بعد ما كالي سلمان هل كلام لحيت عليه حتى يكلي شنو يكولون الناس هوة ما رضة يحجي شي بس لحيت عليه حييل وضغطت عليه كالي شوف اني راح احجيلك السالفه بس توعدني متسوي شي وتتحكم باعصابك هنا بدة جسمي يرجف حسيت اكو شي عظيم كالي شوف الناس يكولون عنك ماعندك اهل كتلة يعني شلون كال يعني يقصدون لقيط ومتعرف ابوك اني هنا طلبت منه وتوسلت بي يكلي منو هل الناس التحجي علية ما رضة يكلي لان شافني صرت عصبي وكعد يهدي بية لحد ما هديت بعد كالي هسة دورك تحجيلي قصتك كتلة توعدني بالاول تبقة بيني وبينك هل قصة ووعدني كتلة اني مو من هذا الزمن كالي شنو مو من هذا الزمن ستغرب كتلة اني جاي من المستقبل كال وضحلي اكثر كتلة احنه هسة بسنة 1966 كالي اي صح كتلة اني نولدت سنة 2000 يعني بعد 34 سنة راح انولد ضحك هوة ضحكة استهزاء كالي اي كمل كتلة انتة وعدتني واني دحجيلك الحقيقة كتلة اني مواليد يونيو 2000 يعني عمري 23 سنة كالي شلون هيج حجيتلة قصة السرداب وحجيتلة كلشي وحجيتلة عن الزمن الي جنت بيه وشنو الاحداث الي راح صير هنا ستغرب وحط ايده ع راسه وضل صافن ومرعوب ومو مستوعب الي حجيتة وطلع مر يوم ثاني ورحت على سلمان حجيتلة على مواصفات المدينة الي رحت بيها وسافرت منها هية صايرة بعد محطة القطار وعرف المكان هوة طلبت منه يروح وياي ندور عليها يمكن اكدر ارجع لزمني منها هوة رفض كال مستحيل اتركك اني تعودت عليك وصرت اكثر من اخ الي ماتركك تروح انت اول صديق بحياتي وهنا عيونه دمعت بس كتلة انتة اعز صاحب عندي بس فكر باهلي هسة شصاير وياهم وحاولت وياه واخيرا قنعتة يروح وياي مشينة تقريبا لمدة ساعة ووصلنة محطة القطار ونشوف بعد محطة القطار صحراء ماكو اي بيوت ولا اثر مدينة بس مجرد بيت بعيد رحنه نمشي لهذا البيت وبداخلي بصيص من الأمل ودكينة الباب وطلع رجال كبير بالسن راعي اغنام سالناه اكو هنا بهل بيت سرداب او بهل منقطة كال لا ماكو اي سرداب واني عايش هنا لمدة 15 سنة ابد ماكو سرداب او ناس غيري بهل صحراء هنا رجعنا واني منهار انكطع الامل ورجعت مكسور وكل المشاعر السلبية تحودني بقيت مكتأب لفترة والدنيا ضاقت علية ........
