قَهّار"عقد الياقوت"

part7

خنجر يگــول:-

العكد والحل بديه وانه راعي الراي
وما محتاج منكم واحد يحلي

انه ماصرت تابع وقرا التاريخ
انه الكل وكلكم جزء من كلي

اجداد اجدادكم چانو الجدي اتباع
وهسه انتم وهلكم ظله عد ظلي

انه معدل واعدل المايلات وياي
روح اعدل ربعكم لا تعدلي

الصعايب ملعبي وارتاح بالازمات وتشايل بحملي
شما ثكل حملي وابشرك صافيه ماعندي اي اشكال

بس أصلا وجودك صار يشكلي،
يا مصدر الفتنة شجاي شتكلي

هاي من شوكت صار الامر يعنيك
وتهمك أوضاعي تريد لم شملي

دخليها اعله حالك وأنه ما محتاج
انه افتك وخيط روح لتشلي

شل افتوك ربعك من عدن للشام
خربانه العرب ياعرب متكلي
،،،
الڪاتبة "نَيࢪان"

القصة:  قَهّار"عقد الياقوت"

لا احلل ابداً اتهامي بسرقة اعمال الآخرين..
البارت السابع ✨،
فوت⭐و كومنت لطيف مثلـڪم✨

                 ✨بَســم ࢪب العَزاءِ نبـدء🏴✨

«بحر»
صافنه بالحايط اريد ارتب الاحداث الي جاي تصير كلها بحياتي ابتداءاً من استشهاد اخواني و ابوي، سبايكر، داعش، بعض من صديقاتي بالموصل راحن سبايا، موت ابوي، علي الكرار، حيدرة، اخ ، السنوات العشتها بغيبه ابوي و اخواني، الخطف، محاولات التحرش الي اخذت الحزء الاكبر بذاكرتي، الطفلة زَينـب
شنو من گلب شايلة بحر؟
شنو الدافع الي هسه انت عايشه علموده..؟
شنو السبب الي خلاج لسه تشمين الهوى؟  ، ما كافي؟ بعد ششوف و شصبر؟ اخاف اعيش بعد و انفجع بعزيز ثاني، صارت فكرة الخياة مخيفه بالنسبة الي، جداً مخيفة
نقص بحياتي صار، فجوة عظيمة جبيرة بحياتي، دموعي نشفت، يگولون رجال الدين
"الصابرون نالوا
و الذهن حاملٌ ما لا تحمله الجبالُ"
ماذا نالوا الصابرين؟ صبرت هوااااييي هووواي...؟

الى متى الصبر؟

چنت اريد بابا و الولد  يرجعون، بس هسه لا، المن يجون؟  خلهم هناك احسن المن رادين، وردتهم و وصيتهم ماتت من اندفنوا بالتربان..

لا تـرد ما ضل اثر كلشي انتهى بسفرڪم
لا تـرد مـات الورد من إنگطع خبركم
كـتـبـت إعله دارك...دمعة إنتظارك
كـتـبـت إعله دارك...دمعة إنتظارك

بـويـه  تـدري من غيابك موتي راحه
و  الـيـسـافر يبقى عايش وي جراحه
ردت  أشـوفـك حتى أگلك بالصراحه
تـرجـع  إلـمن دنيه ما كو بس نياحه
لا تـظـن نفس الوضع لازم يجي بديله
لا تـظـن لـمـن ترد تستقبلك عليله
مـاتـت إبـمـسارك...دمعة إنتظارك
مـاتـت إبـمـسارك...دمعة إنتظارك