آنة أتمنى أجي يمك واسولفلك على احوالي
واحط بأيدك وجع گلبي واكلك هذا چتالي!
ــــــــــــــــــــــــــــــــــــــــــــــــــــــــــــــــــــــــــ
غثيتني وكلهم درو…
وشفت أمي تدعي لطيحتك
نزلت أديها وصيحت
كلهن ولا عافيتة
ــــــــــــــــــــــــــــــــــــــــــــــــــــــــــــــــــــــ
مو مالت أوداع هستونة متلاگين
بعدها عيونة من المستحة مدنگة
بعدها الشمس تشوفنا ضلين
ما لحگنها نكسر عينها بشبگة
ـــــــــــــــــــــــــــــــــــــــــــــــــــــــــــــــــــــــ
ما تجين؟
شضل بعد والمن بعد تتأملين
انتحرت النجمة بسمانـة
وانذبح زاجل هوانـة
وأعلن البلبل حـدادة
وطائر النورس حزين
ما تجين؟
ـــــــــــــــــــــــــــــــــــــــــــــــــــــــــــــــــــــــ
رد ما دام عشكك حار لايبرد
رد لكلبي الابيض لا يصير أسود
باب البيت اذا ينسد تفتحة چفوف
بس باب الگلب شيفتحـة اذا ينسد؟
ــــــــــــــــــــــــــــــــــــــــــــــــــــــــــــــــــــــ
شغيرني وشغيرك؟
چـا والوعد وينة؟
نتلاكة مَلگـة الغرب
نتسالم ونفترگ
محد ترف عينة
ـــــــــــــــــــــــــــــــــــــــــــــــــــــــــــــــــــــ
معقولة كلبك طاوعك
خـلاك تڪره صوتي
غشوك مدري بيا حجي
بعد ماتهم حتى بموتي
كتلك اموت عليك أنا
وانت ابد ماقصرت رحت وجبت تابوتي
ــــــــــــــــــــــــــــــــــــــــــــــــــــــــــــــــــــــ
بهتت لذَة الوادم وخضر طولك بعيني
ونشدتك يارفيج الشوف
شمسوي لحلاتك حتى تجويني
وشمغني وي غيرك حتى ما غنيك
يا أول فرض بـ سنيني
أجذب لو كلت بالشعر ماخليك
ولو هو الشعر لونك يامفتاح كلبي
العطش مو للماي لعيونك
ثاري الوطن هاي الهلا البعيونك
وأثاري الجنة وياك وشلونك…
ـــــــــــــــــــــــــــــــــــــــــــــــــــــــــــــــــــــــ
مو بيدي من أبتسم
كلما حجو عنك
بس انت ضحكة طفل
ما ينشبع منك
والروح لمن تمر يابة شكبر حَظها
وعيوني اذا شافتك جيب اليغمضها
ــــــــــــــــــــــــــــــــــــــــــــــــــــــــــــــــــــــ
أمشي خُطوة
يجوز يطلع مُو سَراب
وتنفِتحلك عِين مَاي وتِـرتوي
يمكن تـلاگي بطريقك حُب عَظيم
ليش كاضيها بغُرفتَك مَنطوي
يجوز تلـگة بصفحة مضمون الكتاب
بغير صفحة تشوف مفهوم الطوي
وميز الايام اليمرن عليك
وعيش باجر لاتعيش البارحة
وفتش بحيطان بيتك تلكة باب
كبل لايندك اريدد فاتحة
والمواقف عيشها وخلكك طويل
حتى تتحمل وجعها وتحتوي
اليوجعنك لازم يمرن عليك
الثمرة بيش تفيد اذا متستوي
امشي والمكتوبلك يركض وراك
مثل حرف القافية وحرف الروي
ــــــــــــــــــــــــــــــــــــــــــــــــــــــــــــــــــــ
بكل ضياع الروح أريدك
أنا كل أدروبي احسها خطوط أيدك
ــــــــــــــــــــــــــــــــــــــــــــــــــــــــــــــــــــ
حَن وانا أحَن
غناها ياس بكُل حَزن
وانا أستمع وأتذكرك
ودموعي تاكل بالجفن
ليش أرحَلت من دنيتي
وسهامك بگلبي دفن
يمتى تحَن وترد الي
والجسد بعدك منطعن
دنياي صارت بس وهَم
وساعاتي صارن بس حَزن
ـــــــــــــــــــــــــــــــــــــــــــــــــــــــــــــــــــ
مآ دآم عندي گلب شآيل تفآصيَلك
لو عمري يگضي ويرد مآ صيرن لغيرَك ..
ــــــــــــــــــــــــــــــــــــــــــــــــــــــــــــــــــــــــ
ينحط بقفِص وگُبال بسُتِان
يِردم بَالقفص ويطيح وِيلوب
يضل ينـعه نواعي ألغاضريات
وذاً ينعـن يهدن حيل الگـلوب
ويمـر وجـه اليحبـه شراع
والريح تدفعـه ومايشوفه بروچ محچوب
لـو مـا صورته بَـ البوم الاحلام
مَـا چُان انطبعَ بالـِروح محبوب .
ـــــــــــــــــــــــــــــــــــــــــــــــــــــــــــــــــــــ
بعنـة ألبيت ريت ألبيت مهجوم
وريت أكثر بعد مہטּ هالخساير !
فرأش ألفاتحة لـو شفته ملموم
بنص گلوبنـة تلگـة ألجوادر
باجر عگِب باجر جايك البيت
وَكت فرغلي رَوحُـِك حتِىَ أحَاچُيهِا
لتكلي الكبر والچفِن والتابوتَ
فكرة مـوِتك ما مقتنع بيها
عدل وتضل عدل لـو تندفن مرِتين
يا محبوب عيني ومي سواچيها
يا كل البگلبي وأنتَ لـوِ مابي
چا هسة أني خالي وكلشي ماعندي
أنتضرتك وأنتظر انتضرتَك وأنتَظر
وعيوني وكـت ألموت
أنطيهن ألواحد ينتظر بعدي
ــــــــــــــــــــــــــــــــــــــــــــــــــــــــــــــــــــــ
الحُب مو كوه بس الفرگه كوه
بعد ياهوا اليگلي شبيك زعلان
ويشاقيني ويگلي دموعي تسوه،
وبعد ياهوا اليگلي شبيك مهموم
ويحسسني حتى احزاني حلوه
ياهوا من الرسايل يدري مخنوك،
ال من أتعب ضحكته تصير تچوه
ياهوا يحل مشاكل دنيتي وياي ؟
ـــــــــــــــــــــــــــــــــــــــــــــــــــــــــــــــــــــ
وحرك دم وتعب …واهات ودموع
وسلب راحه وسهر …والنوم مسلوب؟
وكل موعد فرح… واعياد وياه
وأشوف الكون …من يروح مگلوب
كل هذا وتكولن ؛ عوف وانساه
لا أيوب أنا … ولا انا يعگوب .
ـــــــــــــــــــــــــــــــــــــــــــــــــــــــــــــــــــــــ
فارشلك جـفن وأتنطَر تنام ..
نام ، ولا تهمك ضيم الايام
يا بعد رمـوش عيني
وجِفني والعيَن ، وصبيهَا ونِظرها
وذيَچ الأحلام ..
سَنة ما شايفَك ، بَس أنت موجود
لِهسه أشتِم عُطر مِن شوفَت العام !
ما تاجرِت بأسمَك ، بَس تعاطيّت
بيَني وبيَني روحَيّ وهَجرك أعدام
شِفتك بالحلم ، فَزيت مرعُوب
ما لحگِت أشوفك مِسرع جِدام
نِذر لو مَلتفتليّ .!
چا تحَنيّت
مِن أطراف جِدمي لشعَرة الهَام
ملثَم مِن تَمُر ..
ما أعرفَك تريَد ؟
أعرفَك لو تحَط أعلهَ أسمَك لثَام ❤.
