منصور : ليه ياجد خلهم معنا يستانسون
الجد سهيل : عندهم شغل
منصور عرف ان جده رافض وقال : سم
طلعوا منصور وسيف وحسين وحمدان وحميد وصقر واياس مع امجد
ودخلوا فلاح ورماح وعقاب
"عند امجد "
كان يحط المويه بالسياره وشافهم جايين
امجد : يلا اركبوا بس يبي لنا سياره ثانيه
منصور : بسيارتي مشينا
امجد : وين عقيب وفليح ورماح انتظروهم
سيف : ماتوقع يجون
امجد : ليهه؟؟ ماتحلى الجلسه الا بوجودهم
رفع كتافه حسين بمعنى مدري
امجد فهم وسكت ومشوا للبحر على طول
-
عند عقاب ورماح وفلاح
الجد سهيل : ناموا لا تسهرون
عقاب : سم
طلع الجد سهيل ، فلاح : وش ذا الحظ طيب وش معنى احنا
عقاب : رايح رايح الله لا يعوق بشر
فلاح : تكفى بخاطريي
عقاب : ابشر ماطلبت شي
رماح : المشكله بيكشفنا
عقاب : امشوا معاي بس وماعليكم
رماح : للحين ماناموا
عقاب : طف النور وخل نجلس شوي
قام رماح وطفى النور وجلسوا يسولفون
-
عند البنات
سديم : صادقه انتي ولا تمزحين ؟
ريم : والله يبنات وانا ماودي
نجد : والله كلنا ماودنا بس نعرف عمي سطام
مزون : ان شاء الله مايوافق جدي
سديم : انتي اهم شي لا تعاندينهم والله بيسهلها ويعوضك واصلا حتى لو رحتوا هناك بتجوننا كل جمعة وسبت لا تتضايقين
ريم : مالي الا حمدان
حنين : خلاص يبنت دام عمي صامل ماراح يرده لا حمدان ولا غيره وخلاص يمكن تحبين حياة المدن وتتيسر امورك هناك وتكملين دراسه
ريم : الله يعين بقوم اصلي
سديم : مره بالغتي ترا شفيتس
دخلت وعد مع غزلان وجلسوا
ريم : شصار ؟
وعد : ابوي صامل مافيه فايده
ابتسمت سديم وقالت : خيره لكم شفيكم
جود : شفيكم ترا حياة المدن حلوه نفس حياة الديار
ريم : مافيه فيه فرق ترا
جود : اكيد فيه فرق بس حلوه الحياه هناك بعد
ريم : مابتقبل
سديم : غيروا الموضوع خلاص
-
عند البحر
بندر بعد ماجهز الجلسات وبدا يسوي شاهي
امجد : شوفهم يجون؟
دق سيف على عقاب وقال : هاه عقيب ؟
عقاب : هلا شفيه
سيف : تجون؟
عقاب : ايه جايين
حميد : ادري ماتطوفون شي
ضحكوا العيال وقال رماح : انا قلت الفكره ورفضوا اطلع
ضحكوا الكل وقال سيف : لا تبطون
عقاب : سم
طلع عقاب هو وفلاح ورماح
رماح : ولا صوت
فلاح : الباب عاد صوته فضيحه
عقاب : من الباب الخلفي
طلعوا من الباب الخلفي وركبوا سيارة حميد واتجهوا للبحر
فلاح : شغل شي
عقاب : ورا ماتنثبر نروح وهناك وسو اللي تبيه
رماح : شدعوهه عقيبب شغل له
فلاح : مسوي تفزع انت ؟ انثبر
رماح : عقيب لو شغلت له بذبحك
عقاب : من قال بشغل لهه اصلا
ضحكوا رماح وعقاب ، فلاح : بلا سنون ان شاء الله
رماح : بسم الله علينا ضحك عقاب
وصلوا للبحر ونزلوا
امجد : دارييي مايطوفكم شي
ضحكوا وقالوا بصوت واحد : السلام عليكم
امجد : حياكم الله والله فرحت الجلسه بدونكم ولا شي
سيف : افا
امجد غمز له : خل نعزز لهم شوي
سيف : بمشيها لك هالمره
امجد : تمون يبو سلمان
عقاب جلس وجنبه رماح وفلاح ، عقاب : خيرر انتم وخروا عني ذبحتوني
رماح قام وقعد جنب امجد وقال : من زينكم
فلاح : ماني قايم قم انت
عقاب : ماني مخلي لك المكان
حميد : خلاص انت وياه ،عقاب : سم
نزل بندر العزبه وبدا يضبط الشاي
فلاح : يالله وين العود ، امجد : لا تستعجل على رزقك
فهد : جبت مكسرات مدري وش تاكلون
حميد : زين سويت
صقر : نبي على الموعد
امجد ؛ تمممم
فلاح : من اليوم ابي اذكر اسم الشيله ماقدرت
فهد : لحن يمكن نعرفها
فلاح بدا يلحن
عقاب سد اذنه وقال : يععع اسكت هذا وانت ماتغني كذا
فلاح ناظر لسيف وقال : وتقولون خله
منصور : بوجهي خلاص
فلاح : عشانك بس
مسك العود امجد وبدا مع لحنها وبدوا يغنون بعد ماكتمل وقالوا :
أنت تقرأ
إذا الليالي الـسُّـود اغـلقـنَ الفّـلـكَ .
Romanceاهلا بكم جميعاً بروايتي الثانيه🤍🇸🇦.. ( إذا الليالي الـسُّـود اغـلقـنَ الفّـلـكَ ...) (الروايه باللهجه العاميه ) لا ابيح النقل بدون اذن الكاتبه الكاتبه : أشواق آل ريان حساب الانستا 7_izil حساب التيك : 7_izil قراءه ممتعه 💗💗✨
