رجعنة والشعور بالخيبة مؤلم بس اباوع على سلمان هوة يحاول يواسيني بس فرحان بداخلة لان راح ابقة وياه بقيت على نفس الحالة لحد ما اجاني سلمان عرض علية اشتغل وياه عدهم معمل صناعة مواد البناء هوة واخوته وافقت هنا بديت حياة جديدة بزمن مختلف وبديت انسه الماضي واتاقلمت مع الحياة القديمة صارت حياتي عبارة عن شغل ونوم بس بدون فائدة لا عندي اهل ولا عندي احد مرت ايام هواي طلب مني سلمان اتزوج اني رفضت حاول يقنعني كتلة منو يزوجني بنته واني ماعندي اهل ولا عندي احد يعرفني جنت شايل فكرة الزواج مع العلم بهذاك الزمن شباب اصغر مني متزوجين وعدهم عيال لحد ما اجه اليوم وفكرت انو يمكن الي احد بهذا الزمن اكيد اجدادي عايشين وعمامي وابوي قررت اكول لسلمان فدليتة على بيت جدي الي سبق ورحنة اني ابوية علية كالي هذا بيت جدك من جنة صغار عايشين بهذا البيت لحسن الحظ البيت موجود داخل هاي المدينة رحنه اني وسلمان وقت الصبح واكفين كدام باب بيت جدي ننتضر احد يطلع منه بكلي نعرفه والصدمة يطلع من البيت جدي الي عمري ما شفته بس بالصور وياه عمامي شباب صغار وابوي اصغرهم عمرة 5 سنوات وياهم رايحين لشغلهم هنا ماعرفت اسيطر على مشاعري وانهاريت ماكدر اروح اكللهم لان مراح يصدكوني ويكولون علية مخبل ولا عندي حل اسويه غير ابقة اشوفهم واتحسر رجعنه وجنت متمني ما طالعين هذا المشوار الي أذاني حيل رجعت وقترحت على سلمان اروح عليهم واحجيلهم تفاصيل العائلة اكيد من خلالها راح يصدكوني لان اعرف كل تفاصيل بيت جدي وكلشي اعرف عن اهل ابوي وكرايبه لان ابوية
جان يسولفلي كلشي فهنا صرت ادرس الموضوع بعد تفكير مطول سلمان نصحني ما اروح اخطي هل خطوة لان بيها مخاطر لمستقبل اهلك ومستقبلك وقتنعت بحجي سلمان هنا صرت كل يوم احس ملل وشعور الوحدة والفقر وصار بية اكتئاب وصرت افكر بالانتحار افكار الانتحار صارت تراودني كلش لان شعور اليأس سيطر علية وانتهيت
