💘မှတစ်ပါး....အခြားမရှိ💘
အပိုင်း(၃)
ကူရှင်ကို မှီကာ ခြိမ့် တစ်လမ်းလုံးငေးလာခဲ့သည်။ တစ်ရိပ်ရိပ်ပြေးလွှားနေသည့် ကားပေါ်မှာ တိတ်ဆိတ်ခြင်းသာ ကြီးစိုးလျက်။
ခြိမ့်ဘက်က စကားပြောဖို့ ဝန်လေးနေသလို ကောင်ချောလေးကလည်း စကားမစ။
ခြိမ့်လို ယောကျ်ားတကာ လည်ပြန်ငေးမောကြသည့်အထိ အလှဂုဏ်မှာ သရဖူဆောင်းခဲ့တဲ့ မိန်းမတစ်ယောက်ကို အနားမှာ ထားပြီး အရေးမစိုက်သလို လုပ်နေသည့် တေမိမင်းသားကြောင့် စိတ်ထဲ မရိုးမရွဖြစ်မိသည်။
ခြိမ့်အလှအပတွေကို သိမ်းပိုက်ကမ္ဘာဆိုသည့် ပုဂ္ဂိုလ်လေးက မျက်တောင်တစ်ဖျတ်စာ အသိအမှတ်ပြုရုံထက် မပိုခဲ့။
ကြာလာတော့ ခြိမ့် မနေနိုင်တော့ပါ..၊"ကိုတည်က ဘာလို့ ကိုယ်တိုင်လာမခေါ်တာလဲ"
"အိမ်မှာ ပြဿနာတက်တယ်"
လှည့်မကြည့်ပဲ ပြောလိုက်သည့်စကားကြောင့် ခြိမ့် မျက်လုံးလေးတွေ ကျဥ်းမြောင်းသွားကာ..၊
"ဘာပြဿနာလဲ"
"ခင်ဗျားကြောင့်"
ဖြေပုံက တိုစပ်စပ်နှင့်၊
ခြိမ့်ကပဲ အပြစ်ကျူးလွန်ထားသလိုလို..၊"ခြိမ့်ကြောင့် ဟုတ်လား"
"ဟုတ်တယ်၊ ကိုကိုနဲ့ခင်ဗျား ကိစ္စကို အိမ်ကလူကြီးတွေသိသွားလို့ ကိုကိုပြဿနာတက်နေတယ်၊ကိုကို့ကို စည်းကမ်းတွေတင်းကျပ်ပြီး သူတို့သဘောကျနေတဲ့မိန်းကလေးနဲ့ပေးစားဖို့ အားချင်းစီစဥ်နေကြတယ်"
"ဟင်!.."
ခြိမ့် ရင်ထဲ ဖျင်းခနဲ ဖြစ်သွားသည်။
သူတို့ဘက်က သဘောမတူဘူးတဲ့လား။ ခြိမ့်က ဘာဖြစ်နေလို့လဲ။
မိန်းကလေးမာနဖြင့် ချက်ချင်းဖြစ်ပေါ်လာသည့် မခံချင်စိတ်များက ခြိမ့် တစ်ကိုယ်လုံး တဖျင်းဖျင်းပျံ့နေ၏။
"ခု ကိုတည်က ဘယ်မှာလဲ"
"တွေ့ရမှာပေါ့၊ ခင်ဗျားကို ကျွန်တော်လာခေါ်တယ်ဆိုတာ ကိုကို့အစီအမံပါ၊ အိမ်ကသဘောတူတဲ့မိန်းကလေးကိုမယူနိုင်ဘူးလို့ ပြတ်ပြတ်သားသားငြင်းနေတာ၊ လူကြီးတွေကလည်း ခင်ဗျားနဲ့အဆက်အသွယ်မရအောင် လုပ်ထားတယ်၊ ကိုကို့ကိုဆေးရုံဆေးခန်းတောင် မသွားခိုင်းတော့ဘူးလေ၊ အဲဒါကြောင့် ခင်ဗျားကို ကျွန်တော်လာခေါ်ရတာ"
![](https://img.wattpad.com/cover/371436952-288-k921118.jpg)
YOU ARE READING
💘မှတစ်ပါး...အခြားမရှိ💘
Romanceအစ်ကိုရဲ့ချစ်သူကိုအစ်ကိုနဲ့ရသွားမှာစိုးလို့ကြားထဲကဗီလိန်ဝင်လုပ်ရင်းချစ်မိသွားတဲ့သိမ်းပိုက်....