قَهّار"عقد الياقوت"

part 1

ذا عيون حمراء مضيئة، بجسد اسود، عقدا من الياقوت

.............____.............

كالعادة گاعدة بالسنتر مال الكُلية مالي نفس بأي شي بالحياة گاعدة وحدي عبالك متوحده باوعت گدامي اهووو هذا اللزگة هم يباوعلي شگد اقرف منه يا أخي ضليت صافنة عليه اريده يستحي و يكسر عينه مني ماكو ابدد هنا طفح الكيل وياه گمت على حيلي هو گاعد وحده
:- مو كافي استاذ امير رگعتني سونار لو اني حامل چان هسه انت عرفت نوع الجنين و بيا شهر
مو فتح عينه ممستوعب انو ممكن اوگفه عد حده
أمير: و اني وين مباوع بعد روحي؟

: طلعت روحك انشاء الله و شالك العباس و ربدك بالگاع كون شوف و حگ هو ابن البدوية اذا شفتك تباوعلي مرة ثانيه شايف هاي اظافري؟ أفگس عيونك بيهن

عفته بصدمته و رحت راح تبدي المحاضرة
و كلش مركزة لان تخصصي معقد شوية و الي هو طب اسنان و ما ادراك ما طب الاسنان مركزة كلش وي الدكتور الي ماعرف شلون صار دكتور رغم عمره الصغير يعني مو كلش صغير بس اصغر من باقي الدكاترة و كل بنات القسم مكرشات عليه و ما الومهن صراحة طول بعرض بهيبة

قاطع تفكيري الدكتور و هو يحاچيني و دائما يضيف لاسمائنا دكتور/دكتورة كنوع من التحفيز
:-اي دكتورة بَحر

بحر:-نعم دكتور

:-ممكن تعيدين الي شرحته

:-اي طبعا تدلل

شرحت و كملت هو ابتسم بفخر لان يعرفني منتبهة عليه بس يريد يسكت كم تس تس
كملت المحاضرة ردت اطلع و استوقفني صوت الدكتور يحاجيني

:-دكتورة بحر ممكن من وقتج؟

:-اكيد دكتور تفضل.

:-اكو مطعم قريب هنا شرايج هناك نحجي؟

ردت ارفض بس كالي مراح نتأخر

بالطريق مديت ايدي لشعري بدون ما ينتبه و سحبت السچينه شعري طويلل لدرجه خياليه بحيث من اسوي ع شكل كعكه تصير جبيرة ف اضم بيها سچينه صغيرة كلشش يعني من اكول صغيرة يعني صغيرة من تشوفوها تحسوها اصلا متگص طماطاية مو احمي بيها نفسي
بس تفيد حطيتها بيدي رحنه مشي لان المطعم صاير بصف الكلية بالضبط
طبينة و كعدنه ماحسيت اله كال

:-هاي انضف بيها اذاني مو ادچيني بيها

فزيت منه شلونن شافها مغطيتها كلشش
ضحكت
:-مينضم عليك شي دكتور قَهّار؟
قَهّار:-ابد لا تحاولين، اي بنتي خل ندخل بالموضوع

بحر:- اي موضوع دكتور؟
قَهّار:-بحر بابا اكتفي ب قهار من نكون بغير الكلية

:-تمام
هو كلت تمام بس هل راح فعلا اسويها؟ لا

قَهّار:-بابا هذا الموضوع انت جاي تواجهين بيه صعوبة ليش ما تتنازلين و تكليلي اشرحه الج؟