قَهّار"عقد الياقوت"

Part9

ياهو انتَ اجيب الروح يَمك و اذلها؟

عيوني من اطيح ما ادنگلها

القصة:- قَهّار"عقد الياقوت"
الڪاتبة:- نيران

________________________

افتر بالبيت ادور شغلة التهي بيها، اليوم جمعه ماكو دوام
بحر طاگ گلبي عليها گد ما مشتاقلها

:-هسه هلبنت شجاها ماتطلع ماتفتر مو هاي البنات تفتر بالسوگ بالمولات بالصخامات هي شجاها،

غيث:-تريدها دايحة؟؟

:-انه اريد تطلع بلكي نلتقي بشارع نلتقي بمول بمطعم بصخامم بلطام صدگ چذب شنهايي، حمزة انت شلون تلتقي بنسوانك

:-تجيب بحر لذني الـ******

:-لا يا مطي بس انت تفتهم بهاي السوالف

:-طالع وي نسوان هواي، بس ما عندي علاقة باخوانهن مثلك

:-تعير حضرتك؟

حمزة:-خوية صراحة احسلك عوفها

:-لك هَي گواد اني حطيت عيني عليها قبل مدري چم سنة تريد هسه اعوفها

حمزة:-يعني شگد؟

:-هي چانت بالثاني متوسط و هسه هي مرحلة خامسة يعني تسع سنين

:-عليييييييييييي دخيلك يابو الحسننن

:-ترى مو هواي

حمزة:-انت والله فايخ تنتضر بنيه ٩ سنين و بالاخير اعترفتلها و رفضتك شوفلك غيرها, انوب عدها خمس اخوان خاب دروح روح هو بس عمر چفه ايده يسطر سطره العباس من شفته يسلم عليك

:-مو انه مثلك ابو نسوان

:-خايبين النساوين حلوة، اجمل ما خلق ربي، كل الالوان كل الاوزان كل الطوائف يشُگن شَگ

:-نسونجي درجة اولى

:-باع منو يحجي عليه عاد انه اعترف احب النسوان انت لازگ باخت بحر الي خابزتك بالنعال

قَهّار: شو اسكتوا تلفوني يدگ،

:-اهلا قَهّار

:-هلا رضوان

:-اليوم احتاجك، بس مو بشخصية قَهّار احتاجك بشخصية الصيهود

:-ها لازم تريد تصك واحد براسي

:-عمادالدين، ملازم اول يسكن في بابل

:-عود ابحوش و اردلك خبر، يلة تشاو

«قَهّار»

طول ما اخابر خنجر صافن عليه يجر حسرات وحده اقوى من الثانية، شبيدي عليك اعرف الصار وياك مو قليل و انه وياك ناخذ بثار علاوي،بس لازم ننتضر رضوان مو سهل ابد،وراه ناس حتى بالدولة،راس چبير هذا اباع لخنجر من يسمع بطاري ابنه ينخطف لونه و يزرف گلبي من هيچ يسوي،علاوي مو بس ابنه،كلنه صرنه اله اباء انه و حمزة و غيث،كلنه حبيناه،اعتبرته مثل ابني بس مو هسه منگدر ناخذ اي خطوة هسه