الرجل كالي تسأل عن الهجري لو الميلادي كتلة الميلادي وهنا جانت الصدمة كال 1966 اني نصدمت صدمة العمر يعني رجعت بالزمن لمدة 57 سنة ما ستوعبت وما صدكت الرجل رحت ادور ناس اسالهم مرة ثانية وسالتهم وجاوبوني نفس الجواب اني هنا انصعقت كلت بيني وبين نفسي هذا اكيد حلم مستحيل يكون حقيقة كعدت انتظر شوكت اصحة من الحلم كاعد بالشارع لحد ما وصلت درجة صدكت هذا كلة حقيقة مو مجرد حلم رحت ادور مكان اكعد بية اكل اشرب ماكو غير الجامع رحت للجامع وطلبت من الشيخ ابقة بالجامع وانام بيه وافق الشيخ وكالي بس بشرط كتلة شنو كالي تغسل الجامع وتنضفة كل يوم باعتبارك خادم للجامع كتلة موافق وكعدت بيه اول بيوم اجو ناس سالوني انت منين محتاج شي اني رفضت احجي لاحد الي عرفوه عني فقط شخص غريب ماعندي احد بهاي المدينة اول يوم اخذني احد الاشخاص الي اسمة سلمان ونمت عندة بالمنزل وجابلي اكل وملابس طبعا الرجل مستغرب من كلشي بس ما كالي اي شي اليوم الثاني تشكرته وطلعت ادور على شي يخليني استوعب الي ديصير
طبعا الحياة قديمة لبس الناس السيارات حتى اطباعهم وهنا بنص السوق القديم التقيت مرة ثانية بنفس السخص الي اخذني لبيتهم الي هوة سلمان وكالي هل مرة ما اعوفك اله تحجيلي قصتك كتلة بالوقت الحالي ماكدر اكلك طبعا اني خايف هنا تنتشر قصتي وناس عبالهم مجنون استقريت بالجامع الي موجود بنص السوك القديم وانام بيه وناس الي تجي تصلي يجيبولي اكل وشرب وملابس وصرت اتاقلم على الحياة القديمه وصرت اعرف اطباع الناس وبديت استقر اكثر وصار سلمان كل يوم يزورني ويتقرب مني صار صديقي طبعا هوه اكبر مني بالعمر ارتاحلي الرجال ورتاحيتلة صرت اروح كل فترة لبيتهم وتعرفت على اخوته واهلة بس هنا بعد كلشي ما عرف عني لحد ما اجة يوم وكالي
شوف لازم تحجيلي قصتك لان الناس بدت تحجي عنك حجي مو زين حجي ابد مراح يعجبك ويطلعون عنك اشاعات بس اني ابد ما صدكت الناس وكلت خلي اعرف قصتة ولانك صديقي المقرب اجيت وحجيتلك هل حجي فلازم تحجيلي حتى اكدر اساعدك .....
