- مسك، هو انتي بتحبيني؟؟
مسك"بعدم اهتمام:- ماقولتلك لا ياعمر، قلبي مع غيرك، وياريت متفتحش الموضوع ده تاني.
عمر"بكسره:- بتحبي مين يامسك؟؟
مسك"بضيق:- ملكش دعوه
عمر"بغضب يخوف:- قولي يا مسك بتحبي مين احسنلك!
مسك اتنهدت تنهيده خرجت كل وجعها،، هي مش بتحب فارس بس، لا دي بتعشقه، للاسف بتثق فيه ثقه عمياء،،
هي عمرها ما وثقت في حد كده، بس ادتله هو الثقه دي،، عمرها ما عشقت حد كده، بس ادتله هو العشق ده،
مسك"بوجع:- عمر انا بعتبرك اخويا الكبير مش اكتر، وبالنسبه للي انا بحبه فَ هو ابن خالك اللي مبيحسش على دمه ده
عمر اتصدم صدمه عمره، معقوله؟؟! معقوله تكون بتحب فارس؟؟؟!! لالا، مش معقوله ابدا،،
وعشان يتأكد اكتر سأل مسك:-فارس؟؟!
مسك:- هو في غيره؟!
الكلمه دي وقعت على عمر زي الصاعقه،، دي طلعت فوق كل ده بتحب صاحبه المقرب(فارس)
عمر"بخيبه امل وكسره:- بتحبي فارس؟!
مسك:- ايوه!!
عمر:- وهو كمان بيحبك؟
مسك:- لا طبعا، بس نفسي يحس بيا بس
عمر اتنهد بكسره ووجع وقال:- ماشي يامسك
مسك حست ان هو ممكن يأذي فارس فقالت:- بس ابوس ايدك متأذيهوش، (لو بتحبني بجد) الكلمه دي اثرت فيه جدا جدا كلمه (لو بتحبني بجد) هو فكر ان هي بتستغل حبه ليها وبسرعة نفض الفكره دي من دماغه، مسك مش كده، مسك طيبه،
عمر:- طبعا عمري ما هأذيه
مسك اتنهدت بارتياح قالت:- ممكن نروح عشان انا تعبت؟
عمر:- يلا بينا
ودفع الحساب ومشيو وروحها القصر، ورجع هو بيته، واول ما دخل قابلته امه اجلال ولما شافته متضايق قالت ببرود
اجلال:- مالك يابني؟؟ مبوز ليه؟!
عمر بصوت مخنوق:- سيبيني في حالي يا أمي
اجلال:- طيب، روح غير هدومك و تعالى عشان تاكل
عمر:- مليش نفس
اجلال:- ليه ياخويا
عمر:- كده، سيبيني في حالي بقا
ودخل على اوضته يفكر هيعمل ايه
اجلال بعد ما دخل اوضته قالت:- ماله ده؟!
وعمر اخيرا قرر انه هيقول لاجلال على حكايه مسك، وفعلا، قعد مع امه في البلكونة وحكالها على كلل حاجه.
اجلال بعد ما سمعت من ابنها كل حاجه قالت بشر
اجلال:- انت لازم تخلي مسك تحبك انت، مش هو
طبعا مكانش في نيتها انها تخلي مسك تحب ابنها هي عايزة تخرب حياه اخواتها بدر ورأفت عشان هم اغني منها، وهي ماصدقت لقت الفرصه،،
عمر:- يعني ناويه تعملي ايه يا امي؟؟
اجلال:- هقولك دلوقتي انا هعمل ايه.
وعند سيلين اخت عمر في القاهره، هي بتدرس في كليه طب الاسنان في القاهرة
سيلين كانت رايحه للمكان اللي هتقابل فيه صحبتها (ملك) عشان يروحو مع بعض بيتهم،،،
Stop ملك:-
دي تبقا صاحبه سيلين من ابتدائي متربيه معاها من 3 ابتدائي متربيه علي ايد اجلال، متربيه علي الغل والحقد من وهي طفله........... فلاش باك من 12 سنه ملك راحت مع مامتها وباباها مشوار وفجاءه لقو
♡♡♡♡♡♡♡♡♡♡♡♡♡♡♡♡♡♡♡
وبكده خلص الجزء الرابع من روايه(مراره العشق)
