على لسان بحر بفقد والدها
فراگـك يبويـةَ،
ما يملي لا عم و لا خال
المات ابوها تضل غريبـة،
شما ڪُبࢪ
صـيت العمام
..
..
شبسرعه وصرت مرحوم؟
وامس انت شحلاتك تضحك ويايه
روح ولاكي ربك رافع الراس
ترا الزينات عندك كلش هوايه
_____________________
مرن ايام رسول و ياسه راحو لتركيا شهر و يرجعون
اتمشى بالكلية مالي خلگ احد للحضه تمنيت تجي ابتهال اطلع حرگه الامة بيها چانت طموحي اتخرج و تصير عندي فلوس و اسافر لاسبانيا و اتزوج اسباني هسه حتى بـ امير خيخه قابلة العبب بيها يابو سميرة دكتور قَهّار لابس اسود هسه البنات حيصيرن دود عليه دكتور قَهّار مو حلو بس عنده جاذبيه و كاريزما عالية شفت كومة
احلى من دكتور قَهّار بس هو افضله عليهم لان جمال اسلوبه و حواره يحسسك هو شگد مثقف و فاهم ابد ماشفته عصبي دائماً يحلها بتفاهم من غير حنيته على طلابة اتذكر مرة طالب ويانه تخربط لان عنده فقر دم و چان الطالب حييبل فطير دكتور قَهّار عاف المحاضرة عنص و طفر للسيارة اخذ الطالب و راح للمستشفى و روحه طويله اذا مفهمنا فد شغله يعيدها مرة و ثنين و عشرة بدون كلل او ملل من غير لما يتشاقة ويانه علمود لا نمل من المحاضرة بين كل نص ساعه و نص ساعه ناخذ ريست خمس دقايق حتى مانتعب و غير هذا هو عمره نكدر نكول قريب علينه و يتأقلم بسرعه و مرات يطبگ عنده فيوز مثل من حاچه رسول و گاموا يغنون بس لان سمعوا ها و ها
حسيت بتوعك صار ببطني و صارت توجعني ف حرفيا ضربت كل المحاظرات عرض الحايط و رجعت هو اني اريد حجة حتى ما اداوم
«قَهّار»
ادورها بعيوني هنا و هنا ماكو دخلت انطب محاضرة للطلاب مكانها فارغ باوعت لسجل الحظور كلهم مداومين بس هي والله ريتهم كلهم غايبين الا هي كملت المحاضرة و اجت صديقتها مياسين
مياسين:-دكتور بس هاي النقطة اني اعرفها مهمه بس اكو وحده معندة تكول ما اقراها
:-بحر..؟
:-هههههه اي، شلون عرفت
:-عنادها ينضرب بيه المثل، بوية هاي مهمه كلش خلي تقراها و هي ليش ما اجت اليوم؟
:-دكتور اجت بس قبل لا تدخل للمحاضرة تخربطت و رجعت للبيت
:-ليييش شبيههاا؟؟!
:-ماعرف
«قَهّار»
دخيلك يا علي البت قبل چم يوم تخبل كلشي مابيها چنها شطب ريحان شبيها هسه؟
«بحر»
رجعت و كبل نمت لان كلش مالي خلگ
و نورني بالحلم
:-يا مرحبا و يا كل الهلا بيك يلحبيب
:-شلونها بنيتي؟
:-مشتاقتلك يابة حيل احتاجك يابعد كل حيلي
:-شلونها امج اخواتج و اخوانج
:-بوية تزووج رسول و حيلل احتاجك انت و حيدرة و علي الكرار بوية شلونكم؟
:-بخير، يله بنتي كعدي كافي لاتعبين امج.
أنت تقرأ
قَهّار"عقد الياقوت"
General Fiction:-اشش :-جاي اگلك لا تصلي :-اعوذ برب الفلق .. :-والله ماردت احبها مچانت هيچ نيتي :-ضحكتج ححلوة يم خدود :-انا لله و انا اليه راجعون ركضت اركض و اركض و لسه وراية يلحگني لابس عقد من ياقوت نفس العقد مال كل مرة من اشوفه نفس الياقوت
