخدت شاور وغيرت هدومها ونزلت،،
مسك:- صباح الخير.
الكل:- صباح النور.
***
وقعدو يفطرو في صمت تام،،،
***
بعد الفطار كان نازل فارس،،
مسك:- رايح فين؟
فارس:- وانتي مالك
مسك"ببرود:- طب خدني معاك عشان زهقانه و بالمره تفرجني علي مصر.
فارس"بغضب:- مش واخدك في حته مستحييل، مانا مش واصي عليكي.
رأفت بامر:- لا هتاخدها معاك يا فارس، برضاك او غصب عنك،، مسك حست انها عبأ عليه،،
مسك"بحزن:- خلاص مش عاوزه اروح في حته
فارس في نفسه:- امممم يمكن لو جت معايا لوحدنا يخلالنا الجو!!
فارس قال بسرعه:- تعالي معايا يا مسك يلا هفرجك علي الحته اللي انتي عاوزاها
مسك فرحت جدا،، وراحت غيرت هدومها ونزلت مسك:- يلا يا فارس
فارس بصوت واطي:- اسمي طالع منك زي العسل
مسك اتكسفت جدا، ضحك فارس علي كسوفها ده وقال:- يلا استنيني في العربيه انتي لحد ماعمل مكالمه مهمه.
مسك:- حاضر
اتصل فارس بأقرب صاحب ليه وهو عمر ابن عمته اجلال، هو اه اكبر منه ب5سنين، بس اقرب صاحب ليه
اتصل فارس بيه واول ما رد قال:- ولا يا عمر انا عندي بت انما اييه صاروخ ارض جو
عمر:- اووبااا دا شكلنا هنلعب لعب
فارس:- لا وخد التقيله بقا
عمر:- قول ياخويا
فارس:- دي تبقا بنت خالك بدر
عمر حرفيا اتصدم! وعشان يتأكد اكتر قال:- مـ... مسك؟؟!
فارس" باستغراب:- ايوه هي!!
التلفون وقع من ايد عمر، معقوله؟؟! مسك؟! عشان نعرف فيه ايه تعالو نروح فلاش باك من 4 سنين لما كانت مسك عندها 15 سنه،، عمر كان بيخلص شويه شغل في كندا،،
عمر في الوقت ده كان مجتهد جدا عشان حبه ليها، ايوه هي (مسك)،، ساعتها قبل ما يرجع مصر راحلها عند مدرستها،، واستني خروجها، ولما خرجت قالها:- استني يا مسك، عاوز اقولك علي حاجه، تعالي معايا
مسك باستغراب:- هنروح فين؟
عمر:- تعالي معايا بس، متخافيش،، وفعلا راحو مع بعض مطعم وقعدو،
عمر:- تطلبي ايه يا مسك؟
مسك:- بقولك ايه اخلص! عاوز ايه؟ عاوزه اروح.
عمر:- مسك انا بحبك، وهاجي اخطبك اول ما تتمي 18 سنه.
مسك بصدمه:- ايه؟؟!، بس انا مش بحبك انا..........
وبكدا يخلص الجزء الثاني من روايه (مراره العشق)
