Behind The Law

06~

අංක 224/b නිවසින් එලියට ආව ජියෝන් තමන්ගෙ පාද යන පැත්තට යන්න ගත්තා...ඔහු තමන්ට හමුවන සියලුම අතුරුමාවත් වලින් හැරී ගමන් කිරීමට ගත්තා...

ඇයි කිම් තමන්ට එහෙම සැලකුවේ...ඔවුන් හුදෙක් ආගන්තුකයන් ලෙස හැසිරුනේ ඇයි...නැහැ , ආගන්තුකයෙකුට පවා මීට වඩා හොද සැලකිලි ලැබෙනවා...ටේහ්‍යොන්ග් අහපු ඒ ප්‍රශ්නෙ, " ඔයා පව් වලට බය නැද්ද ජියෝන්...දෙවියන්ට පිටුපාන්න බය නැද්ද? "... ඒකද හේතුව ටේහ්‍යොන්ගෙ ඒ හැසිරීමට...කෝපි කෝප්පෙකට අයිස් කැට දාල ඒ අයිස් දිය වෙලා කෝපි එක නිවිලා ගිය තරමට ටේහ්‍යොන්ගෙ හැසිරීම ජියෝන්ට නීරස හැගීමක් ගෙනාවා...

ජියෝන්ට පෙර දින තමන් සමග උණු කොකෝවා පානය කල ටේහයුන්ග්ව ඕන...තමන් හිස තියාගත් ඒ පලල උරහිසේ උණුහුම නැවත ඕන...

ඇස් වලින් පල්ලම් බැසීමට දගලන කදුලු කැට රලුව පිසදමමින් ජියෝන් ඉදිරියට ගමන් කරා...ජියෝන්ට මේ හැගීම් අලුත්...ටේහ්‍යොන්ග් ගැන දැනෙන පපුව උණුසුම් වෙලා යන ඒ හැගීමට ජියෝන් ආස කරා...ආදරය කියන හැගීමට ජියෝන් ආස කරා...ඒත් දැන් දැනෙන වේදනාවට නම් ජියෝන් කොහෙත්ම ආස නෑ...

තමන් ගමන් කරන මාර්ගයේ තියෙන ගල් පතුරු ඇල්ලු තාප්පයට අත මිට මොලවා පහරක් ගැසූ ජියෝන් , තාප්පයට පිට දී බිම වාඩි වුනා...කබා සාක්කුවෙන් පිලිවෙලට හතරට නැවූ ලේන්සුවක් ගත් ජියෝන් එය තම මූනට තද කර ගත්තා...

සෝදා පිරිසිදු කල ලේන්සුවෙන් ටේහ්‍යොන්ගේ කබායෙන් දැනෙන සුවද නොදැනුනාට, ඒ මතක වල සුවද ජන්ග්කුක්ට දැනුනා...කාලයෙන් ආපස්සට යන්න හිතෙන තරමට ටේහ්‍යොන්ග් සමග ගෙවුනු මොහවල් වලට ජන්ග්කුක් ලෝබ කරා...

කදුලු වලින් ලේන්සුව එන්න එන්නම තෙත් වෙද්දී ලග ලගම ඇහෙන ඝණ්ඨාර හඩ එන පැත්ත බලන්න නැගිටල බලපු ජන්ග්කුක් දැක්කෙ පල්ලියක්...ගොතික් ක්‍රමේ උස කුලුණු එක්ක පේන පල්ලිය දිහා බලාගෙන හිටපු ජන්ග්කුක්ගෙ අතට ලේන්සුව මිට මෙලවුනා...

තමන්ට අදාලම නැති තැනකට තමන් ආවෙ ඇයි කියල ජන්ග්කුක්ට අදහසක් නැති වෙද්දී, ජන්ග්කුක් පල්ලියේ දොරකඩ හිටගෙන දිගටම අල්තාරෙ උඩ ඉටිපන්දම් එලියට ආලෝක වෙලා දේවත්වයක් ආරෝපණය වෙලා පේන ජේසු පිලිමෙ දිහා බලාගෙන හිටියා...