وفي صباح يوم جديد في مرسي مطروح و تحديدا في قصر رأفت السيوفي، كان قاعد رأفت هو و بناته علي السفره، رأفت"بضيق:- يوووو بقا هو الزفت اللي اسمه فارس لسه مصحيش؟؟
دنيا:- هو رجع امبارح الفجر مستني منه ايه يعني يا بابا، واتنهدت:- ربنا يهديه
ليلي بمرح:- انا هروح اصحيه ومتقلقش انت يا بوبتي
الاب:- ماشي ربنا يستر، بس لو عملك حاجه قوليلو ان انا اللي باعتك
ليلى:- عيووني
وفي اوضه فارس كان نايم نوم عمييق، و فجأه ليلى قالت بصوت عالي:- ولااا افااااارس قووووم
قام بفزع وقال:- فيه ايه؟ البيت بيولع؟!
ليلي قعدت تضخك بصوت عالي وقالت:- يلا عشان نفطر، كلنا مستنيينك
قال بغضب:- امشي يا ليلى من وشي احسنلك
ليلى:- طب يلا قوم عشان بابا عاوزك
قام خد شاور وغير هدومو، و بص لنفسو في المرايا و قال في ثقه و غرور:- طول عمرك مز وشيك و البنات كلها بتجري عليك ياواد يافارس
نزل لقا ابوه و اخواته قاعدين مستنيينه، رأفت"بحزن:- مش هتبطل السكه اللي انت ماشي فيها دي يا ابني؟
فارس"بغضب:- يووو بقا يا بابا انا زهقت من ام الاسطوانه بتاعت كل يوم دي.... ربنا يسهل
ونزل فارس راح يقعد مع صحابه، ومدحت راح المستشفى بتاعته، دنيا راحت الكليه، ليلى راحت المدرسه،
وعند بطلتنا في كندا كانت نايمه نوم عمييق في اوضتها اللي كلها بالون البينك والابيض.
الام بحنان:- اصحي يا بنتي النهارده اول يوم ليكي في الجامعه، اصحي بقا هتتأخري
مسك بكسل:- يووو بقا يا ماما سيبيني انام
سلوى:- تنامي ايه؟ مش وقتو، قومي يلاا
مسك:- افففف بقاا حاضر
قامت خدت شاور و لبست وسرحت شعرها، نزلت، وكانت لسه هتخرج من البيت سلوى قالت:- مش هتفطري يا مسك؟
مسك:- لا ياماما هجيب اي حاجه و انا ماشيه عشان متأخره
سلوى:- ماشي يا حببتي ربنا معاكي
راحت مسك الجامعه، و بعد ما جت باباها قالها:- اعملي حسابك يا مسك هنسافر مصر بكره لعمك رأفت
مسك"بدهشه:- نعم؟؟!
بدر"ببرود:- اللي سمعتيه
راحت مسك لمامتها و قالت:- ايه يا ماما ده هو احنا هنسافر مصر بكره؟!
سلوى:- ايوه يا حببتي روحي جهزي نفسك
مسك دخلت اوضتها، وحطت اديها علي قلبها، اخييرا؟ اخيرا هتقابل حبيبها؟! ايوه حبيبها!! مع انها مشافتهوش غير 3 مرات بس في حياتها بس حبتو!! معقوله هتشوف فارس بعد 3 سنين، هي آخر مره شافتو كان عنده 18 سنه، راحت تجهز نفسها،
وتاني يوم وهم في مطار كندا مسك كانت متحمسه اوووي تشوف حبيبها فارس، وبعد 4 ساعات وصلو مطار القاهره الدولي، كان واقف فارس مستني وصولهم وهو متعصب و متدايق، قال بغضب:- يوووو بقاا امتي هيوصلو، انا زهقت، تعالو نروح فلاش باك كان قاعد رأفت مستني فارس و لما جه رأفت قالو:- عمك بدر ومراته و بنته جايين بكره هيقعدو عندنا اسبوع، و خليك عارف ان انت اللي هتجيبهم من المطار،
بااااك
وهو واقف في المطار، فجأه لقااا.....
وبكده خلص الحزء الاول من روايه (مراره العشق)
وكل يوم الساعه 5:00 هينزل بارت
