منصور مد لها جواله وقال : خذيه اجلسي عليه فيه سماعات بالشنطه لا تزعجين اللي حولتس
سديم : الاكل جاهز
خذاه منصور وقال : تصبحون على خير
سديم ومزون بصوت واحد : وانت من اهله
ابتسم واتجهه عند العيال
حميد : اقول انت وياه انثبروا
منصور : اللي جيعان يجي تراه واجد
رماح جلس جنب منصور وبدا ياكل معاه وفلاح كذلك
عقاب : بطونكم فيها دود انت وياه تو سافين العشاء
منصور : اذا بخاطرك تعال
عقاب ضحك وقال : مابي بس فضحونا
حمدان : كم باقي سندويش ؟
منصور : باقي ثلاث
قام حمدان ياكل معهم
حميد : وين اللي بيجلس بالعزيه
ضحكوا حمدان وفلاح ورماح
رمى عليهم المخده عقاب
ضحك حميد وقال : وشفيه؟
حسين : كرشه جدي وفوقه زهير
ضحكوا العيال كلهم
عقاب : ووجع ان شاء الله تضحكون بلا سنون
غص رماح باللقمه وركضوا له الكل
ضربه عقاب على ظهره الين رجع النفس
عقاب : وجعع خوفتني يكلب
رماح كح وقال : ابي ماي
فتح له العلبه منصور ، بدا يشرب رماح
حسين : فيك شي ؟؟
رماح : لا خلاص
حمدان : يمه لعب بنا عز الله تو كل واحد مننا بزاويه
رماح ضحك وقال : انقعلوا يلا للزوايا
سحبه عقاب من ورا
رماح : قاعد اكل يحيوان
منصور: خله عشاني
عقاب ناظر لرماح وقال : ترا عشان منصور مو عشانك
ضحك رماح وقال : اهم شي الاكل
عقاب : بالعافيه
رماح : الله يعافيك
صقر : امجد مختفي ماشفته
رماح : رايح للجنوب عشان عمهم تعبان
صقر : الله يقومه بالسلامه
فلاح : له فقده والله الدكه ماقعدنا فيها من راح
حمدان : يبيله جلسه وعود
رماح : محمد يعرف يدق عود وربي نبي اجواء
عقاب : تخيل انت وياه من يجي امجد ونجتمع جدي يقفل الباب الساعه 8 حتى لو مو متعشين
فلاح : ونبلش برا
منصور : مراقبة مافيه
ضحك صقر وقال : رحمتهم
رمى عليه حسين الفاين وقال : انا وحمدان بنروح مابنجلس
عقاب : واضل انا ورماح وفلاح كدينا خير والله
صقر : بنمشي اليوم انا وسيف عاد الباقي مادري
عقاب : منصور بتمشي ؟
منصور: قاعد على قلوبكم
فلاح : احلى قعده بس تكفى امسك المحل
منصور: لا يحبيبي مالي خلق انا اجي للديره عشان ارتاح من الشغل وانت تشغلني
فلاح : ادري مامنك فايده
ضحك منصور وقال : اقول شيلوا الصينيه خل ننام
انسدح وشال رماح الصينيه ووداها المطبخ ورجع لفراشه وناموا
-
اذن الفجر
قام الجد سهيل وبدا يقعد بعياله
الجد سهيل طق باب ساير وقال : قم اذن الفجر
ابو سيف: قايم
ام سيف : بقوم اصلي واجهز الفطور
اتجهه الجد سهيل للمقلط اللي كانوا نايمين فيه العيال
ضرب الباب بقوهه برجله
فز صقر اللي كان حول الباب
شغل الانوار وقال : قمم انت وياه
صقر : طيب يجد شوي شوي
حذف عليه الجد العصى ، ضرب ذراعه
الجد سهيل : قم جيبه !
قام صقر وشال العصى وعطاه جده
قاموا الكل الا عقاب اللي كان داخل بالنومه
رماح : عقاب قم
تغطى عقاب زياده حذف عليه الجد العصى
عقاب فز
الجد سهيل : قم يالله صلاه
شال رماح العصى واعطاه لجده ورجع لعقاب بعد ماجده طلع
رماح : تعورت؟؟ وبعدين شفيه نومك ثقيل
عقاب : دخل بام الحلم
رماح : قم يالله
شد على يده وقام
واتجهوا كلهم للمسجد
الجد سهيل : من نرجع تفطرون وعلى المحل والعزبه
عقاب وفلاح : سم
ابو فهد : صبحت بالخير ي سهيل
الجد سهيل : صباح النور
ابو فهد : ما شاء الله الله يخليهم لك
الجد سهيل : امين وين بتروح بعد الصلاه ؟
رماح : بيستلمه الحين
ضربه عقاب بهدوء وقال : اسكت
ابو فهد : للبيت والله
الجد سهيل : اقلط افطر عندنا
ابو فهد : ماتقصر اجل نسري سوا
الجد سهيل : يالله
دخلوا المسجد وبدوا يصلون وبعد مدهه طلعوا
ابو بندر : ارحب يابو ساير
عقاب بصوت واطي : لو يجيب ولده بفلم فيه
مسكه منصور من ذراعه وقاله : هد خلاص انت وياه مشينا
الجد سهيل : هلا بك
ابو بندر : تعال افطر عندي
الجد سهيل: لا عندي ضيف انت اللي اقلط
ابو بندر : دامه كذا خلاص الله يكثر خيركم ويغنيكم
الجد سهيل : امين
ابو فهد : الا ابو امجد متى يجي من الجنوب
الجد سهيل : خبري بوه قال السبت يمكن بكره يجي
ابو بندر : اجل اشيل اليوم الغداء عنك "من عادات الجد سهيل كل جمعه غداء بالعزبه لجيرانه واقاربه "
الجد سهيل: لا الله يكثر خيرك علي الغداء
وصلوا لبيت الجد سهيل ودخلوا للمشب حقه وبدوا يفطرون
رماح قرب لهم وقال بصوت واطي: انا المحل ترا
فلاح: انطم الحين يقولون يتهاوشون على الشغل
عقاب : خلاص خله على المحل ي فليح وحنا العزبه
فلاح : تم
بندر : بجي معكم
فلاح : جب حذيانك وتعال
ضحكوا العيال وخزهم جدهم
منصور: جتكم النظره انطموا
خزهه بندر وقال : لو من احد غيرك كان علمته ان الله حق بس انها منك
عقاب ضحك باستهزاء وهو يدري انه المقصود وقال : لو بك خير سوها
رماح : للاسف مايقدر
حمدان : قدامه تسع وهو عاشرهم
منصور ابتسم وقال : خلاص كولوا
بندر : والله لو مية واحد قدامي
عقاب : الوعد بالعزبه
خزهه بندر
-
سديم : يبنات ابوي يقول اثنين ولا ثلاثه يروحن للعزبه مع العيال عشان نجهز اغراض العشاء
نجد : خلاص انا بروح
جود : وانا
سديم : خلاص انا معكم الباقي قسموا شغل البيت
حنان : ماعليتس
قامت سديم ومعاها نجد وجود
وبدوا يجهزون الاغراض ويحطونها بالونيت
منصور: سديم
سديم : هلا
منصور : منو يروح ابوي يقول فيه بنات بيروحون خذهم معاك
سديم: انا وجود ونجد
منصور : يالله انا بالسياره
جته مزون
منصور : هلا والله بمزنه صباح الخير
مزون : صباح النور ، مدت له جواله وقالت : هذا هو شحنته فل من شاحن جود
منصور : عشتي يحبيبتي
مزون: تعيش
جت ام سيف : هاه يامي مارحتوا؟
منصور باس راسها وقال : بنروح الحين
ام سيف : موفقين يعيوني
منصور : امين وياتس يالغاليه
سديم : جاهزين
منصور : يالله مشينا
جاء ابو سيف وقال : خل يشيلون الفطور وينظفون المشب
ام سيف : ان شاء الله
رماح : انا رايح للمحل فيه اغراض تبونه ؟
مزون مدت له ورقه وقالت : هذي الاغراض
رماح : نصه اغراض بقاله اعرف سوالفتس
مزون : اقول جيبهم لا اعلم منصور وسيف تراهم موجودين
رماح وهو يمثل انه خايف : خوفتيني فيهم بيمشي سيف اليوم ومنصور مايقدر علي
مزون : وابوي ؟؟
رماح : بجيبهم خلاص
مزون : شاطر خلك مؤدب
رماح قلدها ومشى
حنان : مزون روحي للمشب الحين تجيتس هيفاء
مزون : باخذ المعاميل عشان تغسلونهم
حنين : الغسيل علي جيبيهم
مزون : سمي
ام سيف : غزلان ووعد ليه ماتقومون تعاونون خواتكم
قامت وعد وقالت : سمي يعمه قايمه
غزلان ناظرت لوعد وبصوت واطي قالت : انتي تبين امي تفشلنا قدامهم!!
وعد : ماتقدر على نجد وهي اصغرنا قومي ماسوينا شي غلط
قامت غزلان وبدوا ينظفون البيت
-
بالعزبه
وصلوا العيال والبنات
عقاب : الاغراض يعيال
فلاح بدا ينزل فيهم والبنات معهم
منصور : اذا احتجتوا شي قولوا
سديم : الحطب مخلص اللي عندنا
حميد : انا بحطب واجيب لكم بس هاتي الخيشه
سديم : سم
صقر : يعيال رايح للحلال انا وين زهير
فلاح : زهير تلقاه نايم
زهير : على كيف انت نايم
ضحك فلاح وقال : بسم الله من وين طلع
عقاب : عطاك تستاهل
حمدان : يعيال برقد انا ماشبعت نوم
حميد : انثبر
جت سديم ومدتها لمنصور
منصور : خذها ي حميد عجل
اخذها حميد وراح معه حمدان يحطبون
حسين طلع من بيت الشعر وقال : يعيال القهوه والشاي مخلصه
منصور : اقوم اجيب ؟
حسين : لا استرح انا اجيب بس هات المفتاح
رمى عليه المفتاح ومسكه حسين
منصور : يمكن فيه نواقص بعد شوف سديم
حسين اتجهه عند البنات وقال : يولدد
تغطوا البنات وقالت سديم : ادخل
حسين : ناقصكم شي ؟
سديم : الشاي والقهوه وهيل وحليب بعد
حسين : سمي تأكدي فيه شي بعد؟
سديم : يبنات فيه شي بعد؟
نجد : زيت والغاز يبيله تعبيه
حسين دخل وشال الغاز واتجهه للسياره
جود : بيت الشعر فاضي من الفرش خل نفرش يبنات
نجد : سديم كملي بالعزبه وحنا نروح
-
بالديره تحديدا بيت ابو بندر
بندر : بروح له انا ماني بزر اخاف منه
ام بندر : يامي منت بزر بس هذا عقاب اسمه بس تفز منه يمه لا تسوي مشاكل
بندر : عقاب ولا غيره جالده جالده
سلمى : معليش وانا اختك بس انت وينك ووينه
بندر : نعم نعم!! انا نفسه واحسن منه بعد لا تجننوني
ام بندر : وابو ان درى بيقلب الدنيا عليك يايمه مانبي مشاكل يكفي الي احنا فيه !
بندر قام وقال : بروح له
سلمى قامت ومسكت ذراعه وقالت: يبندر تكفى لا تواجهه وابوي بيعصب فكر فينا احنا
بندر وخرها واتجهه للعزبه مع فهد
وبعد وصوله كان كل من العيال جالسين ومخلصين شغلهم
بندر : السلام عليكم
الكل بصوت واحد : وعليكم السلام
عقاب : اشوفك جيت؟
بندر : بقعد بالبيت عشان ماواجهك يعني
قام عقاب ووقف قدام بندر
بندر : هاه عقاب ؟
عقاب مد يده وقال : دامك جيت لعزبة جدي وانت ضيف مابمد يدي خشيمه لمشب جدي ولابوك ولخواني وعيال عمي
مد بندر يده وصافحه وقال : جاي يومك يعقاب
شد عقاب على يده وقال : اقلط
ابتسم بندر ابتسامة جانبيه وجلس وبدا يقهويه فلاح
-
نجد : طاقتي اليوم حلوهه نمت خوش نومه
سديم : اي والله زين اننا ماسهرنا
جود : خلصنا شغل نبي قهوه مضبوطه
نجد : ابدد ابشروا لو تبون تيس الحين كامل اسوي لكم
ضحكوا البنات عليها وعلى نشاطها
قامت نجد وبدت تطلع الاغراض اللي جابهم حسين وشغلت الغاز وحطت القمقم
نجد كانت مروقه جدا وبدت تغني وهي تسوي قهوه :
أنت تقرأ
إذا الليالي الـسُّـود اغـلقـنَ الفّـلـكَ .
Romanceاهلا بكم جميعاً بروايتي الثانيه🤍🇸🇦.. ( إذا الليالي الـسُّـود اغـلقـنَ الفّـلـكَ ...) (الروايه باللهجه العاميه ) لا ابيح النقل بدون اذن الكاتبه الكاتبه : أشواق آل ريان حساب الانستا 7_izil حساب التيك : 7_izil قراءه ممتعه 💗💗✨
