بس انا مش بحبك، انا قلبي مع واحد تاني
عمر حرفيا اتصدم، ازاي الصغيره دي قلبها مع حد اصلا؟!!
فاق من صدمته علي صوتها وهي بتقول:- فيه ايه؟ انا قولت حاجه غلط؟!
عمر:- يلا عشان اروحك
مسك:- انت زعلت؟
عمر"بوجع:- لا، عادي.. يلا.
روحها وهو قلبه مكسور مليون حته.
ومن اليوم ده حياته اتغيرت 180 درجة
بقا صايع وفاشل في كل حاجه،،
باااااااك
فارس كان بينده علي عمر بصوت عالي لحد مازهق وقفل.
ركب فارس العربيه مع مسك واتحركو
وعند عمر فاق من صدمته واستوعب حجم المصيبه اللي مسك فيها وان فارس ممكن يعمل فيها ايه!، قام لبس بسرعه واتصل بفارس عشان يسأله هو راح بمسك فين، وفعلا، اتصل بفارس وقال:- انت فين دلوقتي يافارس؟
فارس:- فيه ايه يا عم؟! وانا بكلمك مكنتش بترد عليا ليه؟
عمر:- مش وقتو هقولك بعدين، قولي انت فين بسرعه
فارس" وهو مش واخد باله ان مسك قاعده جنبه:- انا رايح على الشقه دلوقتي، ليه؟
مسك"بصدمه:- شقه ايه؟ انت عبيط؟!
فارس"بارتباك:- اااامم و..ولا حاجه، انا كان قصدي شقه و..واحد صاحبي هجيب منه حاجه وانزل
عمر كان سامع كل ده، وراح بسرعه ناحيه الشقه بتاعته هو وفارس،
لقا عربيه فارس قدام البيت، وكان بيحاول يقنع مسك انها تنزل معاه، عمر راح ناحيتهم بسرعه وقال:- ازيك يا مسك
مسك:- ايه ده عمر؟، ازيك؟
عمر"بارتباك وهو بيحاول يداري اشتياقه ليها:- الحمد..لله، ك..كويس.
عمر وهو بيحاول يمنع فارس عن اللي ناوي يعمله"عمر:- متيجو نروح مزار كليوباترا؟، وبالمره مسك تشوفه عشان مشافتهوش قبل كده
مسك"بحماس:- ماشي ماشي، يلاا انا متحمسه اووويي.
فارس اتعصب منه جدا، عشان هو خلاص، كان هيعمل اللي في دماغه، وييجي عمر بنفسه يبوظله كل ده؟!!
فاق على صوت مسك وهي بتقول:- يلا بقا، هنفضل قاعدين في العربيه كده؟؟
فارس"بعصبيه:- حاضر، يلا
عمر اتنهد تنهيده طوييله كلها وجع، وبعدين قال:- يلا بينا، هاجي معاكم
فعلا راحو مزار كليوباترا، وبعد مارجعو وهم في الطريق، عمر قال:- ممكن يافارس تسيبنا انا ومسك في اي مطعم؟
فارس همسله وقال:- مش هسمحلك ابدا تاخد القشطه دي قبلي ياعمر،
عمر"بنفاذ صبر وهمس:- والله ماهعمل فيها حاجه يافارس، انا عاوز اتكلم معاها في موضوع يخص الماضي، واه يافارس انا مش هسمحلك ابدا تأذيها او تقرب منها.
فارس"بذهول:- ده اللي هو ازاي يعني؟؟!!
عمر:- هحكيلك على كل حاجه، بس في الوقت المناسب
مسك"بغضب:- انتو عمالين تتهامسو في ايه كل ده؟؟! انا زهقت!!
عمر:- معلش يا مسك، ويلا يافارس، ودينا اي مطعم،
وبالفعل وداهم مطعم، وقعدو، وفارس اخيرا مشي،
عمر:- تطلبي ايه؟
مسك:- انا مش جايه هنا عشان اطلب، انا جايه هنا عشان انت عاوزني في موضوع ومعرفش ايه هو.
عمر ببرود:- اتنين مانجا لو سمحت
مسك"بنفاذ صبر:- ها،عاوزني في ايه بقا؟
عمر بلهفه وشوق، يمكن تجاوب على سؤاله: مسك هو انتي........
وبكده خلص الجزء الثالث من روايه (مراره العشق)
